헬라어 문장 검색 - Διοδορ́Λιβραρψ́8́44́

(디오도로스 시켈로스, Library, book xv, chapter 84)

πυθόμενοσ δὲ παρὰ τῶν αἰχμαλώτων ὅτι Μαντινεῖσ πανδημεὶ πάρεισι βοηθοῦντεσ τοῖσ Λακεδαιμονίοισ, τότε μὲν ἀναχωρήσασ μικρὸν ἀπὸ τῆσ πόλεωσ κατεστρατοπέδευσεν· παραγγείλασ δὲ δειπνοποιεῖσθαι, καταλιπὼν τῶν ἱππέων τινάσ, τούτοισ μὲν παρήγγειλεν ἑώσ ἑωθινῆσ φυλακῆσ πυρὰ καίειν ἐν τῇ παρεμβολῇ, αὐτὸσ δὲ μετὰ τῆσ δυνάμεωσ ἀφορμήσασ ἔσπευσεν ἄφνω προσπεσεῖν τοῖσ ἀπολελειμμένοισ ἐν τῇ Μαντινείᾳ. τῇ δ’ ὑστεραίᾳ πολλὴν διανύσασ ὁδὸν ἄφνω τοῖσ Μαντινεῦσιν ἀνελπίστωσ ἐπέρραξεν, οὐ μὴν ἐκράτησε τῆσ ἐπιβολῆσ, καίπερ ἅπαντα τῇ στρατηγίᾳ προνοησάμενοσ, ἀλλὰ τὴν τύχην λαβὼν ἀντιπράττουσαν παραδόξωσ ἀπέβαλε τὴν νίκην.

ἄρτι γὰρ αὐτοῦ πλησιάζοντοσ ἐρήμῳ τῇ πόλει κατήντησαν ἐπὶ θάτερα τῆσ Μαντινείασ οἱ πεμφθέντεσ ὑπὸ τῶν Ἀθηναίων στρατιῶται πρὸσ τὴν συμμαχίαν, ὄντεσ ἑξακισχίλιοι, στρατηγὸν δ’ ἔχοντεσ Ἡγησίλεων, ἄνδρα τότε παρὰ τοῖσ πολίταισ ἐπαινουμένον. οὗτοσ δὲ τοὺσ ἱκανοὺσ εἰσ τὴν πόλιν παρεισαγαγών, τὴν ἄλλην δύναμιν ἐξέταξεν ὡσ μάχῃ διακριθησόμενοσ. εὐθὺσ δὲ καὶ Λακεδαιμόνιοι καὶ Μαντινεῖσ ἐπεφάνησαν, καὶ πρὸσ τὴν τῶν ὅλων κρίσιν ἅπαντεσ κατεσκευάζοντο καὶ τοὺσ πανταχόθεν συμμάχουσ μετεπέμποντο.

τοῖσ μὲν οὖν Μαντινεῦσιν ἐβοήθουν Ἠλεῖοι καὶ Λακεδαιμόνιοι καὶ Ἀθηναῖοι καὶ ἄλλοι τινέσ, ὧν ὁ σύμπασ ἀριθμὸσ ἦν πεζοὶ μὲν πλείουσ τῶν δισμυρίων, ἱππεῖσ δὲ περὶ δισχιλίουσ·

τοῖσ δὲ Τεγεάταισ συνεμάχουν οἱ πλεῖστοι καὶ κράτιστοι τῶν Ἀρκάδων καὶ Ἀχαιοὶ καὶ Βοιωτοὶ καὶ Ἀργεῖοι καί τινεσ ἕτεροι τῶν Πελοποννησίων καὶ τῶν ἔξωθεν συμμάχων, οἱ δὲ πάντεσ ἠθροίσθησαν πεζοὶ μὲν ὑπὲρ τοὺσ τρισμυρίουσ, ἱππεῖσ δ’ οὐκ ἐλάττουσ τῶν τρισχιλίων. ἀμφοτέρων δὲ προθύμωσ συγκαταβάντων εἰσ τὸν ὑπὲρ τῶν ὅλων ἀγῶνα, καὶ διαταχθέντων τῶν στρατοπέδων, οἱ μὲν μάντεισ σφαγιασάμενοι παρ’ ἀμφοτέροισ ἀπεφαίνοντο τὴν νίκην ὑπὸ τῶν θεῶν προφαινομένην·

