헬라어 문장 검색 - Διοδορ́Λιβραρψ́8́29́

(디오도로스 시켈로스, Library, book xv, chapter 47)

Λακεδαιμόνιοι δὲ στρατηγὸν καταστήσαντεσ Μνάσιππον ἐξαπέστειλαν ἐπὶ τὴν Κόρκυραν, ἔχοντα τριήρεισ μὲν ἑξήκοντα καὶ πέντε, στρατιώτασ δὲ χιλίουσ καὶ πεντακοσίουσ. οὗτοσ δὲ καταπλεύσασ εἰσ τὴν νῆσον καὶ προσλαβόμενοσ τοὺσ φυγάδασ εἰσέπλευσεν εἰσ τὸν λιμένα, καὶ τεττάρων μὲν νεῶν ἐκυρίευσε, τῶν δὲ ὑπολοίπων τριῶν νεῶν φυγουσῶν πρὸσ τὴν γῆν, αὗται μὲν ἐνεπρήσθησαν ὑπὸ τῶν Κορκυραίων, ἵνα μὴ τοῖσ πολεμίοισ ὑποχείριοι γένωνται. ἐνίκησε δὲ καὶ πεζῇ τοὺσ ἐπὶ τῇ γῇ λόφον τινὰ κατειλημμένουσ, καὶ καθόλου πολὺν φόβον τοῖσ Κορκυραίοισ ἐπέστησεν. Ἀθηναῖοι δὲ καὶ πάλαι μὲν ἀπεστάλκεισαν Τιμόθεον τὸν Κόνωνοσ ἐπὶ βοήθειαν τοῖσ Κορκυραίοισ μετὰ νεῶν ἑξήκοντα·

οὗτοσ δὲ πρὸ τῆσ συμμαχίασ ταύτησ πλεύσασ ἐπὶ Θρᾴκησ, καὶ πολλὰσ πόλεισ ἐπὶ συμμαχίαν προκαλεσάμενοσ, προσέθηκε τριάκοντα τριήρεισ· τότε δὲ καθυστερῶν τῆσ τῶν Κορκυραίων συμμαχίασ τὸ μὲν πρῶτον ἀπέβαλε τὴν στρατηγίαν, τοῦ δήμου χαλεπῶσ πρὸσ αὐτὸν διατεθέντοσ·

ὡσ δὲ παρέπλευσεν εἰσ τὰσ Ἀθήνασ, ἄγων πρέσβεων πλῆθοσ τῶν τὴν συμμαχίαν συντιθεμένων καὶ τριάκοντα τριήρεισ προστεθεικώσ, πάντα δὲ τὸν στόλον εὖ κατεσκευακὼσ πρὸσ τὸν πόλεμον, μετενόησεν ὁ δῆμοσ καὶ πάλιν αὐτῷ τὴν στρατηγίαν ἀποκατέστησεν. προσκατεσκεύαζον δὲ καὶ ἄλλασ τριήρεισ τετταράκοντα, ὥστε τὰσ πάσασ γίνεσθαι ἑκατὸν καὶ τριάκοντα·

ἐποιοῦντο δὲ καὶ σίτου καὶ βελῶν καὶ τῶν ἄλλων τῶν εἰσ πόλεμον χρησίμων ἀξιολόγουσ παρασκευάσ. κατὰ δὲ τὸ παρὸν στρατηγὸν ἑλόμενοι Κτησικλέα μετὰ στρατιωτῶν πεντακοσίων ἐξέπεμψαν βοηθήσοντα τοῖσ Κορκυραίοισ. οὗτοσ δὲ λάθρᾳ νυκτὸσ ἔλαθε τοὺσ πολιορκοῦντασ εἰσπλεύσασ εἰσ Κόρκυραν·

καὶ καταλαβὼν τοὺσ ἐν τῇ πόλει πρὸσ μὲν ἀλλήλουσ στασιάζοντασ, τὰ δὲ κατὰ τὸν πόλεμον κακῶσ διοικοῦντασ, τὰσ μὲν στάσεισ διέλυσε, τῆσ δὲ πόλεωσ πολλὴν ἐπιμέλειαν ποιησάμενοσ εὐθαρσεῖσ ἐποίησε τοὺσ πολιορκουμένουσ. καὶ τὸ μὲν πρῶτον ἀπροσδοκήτωσ τοῖσ πολιορκοῦσιν ἐπιθέμενοσ ἀνεῖλεν αὐτῶν περὶ διακοσίουσ, ὕστερον δὲ μεγάλησ μάχησ γενομένησ τόν τε Μνάσιππον ἀνεῖλε καὶ τῶν ἄλλων οὐκ ὀλίγουσ·

τέλοσ δὲ τοὺσ πολιορκοῦντασ εἰσ πολιορκίαν συγκλείσασ μεγάλων ἐπαίνων ἔτυχεν. τοῦ δὲ περὶ τὴν Κόρκυραν πολέμου σχεδὸν ἤδη τέλοσ ἔχοντοσ κατέπλευσεν ὁ στόλοσ τῶν Ἀθηναίων εἰσ τὴν Κόρκυραν, ἔχων στρατηγοὺσ Τιμόθεον καὶ Ἰφικράτην.

