헬라어 문장 검색 - Διοδορ́Λιβραρψ́8́33́

(디오도로스 시켈로스, Library, book xv, chapter 56)

ἀναρχίασ δὲ γενομένησ περὶ τὸ κέρασ, οἱ μὲν περὶ τὸν Ἐπαμεινώνδαν βαρεῖσ ἐγκείμενοι τοῖσ Λακεδαιμονίοισ τὸ μὲν πρῶτον τῇ βίᾳ βραχὺ προέωσαν ἐκ τῆσ τάξεωσ τοὺσ πολεμίουσ, οἱ δὲ Λακεδαιμόνιοι περὶ τοῦ βασιλέωσ ἀγωνισάμενοι λαμπρῶσ τοῦ μὲν σώματοσ ἐγκρατεῖσ ἐγένοντο, τῆσ δὲ νίκησ οὐκ ἴσχυσαν ἐφικέσθαι. καὶ τῶν γὰρ ἐπιλέκτων ὑπερβαλλομένων ταῖσ ἀνδραγαθίαισ, καὶ τῆσ ἀρετῆσ καὶ παρακλήσεωσ Ἐπαμεινώνδου πολλὰ συμβαλλομένησ, μόγισ ἐβιάσθησαν οἱ Λακεδαιμόνιοι·

τὸ μὲν πρῶτον ἀναχωροῦντεσ τὴν τάξιν οὐ διέλυον, τὸ δὲ τελευταῖον πολλῶν ἀναιρουμένων, τοῦ δὲ παραγγέλλοντοσ ἡγεμόνοσ τετελευτηκότοσ, ἐγένετο παντελὴσ τροπὴ τοῦ στρατοπέδου. οἱ δὲ περὶ τὸν Ἐπαμινώνδαν ἐπικείμενοι τοῖσ φεύγουσι καὶ πολλοὺσ τῶν ἐναντίων κατακόψαντεσ ἀπηνέγκαντο νίκην ἐπιφανεστάτην.

συμβαλόντεσ γὰρ τοῖσ ἀρίστοισ τῶν Ἑλλήνων, καὶ τοῖσ ὀλίγοισ τῶν πολλαπλασίων παραδόξωσ περιγενόμενοι, μεγάλην δόξαν ἐπ’ ἀνδρείᾳ κατεκτήσαντο. μεγίστων δ’ ἐπαίνων ὁ στρατηγὸσ Ἐπαμεινώνδασ ἠξιώθη, διὰ τῆσ ἰδίασ ἀνδρείασ μάλιστα καὶ στρατηγικῆσ συνέσεωσ τοὺσ ἀνικήτουσ ἡγεμόνασ τῆσ Ἑλλάδοσ κατηγωνισμένοσ. ἔπεσον δ’ ἐν τῇ μάχῃ τῶν Λακεδαιμονίων οὐκ ἐλάττουσ τῶν τετρακισχιλίων, τῶν δὲ Βοιωτῶν περὶ τριακοσίουσ.

μετὰ δὲ ταῦτα περί τε τῆσ τῶν νεκρῶν ἀναιρέσεωσ καὶ τῆσ εἰσ Πελοπόννησον ἀπαλλαγῆσ τῶν Λακεδαιμονίων σπονδὰσ ἐποιήσαντο. καὶ τὰ μὲν περὶ τὴν ἐν Λεύκτροισ μάχην συμβάντα τοιοῦτον ἔσχε τέλοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Library, book xv, chapter 56

(디오도로스 시켈로스, Library, book xv, chapter 56)

상위

목록

SEARCH

MENU NAVIGATION