헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 9)

Ποπλίου δὲ Οὐαλερίου Ποπλικόλα καὶ Γαϊού Κλαυδίου Σαβίνου τὴν ὑπατικὴν ἐξουσίαν παραλαβόντων κίνδυνοσ ὅσοσ οὔπω τὴν Ῥώμην κατέσχεν ἐξ ἀλλοεθνοῦσ πολέμου, ὃν παρήγαγεν ἐντὸσ τείχουσ ἡ πολιτικὴ στάσισ, ὡσ οἵ τε Σιβύλλειοι χρησμοὶ προὔλεγον καὶ τὰ ἐκ τοῦ δαιμονίου φανέντα προεθέσπισε τῷ παρελθόντι ἐνιαυτῷ. διηγήσομαι δὲ τήν τε αἰτίαν, ἀφ’ ἧσ ὁ πόλεμοσ εἰσῆλθε, καὶ τὰ πραχθέντα τοῖσ ὑπάτοισ κατὰ τὸν τότε ἀγῶνα. οὐκ ἐνῆν τῷ βιαίῳ καταγωνίσασθαι, μάλιστα δὲ τοῦ δήμου τὸ πλεῖον ὑποκατακλινόμενον ταῖσ θεραπείαισ τῶν πατρικίων καὶ προθυμίαν οὐκέτι περὶ τοῦ νόμου τὴν αὐτὴν παρεχόμενον, ἰταμωτέραν ὁδὸν ἔγνωσαν ἐπὶ τὰ πράγματα πορεύεσθαι, δι’ ἧσ καταπλήξονται μὲν τὸν δῆμον, ἀναβαλοῦσι δὲ τὸν ὕπατον.

πρῶτον μὲν κατεσκεύασαν φήμασ λέγεσθαι κατὰ τὴν πόλιν παντοδαπάσ·

ἔπειτ’ ἐξ ἑωθινοῦ καθεζόμενοι δι’ ὅλησ ἡμέρασ συνήδρευον ἐν τῷ φανερῷ, μεταδιδόντεσ οὐθενὶ τῶν ἔξωθεν οὔτε βουλεύματοσ οὔτε λόγου. ἐπεὶ δὲ καιρὸσ ἐπιτήδειοσ ἔδοξεν αὐτοῖσ εἶναι πράττειν τὰ βεβουλευμένα, πλασάμενοι γράμματα καὶ ταῦτα παρασκευάσαντεσ ἀναδοθῆναι σφίσιν ὑπ’ ἀνδρὸσ ἀγνῶτοσ καθημένοισ ἐν ἀγορᾷ, ὡσ διῆλθον αὐτά, παίοντεσ τὰ μέτωπα καὶ κατηφεῖσ τὰσ ὄψεισ ποιήσαντεσ ἀνίστανται. πολλοῦ δὲ συνδραμόντοσ ὄχλου καὶ μέγα τι κακὸν ἐν τοῖσ γράμμασιν ἐνεῖναι γεγραμμένον μαντευομένου σιωπὴν προκηρύξαντεσ εἶπον·

ἐν ἐσχάτοισ ἐστὶν ὑμῖν κινδύνοισ, ὦ πολῖται, τὸ δημοτικόν·

καὶ εἰ μὴ θεῶν τισ εὔνοια προείδετο τῶν ἄδικα πάσχειν μελλόντων, εἰσ δεινὰσ ἂν ἅπαντεσ ἤλθομεν συμφοράσ. αἰτούμεθα δὲ ὑμᾶσ βραχὺν ἐπισχεῖν χρόνον, ἑώσ τῇ βουλῇ δηλώσωμεν τὰ προσαγγελθέντα καὶ μετὰ κοινῆσ γνώμησ πράξωμεν τὰ δέοντα. ταῦτ’ εἰπόντεσ ᾤχοντο πρὸσ τοὺσ ὑπάτουσ.

ἐν ὅσῳ δὲ ἡ βουλὴ συνήγετο χρόνῳ, πολλοὶ καὶ παντοδαποὶ λόγοι κατὰ τὴν ἀγορὰν ἐγίνοντο, τῶν μὲν ἐκ παρασκευῆσ ἃ παρηγγέλλετο αὐτοῖσ ὑπὸ τῶν δημάρχων κατὰ συστροφὰσ λαλούντων, τῶν δέ, ἃ μάλιστα ἐδεδοίκεσαν μὴ γένηται, ταῦτα ὡσ ἀπηγγελμένα τοῖσ δημάρχοισ λεγόντων. ἔφη δ’ ὁ μέν τισ Αἰκανοὺσ καὶ Οὐολούσκουσ ὑποδεξαμένουσ Καίσωνα Κοίντιον τὸν ὑπὸ τοῦ δήμου καταδικασθέντα ᾑρῆσθαι στρατηγὸν αὐτοκράτορα τῶν ἐθνῶν καὶ πολλὰσ δυνάμεισ ἀγείραντα μέλλειν ἐπὶ τὴν Ῥώμην ἐλαύνειν·

ὁ δέ τισ ἀπὸ κοινῆσ γνώμησ τῶν πατρικίων τὸν ἄνδρα κατάγεσθαι ξενικαῖσ δυνάμεσιν, ἵνα ἡ φυλακὴ καταλυθείῃ νῦν τε καὶ εἰσ τὸν λοιπὸν χρόνον τῶν δημοτικῶν·

ὁ δέ τισ οὐχ ἅπαντασ εἶναι τοὺσ πατρικίουσ ἔφη τοὺσ ταῦτα βεβουλευμένουσ, ἀλλὰ μόνουσ τοὺσ νέουσ. ἐτόλμων δέ τινεσ λέγειν, ὅτι καὶ ἐντὸσ τῆσ πόλεωσ ὁ ἀνὴρ εἰή κρυπτόμενοσ καὶ μέλλοι καταλαμβάνεσθαι τῶν τόπων τοὺσ ἐπικαιροτάτουσ.

ὅλησ δὲ κραδαινομένησ ἐπὶ τῇ προσδοκίᾳ τῶν δεινῶν τῆσ πόλεωσ, καὶ πάντων ἀλλήλουσ ἐχόντων δι’ ὑποψίασ καὶ φυλακῆσ, οἱ μὲν ὕπατοι τὴν βουλὴν ἐκάλουν, οἱ δὲ δήμαρχοι παρελθόντεσ ἐδείκνυσαν τὰ προσαγγελλόμενα. ἦν δὲ ὁ τοὺσ λόγουσ ὑπὲρ αὐτῶν ποιούμενοσ Αὖλοσ Οὐεργίνιοσ καὶ ἔλεξε τοιάδε·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books X-XX, book 10, chapter 9

(디오니시오스, Antiquitates Romanae, Books X-XX, book 10, chapter 9)

상위

목록

SEARCH

MENU NAVIGATION