헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 5)

ὁ δὲ πλείστουσ τε περὶ αὑτὸν ἔχων ἑταίρουσ καὶ μέγιστον τῶν τότε νέων δυνάμενοσ Καίσων Κοίντιοσ ἦν, υἱὸσ Λευκίου Κοιντίου τοῦ καλουμένου Κικιννάτου, ᾧ γένοσ τ’ ἦν ἐπιφανὲσ καὶ βίοσ οὐθενὸσ δεύτεροσ, ἀνὴρ ὀφθῆναί τε κάλλιστοσ νέων καὶ τὰ πολέμια πάντων λαμπρότατοσ φύσει τε περὶ λόγουσ κεχρημένοσ ἀγαθῇ· ὃσ ἐν τῷ τότε χρόνῳ πολὺσ ἔρρει κατὰ τῶν δημοτικῶν οὔτε λόγων φειδόμενοσ, ὧν βαρὺ τοῖσ ἐλευθέροισ ἀκούειν, οὔτ’ ἔργων ἀκολούθων τοῖσ λόγοισ ἀπεχόμενοσ.

οἱ μὲν οὖν πατρίκιοι τίμιον αὐτὸν ἐπὶ τούτοισ εἶχον καὶ μένειν παρὰ τὰ δεινὰ ἠξίουν αὐτοὶ παρασχεῖν τὸ ἀσφαλὲσ ὑπισχνούμενοι· οἱ δ’ ἐκ τοῦ δήμου πάντων δὴ μάλιστα αὐτὸν ἀνθρώπων ἐμίσουν. τοῦτον τὸν ἄνδρα ἔγνωσαν οἱ δήμαρχοι πρῶτον ἐκποδὼν ποιήσασθαι, ὡσ καταπληξόμενοι τοὺσ λοιποὺσ τῶν νέων καὶ προσαναγκάσοντεσ σωφρονεῖν.

γνόντεσ δὲ ταῦτα καὶ παρασκευασάμενοι λόγουσ τε καὶ μάρτυρασ πολλοὺσ εἰσάγουσιν αὐτὸν ὑπὸ δίκην ἀδικήματοσ δημοσίου, θανάτου τιμησάμενοι τὴν δίκην. ὅσα βίᾳ διαπεπραγμένοσ ἐτύγχανεν εἰσ τοὺσ δημότασ, ὧν τοὺσ πεπονθότασ αὐτοὺσ παρῆγον μάρτυρασ.

ὡσ δὲ παρέδωκαν τὸν λόγον, αὐτὸ μὲν τὸ μειράκιον οὐχ ὑπήκουε καλούμενον ἐπὶ τὴν ἀπολογίαν, ἀλλ’ ἠξίου τοῖσ ἰδιώταισ αὐτοῖσ ὑπὲρ ὧν ᾐτιῶντο παθεῖν κατὰ τὸν νόμον ὑπέχειν δίκασ, ἐπὶ τῶν ὑπάτων τῆσ κρίσεωσ γινομένησ·

ὁ δὲ πατὴρ αὐτοῦ χαλεπῶσ φέροντασ τὴν αὐθάδειαν τοῦ μειρακίου τοὺσ δημοτικοὺσ ὁρῶν ἀπελογεῖτο τὰ μὲν πολλὰ ψευδῆ τε καὶ ἐξ ἐπιβουλῆσ συγκείμενα κατὰ τοῦ παιδὸσ ἀποδεικνύσ· ὅσα δ’ οὐκ ἐνῆν ἀρνήσασθαι μικρὰ καὶ φαῦλα καὶ οὐκ ἄξια δημοσίασ ὀργῆσ εἶναι λέγων καὶ οὐδὲ ταῦτα ἐξ ἐπιβουλῆσ ἢ δι’ ὕβριν, ἀλλ’ ὑπὸ φιλοτιμίασ μειρακιώδουσ γεγονότα ἐπιδεικνύμενοσ, δι’ ἣν πολλὰ μὲν αὐτῷ συμβῆναι δρᾶσαι τῶν ἀβουλήτων ἐν ἁψιμαχίαισ, πολλὰ δ’ ἴσωσ καὶ παθεῖν, οὔτε ἡλικίασ ἐν τῷ κρατίστῳ ὄντι οὔτε φρονήσεωσ ἐν τῷ καθαρωτάτῳ.

ἠξίου τε τοὺσ δημοτικοὺσ μὴ μόνον ὀργὴν μὴ ἔχειν ἐφ’ οἷσ ἥμαρτεν εἰσ ὀλίγουσ, ἀλλὰ καὶ χάριν εἰδέναι περὶ ὧν ἅπαντασ εὖ ποιῶν ἐν τοῖσ πολέμοισ διετέλεσε, τοῖσ μὲν ἰδιώταισ ἐλευθερίαν κτώμενοσ, τῇ δὲ πατρίδι ἡγεμονίαν, ἑαυτῷ δὲ εἴ ποτε ἁμάρτοι τι φιλανθρωπίαν παρὰ τῶν πολλῶν καὶ βοήθειαν. καὶ διεξῄει τάσ τε στρατείασ πάσασ καὶ τοὺσ ἀγῶνασ ἅπαντασ, ἐξ ὧν ἀριστεῖα καὶ στεφάνουσ παρὰ τῶν στρατηγῶν ἔλαβε, πολιτῶν τε ὁπόσων ἐν ταῖσ μάχαισ ὑπερήσπισε καὶ τείχεσι πολεμίων ὁσάκισ πρῶτοσ ἐπέβη.

τελευτῶν δ’ εἰσ οἴκτουσ κατέβαινε καὶ δεήσεισ, ἀντὶ τῆσ ἑαυτοῦ πρὸσ ἅπαντασ ἐπιεικείασ βίου τε, ὃσ ἐμαρτυρεῖτο αὐτῷ πάσησ καθαρὸσ διαβολῆσ, μίαν ἀπαιτῶν παρὰ τοῦ δήμου χάριν, φυλάξαι τὸν υἱὸν αὐτῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 10, chapter 5

(디오니시오스, Antiquitates Romanae, Books X-XX, book 10, chapter 5)

상위

목록

SEARCH

MENU NAVIGATION