헬라어 문장 검색 - Διοδορ́Λιβραρψ́8́34́

(디오도로스 시켈로스, Library, book xv, chapter 57)

τοῦ δ’ ἐνιαυσίου χρόνου διεληλυθότοσ Ἀθήνησι μὲν ἦρχε Δυσνίκητοσ, ἐν Ῥώμῃ δὲ ἀντὶ τῶν ὑπάτων χιλίαρχοι κατεστάθησαν τέτταρεσ, Κόιντοσ Σερουίλιοσ καὶ Λεύκιοσ Φούριοσ, ἔτι δὲ Γάιοσ Λικίνιοσ καὶ Πόπλιοσ Κοίλιοσ. ἐπὶ δὲ τούτων Θηβαῖοι μεγάλῃ δυνάμει στρατεύσαντεσ ἐπ’ Ὀρχομενὸν ἐπεβάλοντο μὲν ἐξανδραποδίσασθαι τὴν πόλιν, Ἐπαμεινώνδου δὲ συμβουλεύσαντοσ ὅτι τὰ διὰ τῆσ ἀνδρείασ κατεργασθέντα τῇ φιλανθρωπίᾳ δεῖ διαφυλάττειν τοὺσ τῆσ τῶν Ἑλλήνων ἡγεμονίασ ὀρεγομένουσ, μετέγνωσαν. διόπερ τοὺσ μὲν Ὀρχομενίουσ εἰσ τὴν τῶν συμμάχων χώραν κατέταξαν,μετὰ δὲ ταῦτα Φωκεῖσ καὶ Αἰτωλοὺσ καὶ Λοκροὺσ φίλουσ ποιησάμενοι τὴν εἰσ Βοιωτίαν ἐπάνοδον ἐποιήσαντο. Ιἄσων δὲ ὁ Φερῶν τύραννοσ ἀεὶ μᾶλλον αὐξόμενοσ ἐστράτευσεν εἰσ τὴν Λοκρίδα, καὶ τὴν μὲν Ἡράκλειαν τὴν ἐν Τραχινίᾳ διὰ προδοσίασ ἑλὼν ἀνάστατον ἐποίησε, καὶ τὴν χώραν Οἰταίοισ καὶ Μηλιεῦσιν ἐδωρήσατο·

μετὰ δὲ ταῦτα ἐπὶ τὴν Περραιβίαν ἀναζεύξασ τῶν πόλεων τὰσ μὲν λόγοισ φιλανθρώποισ προσηγάγετο, τὰσ δὲ διὰ τῆσ βίασ ἐχειρώσατο. ταχὺ δὲ τῆσ δυναστείασ αὐτοῦ στερεουμένησ, οἱ τὴν Θετταλίαν οἰκοῦντεσ ὑφεωρῶντο τὴν αὔξησιν αὐτοῦ καὶ τὴν πλεονεξίαν. ἅμα δὲ τούτοισ πραττομένοισ ἐν τῇ πόλει τῶν Ἀργείων ἐγένετο στάσισ καὶ φόνοσ τοσοῦτοσ, ὅσοσ παρ’ ἑτέροισ τῶν Ἑλλήνων οὐδέποτε γεγονέναι μνημονεύεται.

ἐκλήθη δὲ ὁ νεωτερισμὸσ οὗτοσ παρὰ τοῖσ Ἕλλησι σκυταλισμόσ, διὰ τὸν τρόπον τοῦ θανάτου ταύτησ τυχὼν τῆσ προσηγορίασ. ἡ δ’ οὖν στάσισ ἐγένετο διὰ τοιαύτασ αἰτίασ.

τῆσ πόλεωσ τῶν Ἀργείων δημοκρατουμένησ καί τινων δημαγωγῶν παροξυνόντων τὸ πλῆθοσ κατὰ τῶν ταῖσ ἐξουσίαισ καὶ δόξαισ ὑπερεχόντων, οἱ διαβαλλόμενοι συστάντεσ ἔγνωσαν καταλῦσαι τὸν δῆμον. βασανισθέντων δέ τινων ἐκ τῶν συνεργεῖν δοκούντων, οἱ μὲν ἄλλοι φοβηθέντεσ τὴν ἐκ τῶν βασάνων τιμωρίαν ἑαυτοὺσ ἐκ τοῦ ζῆν μετέστησαν, ἑνὸσ δ’ ἐν ταῖσ βασάνοισ ὁμολογήσαντοσ καὶ πίστιν λαβόντοσ, ὁ μὲν μηνυτὴσ τριάκοντα τῶν ἐπιφανεστάτων κατηγόρησεν, ὁ δὲ δῆμοσ οὐκ ἐλέγξασ ἀκριβῶσ ἅπαντασ τοὺσ διαβληθέντασ ἀπέκτεινε καὶ τὰσ οὐσίασ αὐτῶν ἐδήμευσεν.

