헬라어 문장 검색 - Διοδορ́Λιβραρψ́8́36́

(디오도로스 시켈로스, Library, book xv, chapter 63)

οἱ δὲ Λακεδαιμόνιοι, πολλοὺσ μὲν ἀποβεβληκότεσ τῶν νέων ἐν τῇ περὶ Λεῦκτρα συμφορᾷ, οὐκ ὀλίγουσ δ’ ἐν ταῖσ ἄλλαισ ἥτταισ ἀπολωλεκότεσ, καὶ τὸ σύνολον εἰσ ὀλίγουσ πολιτικοὺσ στρατιώτασ ὑπὸ τῆσ τύχησ συγκεκλεισμένοι, πρὸσ δὲ τούτοισ τῶν συμμάχων τῶν μὲν ἀφεστηκότων, τῶν δὲ διὰ τὰσ ὁμοίασ αἰτίασ ὀλιγανδρούντων, εἰσ πολλὴν ἀμηχανίαν ἔπιπτον. διόπερ ἠναγκάζοντο καταφεύγειν ἐπὶ τὴν τῶν Ἀθηναίων βοήθειαν, οἷσ τριάκοντα μὲν τυράννουσ ἐν τοῖσ ἔμπροσθεν χρόνοισ ἐπέστησαν, τὰ δὲ τείχη τῆσ πόλεωσ ἐκώλυσαν ἀνοικοδομεῖν, ἐπεβάλοντο δὲ καὶ τὴν πόλιν ἄρδην ἀναιροῦντεσ τὴν Ἀττικὴν ποιῆσαι μηλόβοτον. ἀλλὰ γὰρ οὐδὲν ἰσχυρότερόν ἐστιν ἀνάγκησ καὶ τύχησ, δι’ ὧν ἐβιάσθησαν οἱ Λακεδαιμόνιοι τῶν πολεμιωτάτων δεηθῆναι.

ὅμωσ δ’ οὐ διεσφάλησαν τῶν ἐλπίδων. ὁ γὰρ τῶν Ἀθηναίων δῆμοσ, μεγαλόψυχοσ ὢν καὶ φιλάνθρωποσ, τὴν μὲν τῶν Θηβαίων ἰσχὺν οὐ κατεπλάγησαν, τοῖσ δὲ Λακεδαιμονίοισ ὑπὲρ ἀνδραποδισμοῦ κινδυνεύουσιν ἐψηφίσαντο βοηθεῖν πανδημεί. καὶ παραχρῆμα στρατηγὸν καταστήσαντεσ τὸν Ἰφικράτην ἐξέπεμψαν καὶ τοὺσ νέουσ αὐθημερόν, ὄντασ μυρίουσ καὶ δισχιλίουσ. Ἰφικράτησ μὲν οὖν, προθύμουσ ἔχων τοὺσ στρατιώτασ, προῆγε μετὰ τῆσ δυνάμεωσ κατὰ σπουδήν. οἱ δὲ Λακεδαιμόνιοι, τῶν πολεμίων ἐπὶ τοὺσ ὁρ́ουσ τῆσ Λακωνικῆσ καταστρατοπεδευόντων, καὶ αὐτοὶ πανδημεὶ τὴν ἐκ τῆσ Σπάρτησ ἔξοδον ποιησάμενοι προῆγον ἐπὶ τοὺσ ἐναντίουσ, ταῖσ μὲν τῶν στρατιωτῶν δυνάμεσι τεταπεινωμένοι, ταῖσ δὲ τῆσ ψυχῆσ ἀρεταῖσ τεθαρρηκότεσ.

οἱ μὲν οὖν περὶ τὸν Ἐπαμεινώνδαν ὁρῶντεσ τὴν τῶν Λακεδαιμονίων χώραν δυσείσβολον οὖσαν, τὸ μὲν ἀθρόᾳ τηλικαύτῃ δυνάμει ποιεῖσθαι τὴν ἐμβολὴν οὐχ ἡγοῦντο συμφέρειν, εἰσ τέτταρα δὲ μέρη διελόμενοι σφᾶσ αὐτοὺσ κατὰ πλείονασ τόπουσ ἔκριναν ποιεῖσθαι τὴν ἔφοδον.