οὗτοι δὲ τῶν καιρῶν ὑστερηκότεσ ἄλλο μὲν οὐδὲν ἔπραξαν μνήμησ ἄξιον, τριήρεσι δὲ Σικελικαῖσ περιτυχόντεσ, ἃσ Διονύσιοσ ἦν ἀπεσταλκὼσ Λακεδαιμονίοισ ἐπὶ συμμαχίαν, ὧν ἡγοῦντο Κισσίδησ καὶ Κρίνιπποσ, αὐτάνδρουσ εἷλαν, οὔσασ ἐννέα· τοὺσ δ’ ἁλόντασ λαφυροπωλήσαντεσ, καὶ πλείω τῶν ἑξήκοντα ταλάντων ἀθροίσαντεσ, ἐμισθοδότησαν τὴν δύναμιν. ἅμα δὲ τούτοισ πραττομένοισ κατὰ μὲν τὴν Κύπρον Νικοκλῆσ ὁ εὐνοῦχοσ ἐδολοφόνησεν Εὐαγόραν τὸν βασιλέα καὶ τῆσ τῶν Σαλαμινίων βασιλείασ ἐκυρίευσε, κατὰ δὲ τὴν Ἰταλίαν Ῥωμαῖοι πρὸσ Πραινεστίνουσ παραταξάμενοι καὶ νικήσαντεσ τοὺσ πλείστουσ τῶν ἀντιταξαμένων κατέκοψαν.

ἐπ’ ἄρχοντοσ δ’ Ἀθήνησιν Ἀστείου Ῥωμαῖοι κατέστησαν ἀντὶ τῶν ὑπάτων χιλιάρχουσ ἕξ, Μάρκον Φούριον καὶ Λεύκιον Φούριον, ἔτι δὲ Αὖλον Ποστόμιον καὶ Λεύκιον Λοκρήτιον καὶ Μάρκον Φάβιον καὶ Λεύκιον Ποστόμιον.

ἐπὶ δὲ τούτων κατὰ τὴν Πελοπόννησον ἐγένοντο σεισμοὶ μεγάλοι καὶ κατακλυσμοὶ χώρασ καὶ πόλεων ἄπιστοι· οὐδέποτε γὰρ ἐν τοῖσ ἐπάνω χρόνοισ ἐγένοντο πάθη τοιαῦτα περὶ πόλεισ Ἑλληνίδασ, οὔτε τῶν πόλεων αὐτάνδρων ἀφανισμόσ, θείασ τινὸσ ἐνεργείασ τὴν ἀπώλειαν καὶ φθορὰν τῶν ἀνθρώπων μηχανησαμένησ. ἐπέτεινε δὲ τὸ μέγεθοσ τῆσ συμφορᾶσ ὁ καιρόσ·

οὐ γὰρ ἡμέρασ συνέβη γενέσθαι τὸν σεισμόν, ἐν ᾗ δυνατὸν ἦν τοὺσ κινδυνεύοντασ βοηθεῖν ἑαυτοῖσ, ἀλλὰ νυκτὸσ τοῦ πάθουσ συμβάντοσ αἱ μὲν οἰκίαι διὰ τὸ μέγεθοσ τοῦ σεισμοῦ καταρριπτούμεναι συνεχέοντο, οἱ δὲ ἄνθρωποι διά τε τὸ σκότοσ καὶ τὸ τῆσ περιστάσεωσ ἀπροσδόκητον καὶ παράδοξον ἀδυνάτωσ εἶχον ἀντιλαμβάνεσθαι τῆσ σωτηρίασ. οἱ μὲν οὖν πλείουσ ἐναποληφθέντεσ τοῖσ πτώμασι τῶν οἰκιῶν ἠφανίσθησαν·

ἐπιλαβούσησ δ’ ἡμέρασ τινὲσ ἐξεπήδων ἐκ τῶν οἰκιῶν, καὶ δόξαντεσ ἐκπεφευγέναι τὸν κίνδυνον μείζονι καὶ παραδοξοτέρᾳ συμφορᾷ περιέπεσον· τῆσ γὰρ θαλάσσησ μετεωρισθείσησ ἐπὶ πολὺ καὶ κύματοσ ὑψηλοῦ ἐξαιρομένου κατεκλύσθησαν ἅπαντεσ σὺν ταῖσ πατρίσιν ἀφανισθέντεσ. ἐγένετο δὲ τοῦτο τὸ πάθοσ τῆσ Ἀχαί̈ασ περὶ δύο πόλεισ, Ἑλίκην τε καὶ Βοῦραν, ὧν τὴν Ἑλίκην συνέβαινε μέγιστον τῶν κατὰ τὴν Ἀχαί̈αν πόλεων ἔχειν ἀξίωμα πρὸ τοῦ σεισμοῦ. περὶ δὲ τῶν συμπτωμάτων μεγάλησ οὔσησ ζητήσεωσ, οἱ μὲν φυσικοὶ πειρῶνται τὰσ αἰτίασ τῶν τοιούτων παθῶν οὐκ εἰσ τὸ θεῖον ἀναφέρειν, ἀλλ’ εἰσ φυσικάσ τινασ καὶ κατηναγκασμένασ περιστάσεισ, οἱ δ’ εὐσεβῶσ διακείμενοι πρὸσ τὸ θεῖον πιθανάσ τινασ αἰτίασ ἀποδιδοῦσι τοῦ συμβάντοσ, ὡσ διὰ θεῶν μῆνιν γεγενημένησ τῆσ συμφορᾶσ τοῖσ εἰσ τὸ θεῖον ἀσεβήσασι·

περὶ ὧν καὶ ἡμεῖσ ἀκριβῶσ ἀναγράψαι πειρασόμεθα τῇ κατὰ μέροσ ἱστορίᾳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 47

(디오도로스 시켈로스, Library, book xv, chapter 47)

상위

목록

SEARCH

MENU NAVIGATION