호흡부호 보기
강세부호 보기
장단부호 보기
작은 Iota 보기
모든 부호 보기
πρῶτον μὲν γὰρ τὸν ὑπασπιστὴν προσκαλεσάμενοσ ἐπηρώτησεν, εἰ διασέσωκε τὴν ἀσπίδα. τοῦ δὲ φήσαντοσ καὶ θέντοσ αὐτὴν πρὸ τῆσ ὁράσεωσ, πάλιν ἐπηρώτησε, πότεροι νενικήκασιν. ἀποφαινομένου δὲ τοῦ παιδόσ, ὅτι Βοιωτοὶ νενικήκασιν, ὡρ́α, φησίν, ἐστὶ τελευτᾶν, καὶ προσέταξεν ἐκσπάσαι τὸ δόρυ. ἀναβοησάντων δὲ τῶν παρόντων φίλων, καί τινοσ εἰπόντοσ ὅτι τελευτᾷσ ἄτεκνοσ, Ἐπαμεινώνδα, καὶ δακρύσαντοσ, μὰ Δία μέν, φησίν, ἀλλὰ καταλείπω δύο θυγατέρασ, τήν τε ἐν Λεύκτροισ νίκην καὶ τὴν ἐν Μαντινείᾳ. καὶ τοῦ δόρατοσ ἐξαιρεθέντοσ ἄνευ πάσησ ταραχῆσ ἐξέπνευσεν.
호흡부호 보기
강세부호 보기
장단부호 보기
작은 Iota 보기
모든 부호 보기