κατὰ δὲ τὴν τάξιν Μαντινεῖσ μὲν μετὰ τῶν ἄλλων Ἀρκάδων τὸ δεξιὸν ἐπεῖχον κέρασ, ἔχοντεσ παραστάτασ καὶ συναγωνιστὰσ Λακεδαιμονίουσ, τούτοισ δὲ συνεχεῖσ ἦσαν Ἠλεῖοι καὶ Ἀχαιοί, καὶ τῶν ἄλλων οἱ καταδεέστεροι τὴν μέσην ἐπεῖχον τάξιν·

τὸ δ’ εὐώνυμον κέρασ ἀνεπλήρουν Ἀθηναῖοι. Θηβαῖοι δ’ αὐτοὶ μὲν ἐπὶ τὸ εὐώνυμον κέρασ ἐτάχθησαν, παραστάτασ ἔχοντεσ Ἀρκάδασ, τὸ δὲ δεξιὸν παρέδωκαν Ἀργείοισ· τὸ δὲ ἄλλο πλῆθοσ ἀνεπλήρου τὴν μέσην τάξιν, Εὐβοεῖσ καὶ Λοκροὶ καὶ Σικυώνιοι, πρὸσ δὲ τούτοισ Μεσσήνιοι καὶ Μαλιεῖσ καὶ Αἰνιᾶνεσ, ἔτι δὲ καὶ Θετταλοὶ καὶ οἱ λοιποὶ σύμμαχοι. τοὺσ δ’ ἱππεῖσ ἐφ’ ἑκατέρων τῶν κεράτων ἀμφότεροι διείλοντο. τῶν δὲ στρατευμάτων τοῦτον τὸν τρόπον τεταγμένων, ὡσ ἤδη πλησίον ὑπῆρχον ἀλλήλων, αἱ μὲν σάλπιγγεσ τὸ πολεμικὸν ἐσήμαινον, αἱ δὲ δυνάμεισ ἠλάλαξαν καὶ τῷ μεγέθει τῆσ βοῆσ τὴν νίκην ἐσήμαινον.

καὶ τὸ μὲν πρῶτον ἱππομαχίαν ἐν τοῖσ κέρασι συνεστήσαντο, καθ’ ἣν ταῖσ φιλοτιμίαισ ἑαυτοὺσ ὑπερεβάλοντο. οἱ μὲν γὰρ τῶν Ἀθηναίων ἱππεῖσ τοῖσ τῶν Θηβαίων ἐπελάσαντεσ ἠλαττοῦντο οὐχ οὕτω ταῖσ τῶν ἵππων ἀρεταῖσ οὐδὲ ταῖσ ἰδίαισ εὐψυχίαισ οὐδὲ ταῖσ κατὰ τὴν ἱππικὴν ἐμπειρίαισ·

ἐν γὰρ τούτοισ ἅπασιν οὐκ ἦν καταδεέστερον τὸ τῶν Ἀθηναίων ἱππικόν· τῷ δὲ πλήθει καὶ τῇ παρασκευῇ τῶν ψιλῶν καὶ τῇ στρατηγικῇ συντάξει πολὺ τῶν ἐναντίων ἐλείποντο. αὐτοὶ μὲν οὖν ὀλίγουσ εἶχον ἀκοντιστάσ, οἱ δὲ Θηβαῖοι τριπλασίουσ σφενδονήτασ καὶ ἀκοντιστὰσ τοὺσ ἐκ τῶν περὶ τὴν Θετταλίαν τόπων ἀπεσταλμένουσ. οὗτοι περιττότερον ἐκ παίδων ζηλοῦντεσ τὴν ἐν τούτοισ μάχην, μεγάλην ῥοπὴν ποιεῖν εἰώθεισαν ἐν ταῖσ μάχαισ διὰ τὴν ἐν τούτοισ ἐμπειρίαν.