ἡ μὲν οὖν πρώτη μερὶσ ἡ τῶν Βοιωτῶν μέσην τὴν πορείαν ἐποιήσατο ἐπὶ τὴν Σελλασίαν καλουμένην πόλιν, καὶ τοὺσ τῇδε κατοικοῦντασ ἀπέστησε τῶν Λακεδαιμονίων.

Ἀργεῖοι δὲ κατὰ τοὺσ ὁρ́ουσ τῆσ Τεγεάτιδοσ χώρασ ἐμβαλόντεσ συνῆψαν μάχην τοῖσ φρουροῦσι τὰσ παρόδουσ, καὶ τόν τε ἡγεμόνα τῆσ φρουρᾶσ Ἀλέξανδρον τὸν Σπαρτιάτην ἀνεῖλον καὶ τῶν ἄλλων εἰσ διακοσίουσ ἀπέκτειναν, ἐν οἷσ ὑπῆρχον καὶ οἱ τῶν Βοιωτῶν φυγάδεσ.

ἡ δὲ τρίτη μερίσ, ἐκ τῶν Ἀρκάδων συνεστηκυῖα καὶ στρατιώτασ ἔχουσα πλείστουσ, εἰσέβαλεν εἰσ τὴν Σκιρῖτιν καλουμένην χώραν, ἣν παρεφύλαττεν Ἰσχόλασ, ἀνὴρ ἀνδρείᾳ καὶ συνέσει διαφέρων, μετὰ πολλῶν στρατιωτῶν.

οὗτοσ δὲ τῶν ἐπιφανεστάτων στρατιωτῶν ἐπετελέσατο πρᾶξιν ἡρωικὴν καὶ μνήμησ ἀξίαν. ὁρῶν γὰρ ὅτι διὰ τὸ πλῆθοσ τῶν πολεμίων πάντεσ οἱ συνάψαντεσ μάχην ἀναιρεθήσονται, τὸ μὲν λιπεῖν τὴν ἐν ταῖσ παρόδοισ τάξιν ἀνάξιον τῆσ Σπάρτησ ἔκρινε, τὸ δὲ διασῶσαι τοὺσ στρατιώτασ χρήσιμον ἔσεσθαι τῇ πατρίδι·

διὸ παραδόξωσ ἀμφοτέρων προενοήθη, καὶ τὴν γενομένην ποτὲ περὶ Θερμοπύλασ ἀνδρείαν τοῦ βασιλέωσ Λεωνίδου φιλοτίμωσ ἐμιμήσατο. διαλέξασ γὰρ τοὺσ νέουσ, τούτουσ μὲν ἀπέστειλεν εἰσ τὴν Σπάρτην, χρησίμουσ ἐσομένουσ τῇ κινδυνευούσῃ περὶ τῶν ὅλων·

αὐτὸσ δὲ μετὰ τῶν πρεσβυτέρων φυλάττων τὴν τάξιν καὶ πολλοὺσ ἀνελὼν τῶν πολεμίων, κυκλωθεὶσ ὑπὸ τῶν Ἀρκάδων μετὰ πάντων ἀνῃρέθη. Ἠλεῖοι δὲ τὴν τετάρτην μοῖραν ἔχοντεσ, καὶ κατ’ ἄλλουσ τόπουσ πεπταμένουσ διελθόντεσ, εἰσ τὴν Ἑλλασίαν παρεγένοντο·

