헬라어 문장 검색 - Διοδορ́Λιβραρψ́8́31́

(디오도로스 시켈로스, Library, book xv, chapter 53)

ὁ δὲ Κλεόμβροτοσ πυθόμενοσ τοὺσ πολεμίουσ προκατειληφέναι τὰσ παρόδουσ, τὸ μὲν ταύτῃ ποιεῖσθαι τὴν διέξοδον ἀπέγνω, πορευθεὶσ δὲ διὰ τῆσ Φωκίδοσ, καὶ διεξελθὼν τὴν παραθαλαττίαν ὁδὸν χαλεπὴν οὖσαν, ἐνέβαλεν εἰσ τὴν Βοιωτίαν ἀκινδύνωσ· ἐν παρόδῳ δέ τινα τῶν πολισματίων χειρωσάμενοσ δέκα τριήρων ἐγκρατὴσ ἐγένετο. μετὰ δὲ ταῦτα καταντήσασ εἰσ τὰ καλούμενα Λεῦκτρα κατεστρατοπέδευσε καὶ τοὺσ στρατιώτασ ἐκ τῆσ ὁδοιπορίασ ἀνελάμβανεν.

οἱ δὲ Βοιωτοὶ προάγοντεσ ἐπὶ τοὺσ πολεμίουσ, ὡσ ἤγγισαν αὐτοῖσ καὶ λόφουσ τινὰσ ὑπερβαλόντεσ ἄφνω κατενόησαν τοὺσ Λακεδαιμονίουσ ἐπέχοντασ ἅπαν τὸ Λευκτρικὸν πεδίον, κατεπλάγησαν ἰδόντεσ τὸ μέγεθοσ τῆσ δυνάμεωσ. συνεδρευσάντων δὲ τῶν βοιωταρχῶν καὶ βουλευομένων, πότερον χρὴ μένειν καὶ πρὸσ πολλαπλασίονα δύναμιν διαγωνίζεσθαι ἢ τὴν ἀναχώρησιν ποιησάμενοι ἐν τόποισ ὑπερδεξίοισ συστήσονται τὴν μάχην, ἔτυχον αἱ γνῶμαι τῶν ἡγεμόνων ἴσαι γενόμεναι.

ἓξ γὰρ ὄντων βοιωταρχῶν τρεῖσ μὲν ᾤοντο δεῖν ἀπάγειν τὴν δύναμιν, τρεῖσ δὲ μένειν καὶ διαγωνίζεσθαι, ἐν οἷσ ἦν καὶ ὁ Ἐπαμεινώνδασ συνεξαριθμούμενοσ. ἀπορίασ δ’ οὔσησ μεγάλησ καὶ δυσκρίτου τῶν βοιωταρχῶν ἕβδομοσ ἧκεν, ὃν πείσασ Ἐπαμεινώνδασ ὁμόψηφον ἑαυτῷ γενέσθαι προετέρησε τῇ γνώμῃ. ὁ μὲν οὖν ὑπὲρ τῶν ὅλων ἀγὼν τοῦτον τὸν τρόπον ἐκυρώθη. ὁ δ’ Ἐπαμεινώνδασ ὁρῶν τοὺσ στρατιώτασ δεισιδαιμονοῦντασ ἐπὶ τοῖσ γεγονόσι σημείοισ, ἐφιλοτιμεῖτο διὰ τῆσ ἰδίασ ἐπινοίασ καὶ στρατηγίασ μεταθεῖναι τὰσ τοῦ πλήθουσ εὐλαβείασ.

διόπερ τινῶν προσφάτωσ παραγεγονότων ἐκ Θηβῶν ἔπεισεν εἰπεῖν, ὅτι τὰ κατὰ τὸν νεὼν τοῦ Ἡρακλέουσ ὅπλα παραδόξωσ ἀφανῆ γέγονε καὶ λόγοσ ἐν ταῖσ Θήβαισ διαδέδοται ὡσ τῶν ἡρώων τῶν ἀρχαίων ἀνειληφότων αὐτὰ καὶ βοηθεῖν τοῖσ Βοιωτοῖσ ἀπεληλυθότων. ἄλλον δὲ κατέστησεν ὡσ ἀπὸ Τροφωνίου προσφάτωσ ἀναβεβηκότα καὶ λέγοντα, διότι προστέταχεν ὁ θεὸσ αὐτοῖσ, ὅταν ἐν Λεύκτροισ νικήσωσιν, ἀγῶνα τιθέναι Διὶ βασιλεῖ στεφανίτην· ἀφ’ οὗ δὴ Βοιωτοὶ ταύτην ποιοῦσι τὴν πανήγυριν ἐν Λεβαδείᾳ. συνήργησε δὲ πρὸσ ταύτην τὴν ἐπίνοιαν Λεανδρίασ ὁ Σπαρτιάτησ, πεφευγὼσ μὲν ἐκ Λακεδαίμονοσ, τότε δὲ συστρατεύων Θηβαίοισ.