διόπερ οἱ Ἀθηναῖοι κατατιτρωσκόμενοι μὲν ὑπὸ τῶν ψιλικῶν, καταπονούμενοι δ’ ὑπὸ τῶν ἀνθεστηκότων, ἅπαντεσ ἐτράπησαν. τὴν δὲ φυγὴν ἐκτὸσ τῶν κεράτων ποιησάμενοι διωρθώσαντο τὴν ἧτταν·

ἅμα μὲν γὰρ κατὰ τὴν ἀποχώρησιν οὐκ ἐτάραξαν τὴν ἰδίαν φάλαγγα, ἅμα δὲ περιπεσόντεσ Εὐβοεῦσι καὶ μισθοφόροισ τισὶν ἀπεσταλμένοισ ἐπὶ τὴν κατάληψιν τῶν πλησίον λόφων, συνάψαντεσ αὐτοῖσ μάχην ἅπαντασ ἀπέκτειναν. οἱ δὲ τῶν Θηβαίων ἱππεῖσ τοὺσ μὲν φεύγοντασ οὐκ ἐπεδίωξαν, ἐπὶ δὲ τὴν φάλαγγα τῶν ἀντιτεταγμένων ἐπελάσαντεσ ἐφιλοτιμοῦντο παραλλάξαι τοὺσ πεζούσ.

ἰσχυρᾶσ δὲ μάχησ γενομένησ, καὶ τῶν Ἀθηναίων καταπονουμένων καὶ πρὸσ φυγὴν ὁρμησάντων, ὁ τῶν Ἠλείων ἵππαρχοσ ἐπὶ τῆσ οὐραγίασ τεταγμένοσ ἐπεβοήθησε τοῖσ φεύγουσι, καὶ πολλοὺσ τῶν Βοιωτῶν καταβαλὼν παλίντροπον ἐποίησε τὴν μάχην. οἱ μὲν οὖν τῶν Ἠλείων ἱππεῖσ τοῦτον τὸν τρόπον ἐπιφανέντεσ τῷ λαιῷ κέρατι τὸ γεγονὸσ περὶ τοὺσ συμμάχουσ ἐλάττωμα διωρθώσαντο·

ἐπὶ δὲ θατέρου κέρατοσ ἐπιρραξάντων ἀλλήλοισ τῶν ἱππέων βραχὺν χρόνον ἡ μάχη διέμεινεν ἰσόρροποσ, μετὰ δὲ ταῦτα διά τε τὸ πλῆθοσ καὶ τὴν ἀρετὴν τῶν Βοιωτῶν καὶ Θετταλῶν ἱππέων οἱ μετὰ τῶν Μαντινέων ὄντεσ ἐβιάσθησαν, καὶ συχνοὺσ ἀποβαλόντεσ κατέφυγον πρὸσ τὴν ἰδίαν φάλαγγα. ἡ μὲν οὖν τῶν παρ’ ἀμφοτέροισ ἱππέων μάχη τοιοῦτον ἔσχε τὸ τέλοσ·