εἰσ τοῦτον γὰρ τὸν τόπον πᾶσι καταντᾶν παρήγγελτο. ἀθροισθείσησ δὲ ἁπάσησ τῆσ δυνάμεωσ εἰσ τὴν Ἑλλασίαν, προῆγον ἐπ’ αὐτὴν τὴν Σπάρτην πορθοῦντεσ ἅμα καὶ πυρπολοῦντεσ τὴν χώραν. οἱ δὲ Λακεδαιμόνιοι, πεντακόσια ἔτη τὴν Λακωνικὴν τετηρηκότεσ ἀπόρθητον, τότε θεωροῦντεσ δῃουμένην ὑπὸ τῶν πολεμίων οὐκ ἐκαρτέρουν, ἀλλὰ τοῖσ θυμοῖσ προπίπτοντεσ ἐξεπήδων ἐκ τῆσ πόλεωσ·

κωλυόμενοι δ’ ὑπὸ τῶν πρεσβυτέρων προϊέναι μακρότερον ἀπὸ τῆσ πατρίδοσ, μή τισ ἐπίθηται, ἐπείσθησαν τὴν ἡσυχίαν ἄγειν καὶ τῇ πόλει παρέχεσθαι τὴν ἀσφάλειαν. τῶν δὲ περὶ τὸν Ἐπαμεινώνδαν διὰ τοῦ Ταϋγέτου καταβαινόντων ἐπὶ τὸν Εὐρώταν, καὶ διαβαινόντων τὸν ποταμὸν σφοδρὸν ὄντα τῷ ῥεύματι κατὰ τὴν χειμερινὴν ὡρ́αν, ὁρῶντεσ οἱ Λακεδαιμόνιοι τεταραγμένην τὴν δύναμιν τῶν ἐναντίων διὰ τὴν χαλεπότητα τῆσ διαβάσεωσ, καιρὸν ἔλαβον εὔθετον πρὸσ τὴν ἐπίθεσιν, καὶ τὰσ μὲν γυναῖκασ καὶ παῖδασ, ἔτι δὲ καὶ τοὺσ γεγηρακότασ, ἀπέλιπον ἐν τῇ πόλει φυλάττοντασ τὴν Σπάρτην, αὐτοὶ δὲ πανδημεὶ συντάξαντεσ τοὺσ νέουσ ἐξεχύθησαν ἐπὶ τοὺσ πολεμίουσ, καὶ προσπεσόντεσ ἄφνω τοῖσ διαβαίνουσι πολὺν ἐποιοῦντο φόνον.

ἀμυνομένων δὲ τῶν Βοιωτῶν καὶ τῶν Ἀρκάδων, καὶ τῷ πλήθει κυκλούντων τοὺσ ἐναντίουσ, οἱ Σπαρτιᾶται πολλοὺσ ἀνῃρηκότεσ ἐπανῆλθον εἰσ τὴν πόλιν, φανερῶσ ἐνδεδειγμένοι τὰσ ἰδίασ ἀνδραγαθίασ.

μετὰ δὲ ταῦτα τῶν περὶ τὸν Ἐπαμεινώνδαν πάσῃ τῇ δυνάμει καταπληκτικῶσ προσβαλλόντων τῇ πόλει, οἱ μὲν Σπαρτιᾶται συνεργὸν ἔχοντεσ τὴν τῶν τόπων ὀχυρότητα, πολλοὺσ μὲν ἀπέκτειναν τῶν προπετῶσ βιαζομένων, τέλοσ δ’ οἱ πολιορκοῦντεσ πᾶσαν εἰσενεγκάμενοι σπουδὴν τὸ μὲν πρῶτον ἀπείκαζον βίᾳ χειρώσασθαι τὴν Σπάρτην·

ἐπεὶ δὲ τῶν βιαζομένων οἱ μὲν ἀπέθνησκον, οἱ δ’ ἐτραυματίζοντο, ἀνεκαλέσαντο τῇ σάλπιγγι τοὺσ στρατιώτασ οἱ περὶ τὸν Ἐπαμεινώνδαν, αὐτοὶ δὲ προσελθόντεσ τῇ πόλει προεκαλοῦντο τοὺσ Σπαρτιάτασ εἰσ παράταξιν, ἢ ξυνομολογεῖσθαι προσέταττον ἥττουσ εἶναι τῶν πολεμίων. ἀποκριναμένων δὲ τῶν Σπαρτιατῶν, ὅτι καιρὸν λαβόντεσ εὔθετον διαγωνιοῦνται περὶ τῶν ὅλων, ἀπηλλάγησαν ἀπὸ τῆσ πόλεωσ.

