헬라어 문장 검색 - Διοδορ́Λιβραρψ́8́39́

(디오도로스 시켈로스, Library, book xv, chapter 71)

ἐπ’ ἄρχοντοσ δ’ Ἀθήνησι Ναυσιγένουσ ἐν Ῥώμῃ χιλίαρχοι κατεστάθησαν ἀντὶ τῶν ὑπάτων τέτταρεσ, Λεύκιοσ Παπίριοσ, Λεύκιοσ Μενήνιοσ, Σερούιοσ Κορνήλιοσ, Σερούιοσ Σολπίκιοσ, παρὰ δὲ Ἠλείοισ Ὀλυμπιὰσ ἤχθη τρίτη πρὸσ ταῖσ ἑκατόν, καθ’ ἣν ἐνίκα στάδιον Πυθόστρατοσ Ἀθηναῖοσ. ἐπὶ δὲ τούτων Πτολεμαῖοσ ὁ Ἀλωρίτησ ὁ Ἀμύντου υἱὸσ ἐδολοφόνησεν Ἀλέξανδρον τὸν ἀδελφόν, καὶ ἐβασίλευσε τῆσ Μακεδονίασ ἔτη τρία. κατὰ δὲ τὴν Βοιωτίαν Πελοπίδασ ἐφάμιλλοσ ὢν τῷ Ἐπαμεινώνδᾳ τῇ κατὰ πόλεμον δόξῃ, καὶ θεωρῶν ἐκεῖνον τὰ περὶ τὴν Πελοπόννησον συμφερόντωσ κατεσκευακότα τοῖσ Βοιωτοῖσ, ἔσπευδε τὰ ἐκτὸσ Πελοποννήσου δι’ αὑτοῦ προσάγεσθαι τοῖσ Θηβαίοισ.

παραλαβὼν δὲ Ἰσμηνίαν, ἄνδρα φίλον μὲν ἑαυτοῦ, θαυμαζόμενον δ’ ἐπ’ ἀρετῇ, παρῆλθεν εἰσ Θετταλίαν. καταντήσασ δὲ πρὸσ Ἀλέξανδρον τὸν Φερῶν τύραννον, ἀλόγωσ συνελήφθη μετὰ Ἰσμηνίου καὶ εἰσ φυλακὴν παρεδόθη. Θηβαίων δ’ ἐπὶ τοῖσ πραχθεῖσι παροξυνθέντων, καὶ ταχέωσ εἰσ τὴν Θετταλίαν ἐκπεμψάντων ὁπλίτασ μὲν ὀκτακισχιλίουσ, ἱππεῖσ δ’ ἑξακοσίουσ, φοβηθεὶσ Ἀλέξανδροσ ἐξέπεμψε πρεσβευτὰσ εἰσ τὰσ Ἀθήνασ περὶ συμμαχίασ.

ᾧ παραχρῆμα ὁ δῆμοσ ἐξέπεμψε ναῦσ μὲν τριάκοντα, στρατιώτασ δὲ χιλίουσ, ὧν ἦν στρατηγὸσ Αὐτοκλῆσ. ἐν ὅσῳ δ’ οὗτοσ περιέπλει τὴν Εὔβοιαν, Θηβαῖοι κατήντησαν εἰσ Θετταλίαν.

τοῦ δ’ Ἀλεξάνδρου πεζὴν δύναμιν ἠθροικότοσ καὶ ἱππεῖσ πολλαπλασίουσ ἔχοντοσ τῶν Βοιωτῶν, τὸ μὲν πρῶτον οἱ Βοιωτοὶ διὰ μάχησ ἔκρινον λῦσαι τὸν πόλεμον, συνεργοὺσ ἔχοντεσ τοὺσ Θετταλούσ· ὡσ δ’ οὗτοι μὲν αὐτοὺσ ἐγκατέλιπον, Ἀθηναῖοι δὲ καί τινεσ ἄλλοι σύμμαχοι παρεγένοντο τῷ Ἀλεξάνδρῳ, τὰ δὲ σῖτα καὶ ποτὰ καὶ τἄλλα πάντα ἐπέλειπε τοῖσ Βοιωτοῖσ, ἔγνωσαν οἱ βοιωτάρχαι τὴν εἰσ οἶκον ἐπάνοδον ποιεῖσθαι. ἀναζευξάντων δ’ αὐτῶν, καὶ τῆσ πορείασ οὔσησ διὰ χώρασ πεδιάδοσ, Ἀλέξανδροσ ἐπηκολούθει πολλοῖσ ἱππεῦσι καὶ τοῖσ ἐπὶ τῆσ οὐραγίασ ἐπέθετο.