αἱ δὲ πεζαὶ δυνάμεισ ὡσ συνῆλθον εἰσ χεῖρασ τοῖσ πολεμίοισ, μεγάλουσ καὶ θαυμαστοὺσ ἀγῶνασ συνεστήσαντο. οὐδέποτε γὰρ Ἑλλήνων πρὸσ Ἕλληνασ ἀγωνιζομένων οὔτε πλῆθοσ ἀνδρῶν τοσοῦτο παρετάξατο οὔθ’ ἡγεμόνεσ ἀξιολογώτεροι τοῖσ ἀξιώμασιν οὔτε ἄνδρεσ δυνατώτεροι τὰσ ἐν τοῖσ κινδύνοισ ἀνδραγαθίασ ἐπεδείξαντο. οἱ γὰρ πεζομαχεῖν ἄριστα δυνάμενοι κατὰ τοὺσ ὑποκειμένουσ καιρούσ, Βοιωτοὶ καὶ Λακεδαιμόνιοι, πρὸσ ἀλλήλουσ κατὰ τὴν τάξιν ἀνθεστηκότεσ πρῶτον μάχην συνῆψαν, οὐδεμίαν φειδὼ ποιούμενοι τοῦ ζῆν.

καὶ τὸ μὲν πρῶτον τύπτοντεσ ἀλλήλουσ τοῖσ δόρασι, καὶ διὰ τὴν πυκνότητα τῶν πληγῶν τὰ πλεῖστα συντρίψαντεσ, εἰσ τὸν ἀπὸ τῆσ μαχαίρασ ἀγῶνα κατήντησαν. συμπλεκόμενοι δὲ τοῖσ σώμασι καὶ παντοίασ διαθέσεισ τραυμάτων ἀπεργαζόμενοι τοῖσ θυμοῖσ οὐκ ἔληγον·

ἐπὶ πολὺν δὲ χρόνον τοῖσ δεινοῖσ ἐγκαρτερούντων διὰ τὴν ὑπερβολὴν τῆσ παρ’ ἑκατέροισ ἀνδραγαθίασ οὐδεμίαν ῥοπὴν ἐλάμβανεν ἡ μάχη ἕκαστοσ γὰρ τοῦ παθεῖν τι δεινὸν καταφρονῶν, τοῦ δὲ δρᾶσαί τι λαμπρὸν ἐφιέμενοσ, εὐγενῶσ ἀνεδέχετο τὸν ὑπὲρ τῆσ δόξησ θάνατον. ἰσχυρᾶσ δὲ μάχησ ἐπὶ πολύν τε χρόνον γινομένησ καὶ τοῦ κινδύνου μηδεμίαν ῥοπὴν λαμβάνοντοσ, ὁ μὲν Ἐπαμεινώνδασ ὑπολαβὼν τῆσ ἰδίασ ἀρετῆσ προσδεῖσθαι τὴν νίκην, ἔγνω δι’ ἑαυτοῦ κρῖναι τὸν κίνδυνον.

εὐθὺσ οὖν ἀναλαβὼν τοὺσ ἀρίστουσ καὶ μετὰ τούτων συμφράξασ, εἰσέβαλεν εἰσ μέσουσ τοὺσ πολεμίουσ· καθηγούμενοσ δὲ τοῦ συντάγματοσ, καὶ πρῶτοσ ἀκοντίσασ, ἔβαλε τὸν ἡγούμενον τῶν Λακεδαιμονίων. εὐθὺσ δὲ καὶ τῶν ἄλλων εἰσ χεῖρασ ἐρχομένων, οὓσ μὲν ἀνελών, οὓσ δὲ καταπληξάμενοσ, διέκοψε τὴν φάλαγγα τῶν πολεμίων.

οἱ δὲ Λακεδαιμόνιοι τὸ ἀξίωμα τοῦ Ἐπαμεινώνδου καὶ τὸ βάροσ τοῦ περὶ αὐτὸν συστήματοσ καταπλαγέντεσ ἀνεχώρουν ἐκ τῆσ μάχησ· ἐπικειμένων δὲ τῶν Βοιωτῶν καὶ τοὺσ ἐσχάτουσ αἰεὶ φονευόντων, νεκρῶν ἐσωρεύθη πλῆθοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 84

(디오도로스 시켈로스, Library, book xv, chapter 84)

상위

목록

SEARCH

MENU NAVIGATION