πολλῶν δὲ καὶ ἄλλων ἐν ὑποψίαισ ὄντων, καὶ τῶν δημαγωγῶν ψευδέσι διαβολαῖσ συνηγορούντων, ἐπὶ τοσοῦτον ἐξηγριώθη τὸ πλῆθοσ, ὥστε πάντων τῶν κατηγορουμένων, ὄντων πολλῶν καὶ μεγαλοπλούτων, καταγνῶναι θάνατον.

ἀναιρεθέντων δὲ τῶν δυνατῶν ἀνδρῶν πλειόνων ἢ χιλίων καὶ διακοσίων, καὶ τῶν δημαγωγῶν αὐτῶν ὁ δῆμοσ οὐκ ἐφείσατο. διὰ γὰρ τὸ μέγεθοσ τῆσ συμφορᾶσ οἱ μὲν δημαγωγοὶ φοβηθέντεσ μή τι παράλογον αὐτοῖσ ἀπαντήσῃ, τῆσ κατηγορίασ ἀπέστησαν, οἱ δ’ ὄχλοι δόξαντεσ ὑπ’ αὐτῶν ἐγκαταλελεῖφθαι, καὶ διὰ τοῦτο παροξυνθέντεσ, ἅπαντασ τοὺσ δημαγωγοὺσ ἀπέκτειναν.

οὗτοι μὲν οὖν, ὡσπερεί τινοσ νεμεσήσαντοσ δαιμονίου, τῆσ ἁρμοζούσησ τιμωρίασ ἔτυχον, ὁ δὲ δῆμοσ παυσάμενοσ τῆσ λύττησ εἰσ τὴν προϋπάρχουσαν ἔννοιαν ἀποκατέστη. περὶ δὲ τοὺσ αὐτοὺσ χρόνουσ Λυκομήδησ ὁ Τεγεάτησ ἔπεισε τοὺσ Ἀρκάδασ εἰσ μίαν συντέλειαν ταχθῆναι καὶ κοινὴν ἔχειν σύνοδον συνεστῶσαν ἐξ ἀνδρῶν μυρίων, καὶ τούτουσ ἐξουσίαν ἔχειν περὶ πολέμου καὶ εἰρήνησ βουλεύεσθαι.

γενομένησ δὲ στάσεωσ μεγάλησ παρὰ τοῖσ Ἀρκάσι, καὶ διὰ τῶν ὅπλων διακριθέντων τῶν διαφερομένων, πολλοὶ μὲν ἀνῃρέθησαν, πλείουσ δὲ τῶν χιλίων καὶ τετρακοσίων ἔφυγον, οἱ μὲν εἰσ τὴν Σπάρτην, οἱ δ’ εἰσ τὸ Παλλάντιον.

οὗτοι μὲν οὖν ἐκδοθέντεσ ὑπὸ τῶν Παλλαντίων, ὑπὸ τῶν νενικηκότων ἐσφαγιάσθησαν·

οἱ δ’ εἰσ τὴν Σπάρτην φυγόντεσ ἔπεισαν τοὺσ Λακεδαιμονίουσ εἰσ τὴν Ἀρκαδίαν στρατεῦσαι. διόπερ Ἀγησίλαοσ ὁ βασιλεὺσ μετὰ δυνάμεωσ καὶ τῶν φυγάδων ἐνέβαλεν εἰσ τὴν τῶν Τεγεατῶν χώραν διὰ τὸ δοκεῖν τούτουσ τῆσ στάσεωσ καὶ τῆσ φυγῆσ αἰτίουσ γεγονέναι.