τῶν δὲ Βοιωτῶν οἱ μὲν κατακοντιζόμενοι συνεχῶσ ἀπέθνησκον, οἱ δὲ τραύμασι περιέπιπτον, τέλοσ δ’ οὔτε μένειν οὔτε προάγειν ἐώμενοι εἰσ πολλὴν ἀμηχανίαν ἐνέπιπτον, ἅτε δὴ καὶ τῶν ἐπιτηδείων σπανιζόντων. ἤδη δ’ αὐτῶν τὴν σωτηρίαν ἀπογινωσκόντων, Ἐπαμεινώνδασ ἰδιωτεύων κατ’ ἐκεῖνον τὸν χρόνον ὑπὸ τῶν στρατιωτῶν κατεστάθη στρατηγόσ.

εὐθὺσ δὲ διαλέξασ τούσ τε ψιλοὺσ καὶ τοὺσ ἱππεῖσ, τούτουσ μὲν αὐτὸσ ἀνέλαβε, καὶ ταχθεὶσ ἐπὶ τῆσ οὐραγίασ διὰ τούτων ἀνέστελλε τοὺσ ἐπακολουθοῦντασ πολεμίουσ καὶ πολλὴν ἀσφάλειαν παρείχετο τοῖσ προηγουμένοισ ὁπλίταισ, ποιούμενοσ δὲ μάχασ ἐξ ὑποστροφῆσ καὶ τάξει φιλοτέχνῳ χρώμενοσ διέσωσε τὸ στρατόπεδον. αἰεὶ δὲ μᾶλλον διὰ τῶν κατορθωμάτων αὔξων τὴν ἰδίαν εὐδοξίαν μεγάλησ ἀποδοχῆσ ἐτύγχανε παρά τε τοῖσ πολίταισ καὶ τοῖσ συμμάχοισ.

οἱ δὲ Θηβαῖοι τοὺσ τότε βοιωταρχήσαντασ καταδικάσαντεσ, πολλοῖσ χρήμασιν ἐζημίωσαν. ἐπιζητουμένησ δὲ τῆσ αἰτίασ, πῶσ ὁ τοιοῦτοσ ἀνὴρ ἰδιώτησ ὢν ἐστρατεύετο μετὰ τῶν εἰσ Θετταλίαν ἀποσταλέντων, ἀποδοτέον τὸν οἰκεῖον λόγον τῆσ ἀπολογίασ.

τῇ μάχῃ τῇ περὶ Κόρινθον Ἐπαμεινώνδασ διακόψασ τὴν ἐπὶ τοῦ προτειχίσματοσ φυλακὴν τῶν Λακεδαιμονίων, καὶ δυνάμενοσ πολλοὺσ ἀνελεῖν τῶν πολεμίων, ἠρκέσθη τῷ προτερήματι καὶ τῆσ ἐπὶ πλεῖον μάχησ ἀπέστη. γενομένησ δὲ περὶ αὐτὸν ἱκανῆσ ὑποψίασ ὡσ πεφεισμένου τῶν Λακεδαιμονίων ἰδίασ ἕνεκα χάριτοσ, οἱ φθονοῦντεσ αὐτοῦ τῇ δόξῃ καιρὸν ἔλαβον εὐλόγου διαβολῆσ.

ἐπενεγκάντων οὖν αὐτῷ προδοσίασ ἔγκλημα, τὸ πλῆθοσ παροξυνθὲν ἀπέστησεν αὐτὸν τῆσ βοιωταρχίασ, καὶ ἰδιώτην ποιῆσαν ἐξαπέστειλε μετὰ τῶν ἄλλων. ὡσ δὲ ἀπὸ τῶν ἀποτελεσμάτων ἐξήλειψε τὰσ καθ’ ἑαυτοῦ διαβολάσ, τότε ὁ δῆμοσ ἀποκατέστησεν αὐτὸν εἰσ τὴν προγεγενημένην εὐδοξίαν. μετ’ ὀλίγον δὲ χρόνον Λακεδαιμονίοισ πρὸσ Ἀρκάδασ ἐγένετο μεγάλη μάχη, ἐν ᾗ ἐνίκησαν Λακεδαιμόνιοι ἐπιφανῶσ.

