헬라어 문장 검색 - Διοδορ́Λιβραρψ́8́47́

(디오도로스 시켈로스, Library, book xv, chapter 91)

οἱ δ’ ἀφεστηκότεσ τοῦ βασιλέωσ ἐπὶ τὴν τῶν ὅλων διοίκησιν εἵλαντο στρατηγὸν Ὀρόντην. οὗτοσ δὲ παραλαβὼν τὴν ἡγεμονίαν καὶ χρήματα πρὸσ ξενολογίαν, δισμυρίοισ στρατιώταισ ἐνιαύσιον μισθόν, ἐγένετο προδότησ τῶν πιστευσάντων. ὑπολαβὼν γὰρ παρὰ τοῦ βασιλέωσ δωρεῶν τε μεγάλων τεύξεσθαι καὶ τῆσ παραθαλασσίου πάσησ παραλήψεσθαι τὴν σατραπείαν, ἐὰν ἐγχειρίσῃ τοῖσ Πέρσαισ τοὺσ ἀφεστηκότασ, πρῶτον μὲν τοὺσ κομίσαντασ τὰ χρήματα συνέλαβε καὶ πρὸσ τὸν Ἀρταξέρξην ἀπέστειλε, μετὰ δὲ ταῦτα πολλὰσ τῶν πόλεων καὶ τοὺσ ξενολογηθέντασ στρατιώτασ τοῖσ ὑπὸ τοῦ βασιλέωσ πεμφθεῖσιν ἡγεμόσι παρέδωκεν. ὁμοίωσ δὲ τούτῳ καὶ κατὰ τὴν Καππαδοκίαν ἐγένετο προδοσία, καθ’ ἣν ἴδιόν τι καὶ παράδοξον συνέβη γενέσθαι.

Ἀρταβάζου γὰρ τοῦ βασιλέωσ στρατηγοῦ μετὰ πολλῆσ δυνάμεωσ ἐμβαλόντοσ εἰσ τὴν Καππαδοκίαν, ὁ μὲν ταύτησ τῆσ χώρασ σατράπησ Δατάμησ ἀντεστρατοπέδευσεν αὐτῷ, πολλοὺσ μὲν ἱππεῖσ ἠθροικώσ, δισμυρίουσ δὲ πεζοὺσ μισθοφόρουσ ἔχων αὑτῷ συστρατεύοντασ· ὁ δὲ κηδεστὴσ τοῦ Δατάμου τῶν ἱππέων ἀφηγούμενοσ, χάριν βουλόμενοσ καταθέσθαι καὶ τῆσ ἰδίασ σωτηρίασ ἅμα προνοούμενοσ, ἀποστὰσ νυκτὸσ μετὰ τῶν ἱππέων ἀπήλαυνε πρὸσ τοὺσ πολεμίουσ, συντεθειμένοσ πρὸσ Ἀρτάβαζον τῇ πρότερον ἡμέρᾳ περὶ τῆσ προδοσίασ.

Δατάμησ δὲ παρακαλέσασ τοὺσ μισθοφόρουσ καὶ δωρεὰσ ὑποσχόμενοσ, ἀνέζευξε πρὸσ τοὺσ ἀφεστηκότασ.

καταλαβὼν δ’ αὐτοὺσ ἤδη συνάπτοντασ τοῖσ πολεμίοισ, καὶ αὐτὸσ προσπεσὼν ἅμα τοῖσ περὶ τὸν Ἀρτάβαζον καὶ τοῖσ ἱππεῦσιν, ἔκτεινε τοὺσ εἰσ χεῖρασ ἐρχομένουσ. ὁ δ’ Ἀρτάβαζοσ, τὸ μὲν πρῶτον τὸ ἀληθὲσ ἀγνοῶν, ὑπολαβὼν δὲ τὸν ἀποστάτην τοῦ Δατάμου παλιμπροδοσίαν ποιεῖσθαι, παρήγγειλε τοῖσ ἰδίοισ κτείνειν τοὺσ προσιόντασ ἱππεῖσ.

ὁ δὲ Μιθροβαρζάνησ ἐν μέσοισ ἀποληφθείσ, καὶ τῶν μὲν ὡσ προδότην ἀμυνομένων, τῶν δὲ ὡσ παλιμπροδότην τιμωρουμένων, ἐν ἀπορίᾳ καθειστήκει· τῆσ δ’ ἀπορίασ οὐκ ἐώσησ βουλεύσασθαι, πρὸσ ἀλκὴν ἐτρέπετο, καὶ πρὸσ ἀμφοτέρουσ διαμαχόμενοσ πολὺν ἐποίει φόνον. τέλοσ δὲ πλειόνων ἢ μυρίων ἀναιρεθέντων, τοὺσ ὑπολειφθέντασ ὁ Δατάμησ τρεψάμενοσ καὶ πολλοὺσ φονεύσασ ἀνεκαλέσατο τῇ σάλπιγγι τοὺσ διώκοντασ στρατιώτασ. τῶν δ’ ἱππέων τῶν ὑπολειφθέντων οἱ μὲν πρὸσ τὸν Δατάμην ἀποχωρήσαντεσ ἠξίουν τυχεῖν συγγνώμησ, οἱ δὲ λοιποὶ τὴν ἡσυχίαν ἦγον, οὐκ ἔχοντεσ ὅποι τράπωνται, καὶ τέλοσ εἰσ πεντακοσίουσ ὄντεσ κυκλωθέντεσ ὑπὸ Δατάμου κατηκοντίσθησαν.

Δατάμησ μὲν οὖν καὶ πρότερον ἐπὶ στρατηγίᾳ θαυμαζόμενοσ, πολλῷ τότε μᾶλλον ἔσχε περιβόητον τήν τε ἀνδρείαν καὶ τὴν ἐν τῷ στρατηγεῖν σύνεσιν·

ὁ δὲ βασιλεὺσ Ἀρταξέρξησ πυθόμενοσ τὴν στρατηγίαν τοῦ Δατάμου, καὶ σπεύδων ἄρασθαι τοῦτον, δι’ ἐπιβουλῆσ αὐτὸν ἐδολοφόνησεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 91

(디오도로스 시켈로스, Library, book xv, chapter 91)

상위

목록

SEARCH

MENU NAVIGATION