헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 12)

ταῦτ’ εἰπόντοσ αὐτοῦ πολλή τισ ἔκπληξισ κατέσχε τὸ συνέδριον καὶ ἀμηχανία· καὶ συνελάλουν ἀλλήλοισ, ὡσ χαλεπὸν ἑκάτερον ἦν, καὶ τὸ συγχωρεῖν τοῖσ δημάρχοισ ζητήσεισ ἐφ’ ἑαυτῶν ποιεῖσθαι περὶ κοινοῦ καὶ μεγάλου πράγματοσ, καὶ τὸ μὴ συγχωρεῖν.

ὑποπτεύσασ δ’ αὐτῶν τὴν γνώμην ἀνέστη τῶν ὑπάτων ἅτεροσ, Γάιοσ Κλαύδιοσ καὶ ἔλεξε τοιάδε· οὐ δέδοικα, Οὐεργίνιε, μή με ὑπολάβωσιν οὗτοι κοινωνὸν εἶναι τῆσ συνωμοσίασ, ἣν ἐφ’ ὑμῖν καὶ τῷ δήμῳ πράττεσθαι λέγετε, ἢ τὰ ὑπὲρ ἐμαυτοῦ δεδιότα ἢ τῶν ἐμῶν τινοσ ἐνόχου ταῖσ αἰτίαισ ὄντοσ ἀνεστάναι τἀναντία ὑμῖν ἐροῦντα·

ὁ γὰρ βίοσ ἀπολύει με πάσησ ὑποψίασ τοιαύτησ. ἃ δὲ νομίζω τῇ τε βουλῇ καὶ τῷ δήμῳ συμφέρειν, ἀπὸ τοῦ κρατίστου καὶ δίχα πάσησ εὐλαβείασ ἐρῶ. δεῖ πρᾶγμα οὕτωσ ὂν μέγα καὶ ἀναγκαῖον, ἢ ὡσ οὐ δεῖ κοινωνεῖν οὐδὲ παρεῖναι τῇ ζητήσει τοὺσ ἀνειληφότασ τὴν τοῦ δήμου ἀρχήν.

οὐθεὶσ οὔτε ἠλίθιόσ ἐστιν οὕτωσ οὔτε τῷ δήμῳ κακόνουσ, ὥστε ταῦτα λέγειν. τί οὖν, εἴ τισ ἔροιτό με, παθών, ἃ συγχωρῶ καί φημι δίκαια εἶναι, τούτοισ ἀντιλέξων ἀνέστην, καὶ τί βούλεταί μου ὁ λόγοσ, ἐγὼ νὴ Δία φράσω πρὸσ ὑμᾶσ.

παντὸσ οἰόμαι δεῖν πράγματοσ, ὦ βουλή, τὰσ ἀρχὰσ καὶ τὰσ πρώτασ ὑποθέσεισ τοὺσ εὖ φρονοῦντασ ἀκριβῶσ σκοπεῖν· οἱαῖ γὰρ ἂν αὗται τύχωσιν οὖσαι, τοιούτουσ ἀνάγκη γίνεσθαι καὶ τοὺσ περὶ αὐτῶν λόγουσ. φέρε δή, τίσ ἡ τοῦδε τοῦ πράγματοσ ὑπόθεσίσ ἐστι καὶ τί τὸ βούλευμα τῶν δημάρχων, ἀκούσατέ μου.

οὐκ ἐνῆν τούτοισ οὐδέν, ὧν ἐν τῷ παρελθόντι ἐνιαυτῷ πράττειν ἐπιβαλλόμενοι διεκωλύθησαν, ἐπιτελέσασθαι νῦν ὑμῶν τε ἐναντιουμένων αὐτοῖσ ὡσ πρότερον καὶ τοῦ δήμου μηκέθ’ ὁμοίωσ συναγωνιζομένου. συνιδόντεσ δὴ τοῦτο ἐσκόπουν, ὅπωσ ἂν ὑμεῖσ τ’ ἀναγκασθείητε παρὰ γνώμην αὐτοῖσ εἶξαι, καὶ ὁ δῆμοσ ἅπαντα ὅσ’ ἂν ἀξιῶσι συμπράττειν. ἀληθῆ μὲν οὖν καὶ δικαίαν ὑπόθεσιν οὐδεμίαν εὑρ́ισκον, δι’ ἧσ ἑκάτερον τούτοισ ἔσται, πολλὰ δὲ βουλεύματα πειράζοντεσ καὶ στρέφοντεσ ἄνω καὶ κάτω τὸ πρᾶγμα τελευτῶντεσ ἐπὶ τοιοῦτον δή τινα λογισμὸν ἦλθον·

αἰτιασώμεθα συνίστασθαί τινασ ἐκ τῶν ἐπιφανῶν ἐπὶ καταλύσει τοῦ δήμου, καὶ σφάττειν διεγνωκέναι τοὺσ παρέχοντασ αὐτῷ τὸ ἀσφαλέσ.

καὶ ταῦτα ἐκ πολλοῦ παρασκευάσαντεσ λέγεσθαι κατὰ τὴν πόλιν, ὅταν ἤδη πιστὰ εἶναι τοῖσ πολλοῖσ δόξῃ ‐ δόξει δὲ διὰ τὸ δέοσ ‐ ἐπιστολὰσ μηχανησώμεθα πολλῶν παρόντων ἡμῖν ὑπ’ ἀνδρὸσ ἀγνῶτοσ ἀναδοθῆναι·

ἔπειτ’ ἐλθόντεσ ἐπὶ τὸ συνέδριον ἀγανακτῶμέν τε καὶ σχετλιάζωμεν καὶ τοῦ ζητεῖν τὰ προσηγγελμένα αἰτῶμεν τὴν ἐξουσίαν. ἐάν τε γὰρ ἀντιλέγωσιν ἡμῖν οἱ πατρίκιοι, ταύτην ληψόμεθα τοῦ διαβαλεῖν αὐτοὺσ πρὸσ τὸν δῆμον ἀφορμήν, καὶ οὕτωσ ἅπαν τὸ δημοτικὸν ἠγριωμένον αὐτοῖσ ἕτοιμον ἡμῖν εἰσ ἃ βουλόμεθα ὑπάρξει·

ἐάν τε συγχωρῶσι, τοὺσ γενναιοτάτουσ ἐξ αὐτῶν καὶ πλεῖστα ἡμῖν ἐναντιωθέντασ πρεσβυτέρουσ τε καὶ νέουσ ἐλαύνωμεν, ὡσ εὑρηκότεσ ταῖσ αἰτίαισ ἐνόχουσ.

ἐκεῖνοι δὲ ἄρα τὰσ καταγνώσεισ δεδιότεσ ἢ συμβήσονται πρὸσ ἡμᾶσ ἐπὶ τῷ μηθὲν ἔτι ἀντιπράττειν ἢ καταλιπεῖν ἀναγκασθήσονται τὴν πόλιν.

ἐκ δὲ τούτου πολλὴν ποιήσομεν ἐρημίαν τοῦ ἀντιπάλου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 10, chapter 12

(디오니시오스, Antiquitates Romanae, Books X-XX, book 10, chapter 12)

상위

목록

SEARCH

MENU NAVIGATION