헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 10)

ὦ βουλή, φέρειν τοὺσ περὶ αὐτῶν λόγουσ εἰσ μέσον, ταραχάσ τε ὑποπτεύοντεσ ἔσεσθαι μεγάλασ, οἱᾶ εἰκὸσ ἐπὶ δεινοῖσ ἀκούσμασι, καὶ δι’ εὐλαβείασ ἔχοντεσ, μὴ ταχύτερα δόξωμεν ὑμῖν βεβουλεῦσθαι μᾶλλον ἢ φρονιμώτερα. οὐ μὴν ὀλιγωρίᾳ γ’ αὐτὰ παραδόντεσ ἀφήκαμεν, ἀλλ’ ὅση δύναμισ ἡμῖν ἦν ἐπιμελῆ ζήτησιν ἐποιούμεθα τῆσ ἀληθείασ.

ἐπεὶ δὲ ἡ τοῦ δαιμονίου πρόνοια, ὑφ’ ἧσ ἀεὶ σωζόμεθα κοινῇ, καλῶσ ποιοῦσα τὰ κεκρυμμένα βουλεύματα καὶ τὰσ ἀνοσίουσ ἐπιχειρήσεισ τῶν θεοῖσ ἐχθρῶν εἰσ φῶσ ἄγει, καὶ γράμματα πάρεστιν ἡμῖν, ἃ δεδέγμεθα νεωστὶ παρὰ ξένων εὔνοιαν ἡμῖν ἐνδεικνυμένων, οὓσ ὕστερον ἀκούσεσθε, καὶ συντρέχει τε καὶ συνᾴδει τοῖσ ἔξωθεν ἐπιστελλομένοισ τὰ ἐνθένδε μηνυόμενα, καὶ τὰ πράγματα οὐκέτι μέλλησιν οὐδ’ ἀναβολὴν ἐν χερσὶν ὄντα ἐπιδέχεται, πρὶν εἰσ τὸν δῆμον ἐξενεγκεῖν, ὑμῖν πρώτοισ ὥσπερ ἐστὶ δίκαιον ἀπαγγεῖλαι διέγνωμεν αὐτά. ἀνδρῶν οὐκ ἀφανῶν, ἐν οἷσ ἐνεῖναι μέν τι λέγεται μέροσ οὐ πολὺ καὶ τῶν εἰσ τόδε συλλεγομένων τὸ συνέδριον πρεσβυτέρων, τὸ δὲ πλεῖστον ἐκ τῶν ἔξω τῆσ βουλῆσ ἱππέων, οὓσ οὔπω καιρὸσ οἵτινέσ εἰσιν ὑμῖν λέγειν.

μέλλουσι δ’ οὖν, ὡσ πυνθανόμεθα, σκοταίαν φυλάξαντεσ νύκτα κοιμωμένοισ ἡμῖν ἐπιχειρεῖν, ἡνίκα οὔτε προιδεῖν τι τῶν γινομένων οὔτε φυλάξασθαι καθ’ ἓν γενόμενοι δυνάμεθα·

ἐπιπεσόντεσ δὲ ταῖσ οἰκίαισ τούσ τε δημάρχουσ ἡμᾶσ κατασφάττειν καὶ τῶν δημοτῶν ἄλλουσ ἐναντιωθέντασ ποτὲ αὐτοῖσ περὶ ἐλευθερίασ ἢ τὸ λοιπὸν ἐναντιωσομένουσ. ὅταν δὲ ἡμᾶσ ἐκποδὼν ποιήσωνται, τότ’ ἤδη κατὰ πολλὴν ἀσφάλειαν ἡγοῦνται διαπράξασθαι παρ’ ὑμῶν τὰ λοιπὰ ἀναιρεθῆναι διὰ κοινοῦ ψηφίσματοσ τὰσ γενομένασ ὑμῖν πρὸσ τὸν δῆμον ὁμολογίασ. προσειλήφασιν εἰσ ταῦτα τῶν ὑμετέρων φυγάδων Καίσωνα Κοίντιον ἡγεμόνα, ὃν ἐπὶ φόνοισ πολιτῶν καὶ διαστάσει τῆσ πόλεωσ ἐξελεγχθέντα διεπράξαντό τινεσ τῶν ἐνθάδε μὴ δοῦναι δίκην, ἀλλ’ ἀθῷον ἀπελθεῖν ἐκ τῆσ πόλεωσ, κάθοδόν τε πράξειν ὑπέσχηνται καὶ ἀρχὰσ προτείνονται καὶ τιμὰσ καὶ ἄλλουσ μισθοὺσ τῆσ ὑπουργίασ.

κἀκεῖνοσ ὑπέσχηται στρατιὰν αὐτοῖσ Αἰκανῶν καὶ Οὐολούσκων ἄξειν ἐπίκουρον, ὅσησ ἂν δεηθῶσιν·

ἥξει τε οὐκ εἰσ μακρὰν αὐτὸσ μὲν ἐπαγόμενοσ τοὺσ εὐτολμοτάτουσ κρύφα κατ’ ὀλίγουσ εἰσάγων καὶ σποράδασ, ἡ δ’ ἄλλη δύναμισ, ὅταν οἱ τοῦ δήμου προεστηκότεσ ἡμεῖσ διαφθαρῶμεν, ἐπὶ τὸ ἄλλο πλῆθοσ τῶν πενήτων χωρήσει, ἐάν τινεσ ἄρα περιέχωνται τῆσ ἐλευθερίασ. δεινὰ καὶ ἀνόσια ἔργα, οὔτε θεῖον φοβηθέντεσ χόλον οὔτε ἀνθρωπίνην ἐντραπέντεσ νέμεσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 10

(디오니시오스, Antiquitates Romanae, Books X-XX, book 10, chapter 10)

상위

목록

SEARCH

MENU NAVIGATION