헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 10, chapter 2)

τότε δ’ αὐτὸ παραλαβόντεσ οἱ περὶ Αὖλον Οὐεργίνιον δήμαρχοι τελειῶσαι ἐβούλοντο· ἵνα δὲ μὴ τοῦτο γένοιτο μηδὲ κατὰ νόμουσ ἀναγκασθεῖεν πολιτεύεσθαι, πάντα ἐπιμηχανώμενοι διετέλουν οἵ τε ὕπατοι καὶ ἡ βουλὴ καὶ τῶν ἄλλων πολιτῶν οἱ πλεῖστον ἐν τῇ πόλει δυνάμενοι· βουλαί τε πολλαὶ καὶ ἐκκλησίαι συνεχεῖσ ἐγίνοντο πεῖραί τε παντοῖαι ταῖσ ἀρχαῖσ κατ’ ἀλλήλων, ἐξ ὧν οὐκ ἄδηλον ἅπασιν ἦν, ὅτι μεγάλη τισ καὶ ἀνήκεστοσ ἐξ ἐκείνησ τῆσ φιλονεικίασ ἀναστήσεται τῇ πόλει συμφορά. λογισμοῖσ καὶ τὰ θεῖα δείματα προσγενόμενα, ὧν ἔνια οὔτ’ ἐν δημοσίαισ εὑρίσκετο γραφαῖσ οὔτε κατ’ ἄλλην φυλαττόμενα μνήμην οὐδεμίαν.

ὅσα μὲν γὰρ ἐν οὐρανῷ σέλα φερόμενα καὶ πυρὸσ ἀνάψεισ ἐφ’ ἑνὸσ μένουσαι τόπου γῆσ τε μυκήματα καὶ τρόμοι συνεχεῖσ ἐγίνοντο, μορφαί τ’ εἰδώλων ἄλλοτ’ ἀλλοῖαι δἰ ἀέροσ φερόμεναι καὶ φωναὶ ταράττουσαι διάνοιαν ἀνθρώπων, καὶ πάντα ὅσα τούτοισ ὅμοια συνέπιπτεν, εὑρίσκετο καὶ πάλαι ποτὲ γεγονότα ἧττον τε καὶ μᾶλλον·

οὗ δὲ ἄπειροί τε καὶ ἀνήκοοι ἔτι ἦσαν καὶ ἐφ’ ᾧ μάλιστα ἐταράχθησαν, τοιόνδ’ ἦν· νιφετὸσ ἐξ οὐρανοῦ κατέσκηψεν εἰσ γῆν πολὺσ οὐ χιόνα καταφέρων, ἀλλὰ σαρκῶν θραύσματα ἐλάττω τε καὶ μείζω. τούτων τὰ μὲν πολλὰ μετάρσια προσπετόμεναι πτηνῶν ὅσαι εἰσὶν ἀγέλαι τοῖσ στόμασιν ἡρ́παζον, τὰ δ’ ἐπὶ τὴν γῆν ἐνεχθέντα ἐν αὐτῇ τε τῇ πόλει καὶ κατὰ τοὺσ ἀγροὺσ μέχρι πολλοῦ χρόνου κείμενα ἦν οὔτε χρόαν μεταβάλλοντα, οἱάν ἴσχουσι παλαιούμεναι σάρκεσ, οὔτε σηπεδόνι διαλυόμενα, ὦζέ τε ἀπ’ αὐτῶν οὐδὲν πονηρόν.

τοῦτο τὸ τέρασ οἱ μὲν ἐπιχώριοι μάντεισ οὐχ οἱοῖ́ τ’ ἦσαν συμβαλεῖν·

ἐν δὲ τοῖσ Σιβυλλείοισ εὑρέθη χρησμοῖσ, ὅτι πολεμίων ἀλλοεθνῶν παρελθόντων εἰσ τὸ τεῖχοσ ἀγὼν ὑπὲρ ἀνδραποδισμοῦ καταλήψεται τὴν πόλιν, ἄρξει δὲ τοῦ πρὸσ τοὺσ ἀλλοεθνεῖσ πολέμου στάσισ ἐμφύλιοσ, ἣν χρῆν ἀρχομένην ἐξελαύνοντασ ἐκ τῆσ πόλεωσ καὶ θεοὺσ παραιτουμένουσ θυσίαισ τε καὶ εὐχαῖσ ἀποτρέψαι τὰ δεινά·

κρείττουσ ἔσεσθαι τῶν ἐχθρῶν.

ὡσ δ’ ἐξηνέχθη ταῦτ’ εἰσ τὸ πλῆθοσ, ἱερὰ μὲν πρῶτον ἔθυσαν, οἷσ ἡ τούτων ἐπιμέλεια ἀνέκειτο, θεοῖσ ἐξακεστηρίοισ τε καὶ ἀποτροπαίοισ, ἔπειτα συναχθέντεσ εἰσ τὸ βουλευτήριον οἱ σύνεδροι παρόντων καὶ τῶν δημάρχων ὑπὲρ ἀσφαλείασ τε καὶ σωτηρίασ τῆσ πόλεωσ ἐσκόπουν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 10, chapter 2

(디오니시오스, Antiquitates Romanae, Books X-XX, book 10, chapter 2)

상위

목록

SEARCH

MENU NAVIGATION