헬라어 문장 검색 - Διοδορ́Λιβραρψ́8́35́

(디오도로스 시켈로스, Library, book xv, chapter 62)

κατὰ δὲ τὴν Πελοπόννησον Λακεδαιμόνιοι μὲν Πολύτροπον στρατηγὸν ἐξέπεμψαν εἰσ τὴν Ἀρκαδίαν, ἔχοντα πολιτικοὺσ μὲν ὁπλίτασ χιλίουσ, φυγάδασ δ’ Ἀργείων καὶ Βοιωτῶν πεντακοσίουσ. οὗτοσ δὲ παρελθὼν εἰσ Ὀρχομενὸν τὸν Ἀρκαδικὸν παρεφύλαττε τὴν πόλιν ταύτην, οἰκείωσ διακειμένην πρὸσ τοὺσ Σπαρτιάτασ. Λυκομήδησ δ’ ὁ Μαντινεύσ, στρατηγὸσ ὢν τῶν Ἀρκάδων, παραλαβὼν τοὺσ καλουμένουσ ἐπιλέκτουσ, ὄντασ πεντακισχιλίουσ, ἧκεν ἐπὶ τὸν Ὀρχομενόν.

προαγαγόντων δὲ τὴν δύναμιν Λακεδαιμονίων ἐκ τῆσ πόλεωσ ἐγένετο μάχη καρτερά, καθ’ ἣν ὅ τε στρατηγὸσ τῶν Λακεδαιμονίων ἀνῃρέθη καὶ τῶν ἄλλων εἰσ διακοσίουσ· οἱ δὲ λοιποὶ συνεδιώχθησαν εἰσ τὴν πόλιν. οἱ δὲ Ἀρκάδεσ, καίπερ νενικηκότεσ, ὅμωσ εὐλαβοῦντο τὸ βάροσ τῆσ Σπάρτησ, καὶ καθ’ αὑτοὺσ οὐχ ὑπέλαβον δυνήσεσθαι τοῖσ Λακεδαιμονίοισ διαπολεμεῖν.

διὸ καὶ παραλαβόντεσ Ἀργείουσ τε καὶ Ἠλείουσ, τὸ μὲν πρῶτον πρέσβεισ ἀπέστειλαν εἰσ τὰσ Ἀθήνασ, ἀξιοῦντεσ συμμαχίαν ποιήσασθαι κατὰ τῶν Σπαρτιατῶν, ὡσ δ’ οὐδεὶσ αὐτοῖσ προσεῖχε, διαπρεσβευσάμενοι πρὸσ τοὺσ Θηβαίουσ ἔπεισαν αὐτοὺσ συμμαχίαν συνθέσθαι κατὰ τῶν Λακεδαιμονίων. εὐθὺσ οὖν οἱ Βοιωτοὶ τὴν δύναμιν ἐξῆγον, προσλαβόμενοι συμμάχουσ Λοκρούσ τε καὶ Φωκεῖσ.

οὗτοι μὲν οὖν προῆγον ἐπὶ τὴν Πελοπόννησον, βοιωταρχούντων Ἐπαμεινώνδου καὶ Πελοπίδου· τούτοισ γὰρ οἱ ἄλλοι βοιωτάρχαι παρεκεχωρήκεισαν ἑκουσίωσ τῆσ στρατηγίασ διά τε τὴν σύνεσιν καὶ τὴν ἀνδρείαν τῶν ἀνδρῶν. ὡσ δὲ κατήντησαν ἐπὶ τὴν Ἀρκαδίαν, ἧκον πρὸσ αὐτοὺσ πανδημεὶ οἵ τε Ἀρκάδεσ καὶ Ἠλεῖοι καὶ Ἀργεῖοι καὶ οἱ ἄλλοι σύμμαχοι πάντεσ.

ἀθροισθέντων δὲ πλειόνων ἢ πεντακισμυρίων, οἱ μὲν ἡγεμόνεσ αὐτῶν συνεδρεύσαντεσ ἔγνωσαν ἐπ’ αὐτὴν βαδίζειν τὴν Σπάρτην καὶ πᾶσαν τὴν Λακωνικὴν πορθῆσαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Library, book xv, chapter 62

(디오도로스 시켈로스, Library, book xv, chapter 62)

상위

목록

SEARCH

MENU NAVIGATION