πορθήσασ δὲ τὴν χώραν καὶ τῇ πόλει προσβολὰσ ποιησάμενοσ κατεπλήξατο τῶν Ἀρκάδων τοὺσ ἐναντιοπραγοῦντασ. ἅμα δὲ τούτοισ πραττομένοισ Ιἄσων ὁ Φερῶν τύραννοσ, συνέσει τε στρατηγικῇ διαφέρων καὶ πολλοὺσ τῶν περιοίκων εἰσ συμμαχίαν προηγμένοσ, ἔπεισε τοὺσ Θετταλοὺσ ἀντιποιεῖσθαι τῆσ τῶν Ἑλλήνων ἡγεμονίασ·

ταύτην γὰρ ὥσπερ ἔπαθλον ἀρετῆσ προκεῖσθαι τοῖσ δυναμένοισ αὐτῆσ ἀμφισβητῆσαι. Λακεδαιμονίουσ γὰρ συνέβαινε περὶ Λεῦκτρα μεγάλῃ συμφορᾷ περιπεπτωκέναι, Ἀθηναίουσ δὲ μόνον τῆσ κατὰ θάλατταν ἀρχῆσ ἀντέχεσθαι, Θηβαίουσ δὲ τῶν πρωτείων ἀξίουσ μὴ εἶναι, Ἀργείουσ δὲ διὰ στάσεισ καὶ φόνουσ ἐμφυλίουσ τεταπεινῶσθαι.

διόπερ οἱ Θετταλοὶ προστησάμενοι τῶν ὅλων ἡγεμόνα Ιἄσονα, τούτῳ τὰ κατὰ τὸν πόλεμον ἐπέτρεψαν. ὁ δὲ Ιἄσων παραλαβὼν τὴν ἡγεμονίαν τῶν τε πλησίον ἐθνῶν τινα προσηγάγετο καὶ πρὸσ Ἀμύνταν τὸν τῶν Μακεδόνων βασιλέα συμμαχίαν ἐποιήσατο. ἴδιον δέ τι συνέβη κατὰ τοῦτον τὸν ἐνιαυτόν·

τῶν γὰρ ἐν δυναστείαισ ὄντων τρεῖσ ἐτελεύτησαν περὶ τὸν αὐτὸν καιρόν. Ἀμύντασ μὲν ὁ Ἀρριδαίου βασιλεύων τῆσ Μακεδονίασ ἐτελεύτησεν ἄρξασ ἔτη εἴκοσι καὶ τέτταρα, υἱοὺσ ἀπολιπὼν τρεῖσ, Ἀλέξανδρον καὶ Περδίκκαν καὶ Φίλιππον· διεδέξατο δὲ τὴν βασιλείαν ὁ υἱὸσ Ἀλέξανδροσ καὶ ἦρξεν ἐνιαυτόν. ὁμοίωσ δὲ καὶ Ἀγησίπολισ ὁ τῶν Λακεδαιμονίων βασιλεὺσ μετήλλαξεν ἄρξασ ἐνιαυτόν, τὴν δὲ ἀρχὴν διαδεξάμενοσ Κλεομένησ ὁ ἀδελφὸσ ἐβασίλευσεν ἔτη τριάκοντα καὶ τέτταρα.

τρίτοσ δὲ Ιἄσων ὁ Φεραῖοσ ἡγεμὼν ᾑρημένοσ τῆσ Θετταλίασ, καὶ δοκῶν ἐπιεικῶσ ἄρχειν τῶν ὑποτεταγμένων, ἐδολοφονήθη, ὡσ μὲν Ἔφοροσ γέγραφεν, ὑπό τινων ἑπτὰ νεανίσκων συνομοσαμένων δόξησ ἕνεκα, ὡσ δ’ ἔνιοι γράφουσιν, ὑπὸ Πολυδώρου τἀδελφοῦ.

οὗτοσ δὲ καὶ αὐτὸσ διαδεξάμενοσ τὴν δυναστείαν ἦρξεν ἐνιαυτόν. Δοῦρισ δ’ ὁ Σάμιοσ ὁ ἱστοριογράφοσ τῆσ τῶν Ἑλληνικῶν ἱστορίασ ἐντεῦθεν ἐποιήσατο τὴν ἀρχήν.

ταῦτα μὲν οὖν ἐπράχθη κατὰ τοῦτον τὸν ἐνιαυτόν. ἐπ’ ἄρχοντοσ δ’ Ἀθήνησι Λυσιστράτου παρὰ Ῥωμαίοισ ἐγένετο στάσισ, τῶν μὲν οἰομένων δεῖν ὑπάτουσ, τῶν δὲ χιλιάρχουσ αἱρεῖσθαι.