οὗτοσ γὰρ ἐν ἐκκλησίᾳ προαχθεὶσ ἀπεφήνατο παλαιὸν εἶναι λόγιον τοῖσ Σπαρτιάταισ, ὅτι τότε τὴν ἡγεμονίαν ἀποβαλοῦσιν, ὅταν ἐν Λεύκτροισ ὑπὸ Θηβαίων ἡττηθῶσιν. προσῆλθον δὲ τῷ Ἐπαμεινώνδᾳ καὶ χρησμολόγοι τινὲσ ἐγχώριοι, λέγοντεσ ὅτι περὶ τὸν τάφον τῶν Λεύκτρου καὶ Σκεδάσου θυγατέρων μεγάλῃ συμφορᾷ δεῖ περιπεσεῖν Λακεδαιμονίουσ διὰ τοιαύτασ αἰτίασ.

Λεῦκτροσ ἦν, ἀφ’ οὗ τὸ πεδίον τοῦτο ἔσχε τὴν προσηγορίαν.

τούτου θυγατέρασ καὶ Σκεδάσου τινὸσ ὁμοίωσ κόρασ πρέσβεισ Λακεδαιμονίων ἐβιάσαντο· αἱ δὲ ὑβρισθεῖσαι τὴν συμφορὰν οὐκ ἐνέγκασαι, τῇ πατρίδι τῇ πεμψάσῃ τοὺσ ὑβριστὰσ καταρασάμεναι τὸν βίον αὐτοχειρίᾳ κατέστρεψαν. πολλῶν δὲ καὶ ἄλλων τοιούτων λεγομένων, καὶ τοῦ Ἐπαμεινώνδου συναγαγόντοσ ἐκκλησίαν καὶ τοὺσ στρατιώτασ τοῖσ οἰκείοισ λόγοισ προτρεψαμένου πρὸσ τὸν ἀγῶνα, πάντεσ μετέθεντο τὰσ γνώμασ, καὶ τῆσ μὲν δεισιδαιμονίασ ἀπελύθησαν, πρὸσ δὲ τὴν μάχην εὐθαρσεῖσ ταῖσ ψυχαῖσ κατέστησαν.

ἦλθε δὲ καὶ συμμαχία κατὰ τοῦτον τὸν καιρὸν τοῖσ Θηβαίοισ παρὰ Θετταλῶν, πεζοὶ μὲν χίλιοι καὶ πεντακόσιοι, ἱππεῖσ δὲ πεντακόσιοι, ὧν ἡγεῖτο Ιἄσων.

οὗτοσ δ’ ἔπεισε τούσ τε Βοιωτοὺσ καὶ τοὺσ Λακεδαιμονίουσ ἀνοχὰσ ποιήσασθαι καὶ τὰ παράλογα τῆσ τύχησ εὐλαβηθῆναι. γενομένων δὲ τῶν σπονδῶν Κλεόμβροτοσ ἀνέξευξε μετὰ τῆσ δυνάμεωσ ἐκ τῆσ Βοιωτίασ, καὶ ἀπήντησεν αὐτῷ ἄλλη δύναμισ μεγάλη Λακεδαιμονίων καὶ τῶν συμμάχων, ἡγουμένου Ἀρχιδάμου τοῦ Ἀγησιλάου.

οἱ γὰρ Σπαρτιᾶται θεωροῦντεσ τὴν ἑτοιμότητα τῶν Βοιωτῶν, καὶ τὸ θράσοσ καὶ τὴν ἀπόνοιαν εὐλαβούμενοι, τὴν δευτέραν ἀπεστάλκεισαν δύναμιν, ἵνα τῷ πλήθει τῶν ἀγωνιζομένων περιγένωνται τῆσ τῶν πολεμίων τόλμησ. συνελθουσῶν δ’ εἰσ ταὐτὸ τῶν δυνάμεων αἰσχρὸν εἶναι ὑπέλαβον οἱ Λακεδαιμόνιοι δεδιέναι τὰσ τῶν Βοιωτῶν ἀρετάσ.

διόπερ τὰσ σπονδὰσ παρ’ οὐδὲν ἡγησάμενοι μετὰ πολλῆσ προθυμίασ ἀνέκαμψαν εἰσ Λεῦκτρα. ἑτοίμων δ’ ὄντων καὶ τῶν Βοιωτῶν πρὸσ τὴν μάχην, ἐξέταττον ἀμφότεροι τὰσ δυνάμεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 53

(디오도로스 시켈로스, Library, book xv, chapter 53)

상위

목록

SEARCH

MENU NAVIGATION