πᾶσαν δὲ τὴν Λακωνικὴν δῃώσαντεσ, καὶ λαφύρων ἀναρίθμητον πλῆθοσ ἀθροίσαντεσ, ἀπεχώρησαν εἰσ τὴν Ἀρκαδίαν. μετὰ δὲ ταῦτ’ Ἀθηναῖοι μέν, ὑστερηκότεσ τῶν καιρῶν, ἐπανῆλθον εἰσ τὴν Ἀττικὴν οὐδὲν πράξαντεσ μνήμησ ἄξιον, τοῖσ δὲ Λακεδαιμονίοισ παρὰτῶν συμμάχων ἧκον βοηθήσοντεσ στρατιῶται τετρακισχίλιοι.

πρὸσ δὲ τούτοισ προσθέντεσ τοὺσ Εἵλωτασ ἠλευθερωμένουσ προσφάτωσ χιλίουσ καὶ τῶν Βοιωτῶν φυγάδων διακοσίουσ, ἔτι δ’ ἐκ τῶν σύνεγγυσ πόλεων οὐκ ὀλίγουσ μεταπεμψάμενοι, κατεσκεύαζον δύναμιν ἀντίπαλον τοῖσ πολεμίοισ. ταύτην δ’ ἀθρόαν συνέχοντεσ καὶ γυμνάζοντεσ αἰεὶ μᾶλλον ἐθάρρουν καὶ παρεσκευάζοντο πρὸσ τὸν ὑπὲρ τῶν ὅλων ἀγῶνα. Ἐπαμεινώνδασ δὲ φύσει μεγαλεπίβολοσ ὢν καὶ δόξησ ὀρεγόμενοσ αἰωνίου, συνεβούλευε τοῖσ τε Ἀρκάσι καὶ τοῖσ ἄλλοισ συμμάχοισ οἰκίσαι τὴν Μεσσήνην, πολλὰ μὲν ἔτη γεγενημένην ἀνάστατον ὑπὸ Λακεδαιμονίων, τόπον δ’ εὔθετον ἔχουσαν κατὰ τῆσ Σπάρτησ.

συγκατατιθεμένων δὲ πάντων ἀνεζήτησε τοὺσ ἀπολελειμμένουσ τῶν Μεσσηνίων, καὶ τῶν ἄλλων τοὺσ βουλομένουσ καταλέξασ εἰσ τὴν πολιτείαν ἀνέκτισε τὴν Μεσσήνην, πολλοὺσ ποιήσασ αὐτῆσ οἰκήτορασ. τούτοισ δὲ κατακληρουχήσασ τὴν χώραν καὶ ἀνοικοδομήσασ ἀνέσωσε πόλιν ἐπίσημον Ἑλληνίδα, καὶ μεγάλησ ἀποδοχῆσ ἔτυχε παρὰ πᾶσιν ἀνθρώποισ. οὐκ ἀνοίκειον δ’ εἶναι νομίζω, πολλάκισ τῆσ Μεσσήνησ ἁλούσησ καὶ κατασκαφείσησ, τὰ περὶ αὐτὴν ἀπ’ ἀρχῆσ ὡσ ἐν κεφαλαίοισ παραδραμεῖν.