ἐπὶ μὲν οὖν τινα χρόνον ἀναρχία τὴν στάσιν ὑπέλαβε, μετὰ δὲ ταῦτα ἔδοξε χιλιάρχουσ αἱρεῖσθαι ἕξ· καὶ κατεστάθησαν Λεύκιοσ Αἰμίλιοσ καὶ Γάιοσ Οὐεργίνιοσ καὶ Σερούιοσ Σουλπίκιοσ, πρὸσ δὲ τούτοισ Λεύκιοσ Κοί̈ντιοσ καὶ Γάιοσ Κορνήλιοσ, ἔτι δὲ Γάιοσ Οὐαλέριοσ. ἐπὶ δὲ τούτων Πολύδωροσ ὁ Φεραῖοσ ὁ τῶν Θετταλῶν ἄρξασ ὑπὸ Ἀλεξάνδρου τοῦ ἀδελφιδοῦ ἀνῃρέθη φαρμάκῳ, προκληθεὶσ εἰσ μέθην·

τὴν δὲ δυναστείαν διαδεξάμενοσ Ἀλέξανδροσ ὁ ἀδελφιδοῦσ ἦρξεν ἔτη ἕνδεκα. οὗτοσ δὲ παρανόμωσ καὶ βιαίωσ κτησάμενοσ τὴν δυναστείαν, ἀκολούθωσ ταύτῃ τῇ προαιρέσει διῴκει τὰ κατὰ τὴν ἀρχήν. τῶν γὰρ πρὸ αὐτοῦ δυναστῶν ἐπιεικῶσ προσφερομένων τοῖσ πλήθεσι, καὶ διὰ τοῦτ’ ἀγαπωμένων, οὗτοσ βιαίωσ καὶ χαλεπῶσ ἄρχων ἐμισεῖτο. διὸ καὶ τὴν παρανομίαν φοβηθέντεσ τῶν Λαρισσαίων τινέσ, οἱ δι’ εὐγένειαν Ἀλευάδαι προσαγορευόμενοι, συνέθεντο πρὸσ ἀλλήλουσ καταλῦσαι τὴν δυναστείαν.

ἀπελθόντεσ δ’ ἐκ Λαρίσσησ εἰσ Μακεδονίαν ἔπεισαν Ἀλέξανδρον τὸν βασιλέα συγκαταλῦσαι τὸν τύραννον. τούτων δὲ περὶ ταῦτα διατριβόντων, ὁ Φεραῖοσ Ἀλέξανδροσ πυθόμενοσ τὴν καθ’ ἑαυτοῦ παρασκευήν, κατέλεγε τοὺσ εἰσ τὴν στρατείαν εὐθέτουσ, διανοούμενοσ ἐν τῇ Μακεδονίᾳ συστήσασθαι τὴν μάχην.

ὁ δὲ τῶν Μακεδόνων βασιλεύσ, ἔχων μεθ’ ἑαυτοῦ τοὺσ ἐκ Λαρίσσησ φυγάδασ, φθάσασ τοὺσ πολεμίουσ ἧκε μετὰ τῆσ δυνάμεωσ εἰσ τὴν Λάρισσαν· παρεισαχθεὶσ δ’ ὑπὸ τῶν Λαρισσαίων ἐντὸσ τοῦ τείχουσ ἐκράτησε τῆσ πόλεωσ πλὴν τῆσ ἄκρασ. μετὰ δὲ ταῦτα τήν τε ἄκραν ἐξεπολιόρκησε καὶ Κραννῶνα πόλιν προσαγαγόμενοσ ὡμολόγησε μὲν τοῖσ Θετταλοῖσ ἀποδώσειν τὰσ πόλεισ, καταφρονήσασ δὲ τῆσ δόξησ, καὶ φρουρὰσ ἀξιολόγουσ εἰσαγαγών, αὐτὸσ κατεῖχε τὰσ πόλεισ.

ὁ δὲ Φεραῖοσ Ἀλέξανδροσ καταδιωχθεὶσ ἅμα καὶ καταπλαγεὶσ ἐπανῆλθεν εἰσ τὰσ Φεράσ. καὶ τὰ μὲν κατὰ τὴν Θετταλίαν ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 57

(디오도로스 시켈로스, Library, book xv, chapter 57)

상위

목록

SEARCH

MENU NAVIGATION