헬라어 문장 검색 - Διοδορ́Λιβραρψ́8́43́

(디오도로스 시켈로스, Library, book xv, chapter 83)

τῶν δὲ Κρητῶν συντόμωσ τὸ παραγγελθὲν ποιησάντων, παραδόξωσ οἱ Λακεδαιμόνιοι τὴν ἅλωσιν τῆσ πατρίδοσ ἐξέφυγον· μὴ προδηλωθείσησ γὰρ τῆσ ἐπιθέσεωσ ἔλαθεν ἂν ὁ Ἐπαμεινώνδασ εἰσπεσὼν εἰσ τὴν Σπάρτην. τὴν μὲν οὖν ἐπίνοιαν τῶν στρατηγῶν ἀμφοτέρων δικαίωσ ἄν τισ ἀποδέξαιτο, συνετωτέραν δὲ στρατηγίαν τὴν τοῦ Λάκωνοσ ἡγήσαιτο. οὐ μὴν ἀλλ’ ὁ Ἐπαμεινώνδασ ὅλην τὴν νύκτα διαγρυπνήσασ καὶ τὸ διάστημα τῆσ ὁδοῦ κατὰ σπουδὴν διανύσασ ἅμ’ ἡμέρᾳ προσῆγε τῇ Σπάρτῃ.

ὁ δ’ ἐπὶ τῆσ φυλακῆσ ἀπολελειμμένοσ Ἀγησίλαοσ ὀλίγῳ πρότερον χρόνῳ τῶν Κρητῶν ἀκούσασ τὰ κατὰ μέροσ, εὐθὺσ μετὰ πολλῆσ σπουδῆσ τὴν ἐπιμέλειαν ἐποιήσατο τῆσ πόλεωσ. τοὺσ μὲν οὖν πρεσβυτάτουσ τῶν παίδων καὶ τοὺσ γεγηρακότασ ἐπὶ τὰ στέγη τῶν οἰκιῶν ἀνεβίβασε, καὶ προσέταξεν ἀπὸ τούτων ἀμύνασθαι τοὺσ εἰσ τὴν πόλιν βιαζομένουσ, αὐτὸσ δὲ τοὺσ ἀκμάζοντασ ταῖσ ἡλικίαισ συντάξασ διεμέρισεν εἰσ τὰσ πρὸ τῆσ πόλεωσ δυσχωρίασ καὶ παρόδουσ, καὶ πάντασ τοὺσ δυναμένουσ τόπουσ δέξασθαι δίοδον ἐμφράξασ ἀνέμενε τὴν τῶν πολεμίων ἔφοδον.

Ἐπαμεινώνδασ δ’ εἰσ πλείω μέρη διελόμενοσ τοὺσ στρατιώτασ, καὶ πάντῃ προσπίπτων κατὰ τὸν αὐτὸν καιρόν, ὡσ εἶδε τὴν τῶν Σπαρτιατῶν σύνταξιν, εὐθὺσ ἔγνω μεμηνυμένην τὴν πρᾶξιν·

ὅμωσ δὲ προσμαχόμενοσ πᾶσι κατὰ μέροσ καὶ ταῖσ δυσχωρίαισ ἐλαττούμενοσ συνῆπτεν εἰσ χεῖρασ. πολλὰ δὲ παθὼν καὶ δράσασ οὐκ ἀπέστη τῆσ φιλοτιμίασ, ἑώσ τὸ στράτευμα τῶν Λακεδαιμονίων ἐπανῆλθεν εἰσ τὴν Σπάρτην·

πολλῶν δὲ βοηθούντων τοῖσ πολιορκουμένοισ, καὶ τῆσ νυκτὸσ καταλαβούσησ, ἔλυσε τὴν πολιορκίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 83

(디오도로스 시켈로스, Library, book xv, chapter 83)

상위

목록

SEARCH

MENU NAVIGATION