τὸ μὲν οὖν παλαιὸν οἱ ἀπὸ Νηλέωσ καὶ Νέστοροσ κατέσχον αὐτὴν μέχρι τῶν Τρωικῶν χρόνων, μετὰ δὲ ταῦθ’ ὁ Ἀγαμέμνονοσ Ὀρέστησ καὶ οἱ ἀπὸ τούτου μέχρι τῆσ καθόδου τῶν Ἡρακλειδῶν, ἀπὸ δὲ ταύτησ Κρεσφόντησ ἔλαχε τὴν Μεσσηνίαν μερίδα, καὶ οἱ ἀπὸ τούτου μέχρι τινὸσ ἐβασίλευσαν αὐτῆσ· ὕστερον δὲ τῶν ἀπὸ Κρεσφόντου τὴν βασιλείαν ἀποβαλόντων Λακεδαιμόνιοι κύριοι κατέστησαν αὐτῆσ. μετὰ δὲ ταῦτα Τηλέκλου τοῦ βασιλέωσ τῶν Λακεδαιμονίων ἀποθανόντοσ ἐν ἀγῶνι κατεπολεμήθησαν ὑπὸ Λακεδαιμονίων οἱ Μεσσήνιοι.

τοῦτον δὲ τὸν πόλεμον εἰκοσαετῆ φασι γενέσθαι, κατομοσαμένων τῶν Λακεδαιμονίων μὴ ἀνακάμψειν εἰσ τὴν Σπάρτην, ἐὰν μὴ Μεσσήνην ἕλωσιν. τότε δὲ συνέβη τοὺσ παρθενίασ ὀνομασθέντασ γεννηθῆναι καὶ κτίσαι τὴν τῶν Ταραντίνων πόλιν. ὕστερον δὲ δουλευόντων Μεσσηνίων τοῖσ Λακεδαιμονίοισ, Ἀριστομένησ ἔπεισε τοὺσ Μεσσηνίουσ ἀποστῆναι τῶν Σπαρτιατῶν, καὶ πολλὰ κακὰ διειργάσατο τοὺσ Σπαρτιάτασ, ὅτε καὶ Τυρταῖοσ ὁ ποιητὴσ ὑπὸ Ἀθηναίων ἡγεμὼν ἐδόθη τοῖσ Σπαρτιάταισ. ἔνιοι δὲ τὸν Ἀριστομένη γεγονέναι φασὶ κατὰ τὸν εἰκοσαετῆ πόλεμον.

ὁ δ’ ὕστατοσ ἐγένετο πόλεμοσ αὐτοῖσ σεισμοῦ μεγάλου γενομένου· καὶ τῆσ μὲν Σπάρτησ ὅλησ σχεδὸν συγχυθείσησ, ἀνδρῶν δ’ ἐρήμου γενομένησ, οἱ Μεσσηνίων περιλειφθέντεσ ᾤκισαν τὴν Ἰθώμην μετὰ τῶν συναποστάντων Εἱλώτων, ἀναστάτου γεγενημένησ τῆσ Μεσσήνησ πολλοὺσ χρόνουσ. ἀτυχήσαντεσ δ’ ἐν πᾶσι τοῖσ πολέμοισ, τὸ τελευταῖον ἀνάστατοι γενόμενοι κατῴκησαν ἐν Ναυπάκτῳ, δόντων αὐτοῖσ Ἀθηναίων οἰκητήριον τήνδε τὴν πόλιν.

καὶ τινὲσ μὲν αὐτῶν εἰσ Κεφαλληνίαν ἐξέπεσον, τινὲσ δ’ ἐν Σικελίᾳ Μεσσήνην τὴν ἀπ’ ἐκείνων ὀνομασθεῖσαν κατῴκησαν. τὸ δὲ τελευταῖον κατὰ τοὺσ ὑποκειμένουσ καιροὺσ Θηβαῖοι, πείσαντοσ αὐτοὺσ Ἐπαμεινώνδου καὶ πανταχόθεν συναγαγόντοσ τοὺσ Μεσσηνίουσ, ᾤκισαν τὴν Μεσσήνην καὶ τὴν ἀρχαίαν αὐτοῖσ χώραν ἀποκατέστησαν.

περὶ μὲν οὖν τὴν Μεσσήνην τοσαύτασ καὶ τηλικαύτασ συνέβη γενέσθαι μεταβολάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 63

(디오도로스 시켈로스, Library, book xv, chapter 63)

상위

목록

SEARCH

MENU NAVIGATION