μετὰ γὰρ τὴν ἐν Λεύκτροισ ἧτταν τοῦτο πρῶτον αὐτοῖσ παράδοξον εὐτύχημα ἐγένετο· ἔπεσον γὰρ Ἀρκάδων μὲν ὑπὲρ τοὺσ μυρίουσ, Λακεδαιμονίων δ’ οὐδείσ. προεῖπον δ’ αὐτοῖσ αἱ Δωδωνίδεσ ἱέρειαι, διότι πόλεμοσ οὗτοσ Λακεδαιμονίοισ ἄδακρυσ ἔσται. μετὰ δὲ τὴν μάχην οἱ Ἀρκάδεσ, φοβηθέντεσ τὰσ τῶν Λακεδαιμονίων εἰσβολάσ, ἔκτισαν ἐπί τινοσ ἐπικαίρου τόπου τὴν ὀνομαζομένην Μεγάλην πόλιν, συρρίψαντεσ εἰσ αὐτὴν κώμασ εἴκοσι τῶν ὀνομαζομένων Μαιναλίων καὶ Παρρασίων Ἀρκάδων.

καὶ τὰ μὲν κατὰ τοὺσ Ἕλληνασ ἐν τούτοισ ἦν. κατὰ δὲ τὴν Σικελίαν Διονύσιοσ ὁ τύραννοσ ἔχων δυνάμεισ ἀξιολόγουσ, καὶ τοὺσ Καρχηδονίουσ ὁρῶν οὐκ εὖ διακειμένουσ πρὸσ τὸν πόλεμον διά τε τὴν γεγενημένην παρ’ αὐτοῖσ λοιμικὴν νόσον καὶ τὴν ἀπόστασιν τῶν Λιβύων, ἔγνω στρατεύειν ἐπ’ αὐτούσ.

οὐκ ἔχων δὲ πρόφασιν ἀξιόλογον τῆσ διαφορᾶσ, προσεποιήθη τοὺσ κατὰ τὴν ἐπικράτειαν Φοίνικασ ἐπιβεβηκέναι τῆσ ὑπ’ αὐτὸν χώρασ. παρασκευασάμενοσ οὖν πεζοὺσ μὲν τρισμυρίουσ, ἱππεῖσ δὲ τρισχιλίουσ, τριήρεισ δὲ τριακοσίασ καὶ τὴν ἁρμόζουσαν τῇ δυνάμει ταύτῃ παρασκευήν, ἐνέβαλεν εἰσ τὴν ὑπὸ Καρχηδονίουσ χώραν.

καὶ Σελινοῦντα μὲν καὶ Ἔντελλαν εὐθὺσ προσηγάγετο, καὶ τὴν χώραν πᾶσαν πορθήσασ καὶ τῆσ πόλεωσ τῶν Ἐρυκίνων ἐγκρατὴσ γενόμενοσ ἐπολιόρκησε Λιλύβαιον· πολλῶν δ’ ὄντων ἐν αὐτῷ στρατιωτῶν τὴν πολιορκίαν ἔλυσεν. ἀκούσασ δὲ τὰ νεώρια τῶν Καρχηδονίων ἐμπεπρῆσθαι, καὶ δόξασ πάντα τὸν στόλον αὐτῶν διεφθάρθαι, κατεφρόνησε, καὶ τῶν ἰδίων τριήρων ἑκατὸν μὲν καὶ τριάκοντα τὰσ ἀρίστασ ἀπέστειλεν εἰσ τὸν τῶν Ἐρυκίνων λιμένα, τὰσ δ’ ἄλλασ ἁπάσασ ἐξέπεμψεν εἰσ τὰσ Συρακούσασ.

οἱ δὲ Καρχηδόνιοι παραδόξωσ διακοσίασ ναῦσ πληρώσαντεσ ἐπέπλευσαν ταῖσ ὁρμούσαισ ἐν τῷ λιμένι τῶν Ἐρυκίνων·

ἀνελπίστου δὲ τῆσ ἐπιθέσεωσ γενομένησ ἀπήγαγον τῶν τριήρων τὰσ πλείστασ. μετὰ δὲ ταῦτα τοῦ χειμῶνοσ ἐνστάντοσ ἀνοχὰσ ποιησάμενοι διεχωρίσθησαν εἰσ τὰσ οἰκείασ ἑκάτεροι πόλεισ. μετ’ ὀλίγον δὲ χρόνον Διονύσιοσ εἰσ ἀρρωστίαν ἐμπεσὼν ἐτελεύτησε, δυναστεύσασ ἔτη τριάκοντα καὶ ὀκτώ·

τὴν δὲ ἀρχὴν διαδεξάμενοσ ὁ υἱὸσ Διονύσιοσ ἐτυράννευσεν ἔτη δώδεκα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 71

(디오도로스 시켈로스, Library, book xv, chapter 71)

상위

목록

SEARCH

MENU NAVIGATION