헬라어 문장 검색 - Διοδορ́Λιβραρψ́8́28́

(디오도로스 시켈로스, Library, book xv, chapter 44)

οὐκ ἀνοίκειον δ’ ἐστὶ τὰ περὶ τῆσ Ἰφικράτουσ ἀρετῆσ ἱστορούμενα παραθεῖναι. οὗτοσ γὰρ παραδέδοται στρατηγικήν τε ἀγχίνοιαν ἐσχηκέναι καὶ πρὸσ πᾶσαν ἐπίνοιαν ἀγαθὴν φύσει κεχρῆσθαι διαφόρῳ. προσλαβόμενον οὖν αὐτὸν τὴν ἐν τῷ Περσικῷ πολέμῳ πολυχρόνιον ἐμπειρίαν τῶν στρατιωτικῶν ἔργων, ἐπινοήσασθαι πολλὰ τῶν εἰσ τὸν πόλεμον χρησίμων, καὶ μάλιστα περὶ τὸν καθοπλισμὸν φιλοτιμηθῆναι. τῶν γὰρ Ἑλλήνων μεγάλαισ ἀσπίσι χρωμένων καὶ διὰ τοῦτο δυσκινήτων ὄντων, συνεῖλε τὰσ ἀσπίδασ καὶ κατεσκεύασε πέλτασ συμμέτρουσ, ἀμφοτέρων εὖ στοχασάμενοσ, τοῦ τε σκέπειν ἱκανῶσ τὰ σώματα καὶ τοῦ δύνασθαι τοὺσ χρωμένουσ ταῖσ πέλταισ διὰ τὴν κουφότητα παντελῶσ εὐκινήτουσ ὑπάρχειν.

διὰ δὲ τῆσ πείρασ τῆσ εὐχρηστίασ ἀποδοχῆσ τυγχανούσησ, οἱ πρότερον ἀπὸ τῶν ἀσπίδων ὁπλῖται καλούμενοι τότε ἀπὸ τῆσ πέλτησ πελτασταὶ μετωνομάσθησαν.

ἐπὶ δὲ τοῦ δόρατοσ καὶ τοῦ ξίφουσ εἰσ τοὐναντίον τὴν μετάθεσιν ἐποιήσατο· ηὔξησε γὰρ τὰ μὲν δόρατα ἡμιολίῳ μεγέθει, τὰ δὲ ξίφη σχεδὸν διπλάσια κατεσκεύασεν. τὴν δὲ δοκιμασίαν ἡ χρεία διαβεβαιοῦσα τὴν ἐπίνοιαν τοῦ στρατηγοῦ τῷ τῆσ πείρασ ἐπιτεύγματι δόξησ ἠξίωσεν. τάσ τε ὑποδέσεισ τοῖσ στρατιώταισ εὐλύτουσ καὶ κούφασ ἐποίησε, τὰσ μέχρι τοῦ νῦν ἰφικρατίδασ ἀπ’ ἐκείνου καλουμένασ.

πολλὰ δὲ καὶ ἄλλα τῶν χρησίμων εἰσ τὰσ στρατείασ κατέδειξε, περὶ ὧν μακρὸν ἂν εἰή γράφειν. ἡ μὲν οὖν ἐπ’ Αἴγυπτον στρατεία τῶν Περσῶν, μεγάλησ τυχοῦσα παρασκευῆσ, παρ’ ἐλπίδασ ἄπρακτον ἔσχε τὸ τέλοσ. κατὰ δὲ τὴν Ἑλλάδα ταραττομένων τῶν πόλεων διὰ τὴν ἀσυνήθη πολιτείαν, καὶ πολλῶν ἐπανισταμένων διὰ τὴν κοινὴν ἀναρχίαν, τοῖσ μὲν τὰσ ὀλιγαρχίασ κατασκευάζουσιν ἐβοήθουν οἱ Λακεδαιμόνιοι, τοῖσ δὲ τῆσ δημοκρατίασ ἀντεχομένοισ συνεμάχουν οἱ Ἀθηναῖοι.

ἀμφότεραι γὰρ αἱ πόλεισ αὗται χρόνον ὀλίγον διετήρησαν τὰσ σπονδάσ, μετὰ δὲ ταῦτα συμπράττουσαι ταῖσ οἰκείαισ πόλεσιν ἐπολέμουν, οὐδὲν ἔτι φροντίζοντεσ τῆσ κοινῆσ συντεθείσησ εἰρήνησ.

διόπερ ἐν Ζακύνθῳ τοῖσ ἐπὶ τῆσ Λακεδαιμονίων ἐπιστασίασ κυρίοισ γεγονόσι τοῦ πολιτεύματοσ ὁ δῆμοσ χαλεπῶσ ἔχων καὶ μνησικακῶν ἐφυγάδευσε πάντασ οὗτοι δὲ πρὸσ Τιμόθεον τὸν Ἀθηναίων ἡγούμενον τοῦ ναυτικοῦ καταφυγόντεσ συνέπλεον αὐτῷ καὶ συνεμάχουν. τοῦτον οὖν παραστησάμενοι συνεργόν, καὶ διαβιβασθέντεσ εἰσ τὴν νῆσον ὑπ’ αὐτοῦ, κατελάβοντο χωρίον ὀχυρὸν παρὰ θάλατταν, ὃ προσηγόρευον Ἀρκαδίαν.

ἐκ τούτου δ’ ὁρμώμενοι, καὶ βοηθὸν ἔχοντεσ τὸν Τιμόθεον, ἐκακοποίουν τοὺσ ἐν τῇ πόλει. τῶν δὲ Ζακυνθίων τοὺσ Λακεδαιμονίουσ ἀξιούντων βοηθῆσαι, τὸ μὲν πρῶτον εἰσ τὰσ Ἀθήνασ ἀποστείλαντεσ πρέσβεισ κατηγόρουν τοῦ Τιμοθέου·

ὡσ δ’ ἐθεώρουν τὸν δῆμον ἀποκλίνοντα πρὸσ τοὺσ φυγάδασ, συνεστήσαντο ναυτικόν, καὶ πληρώσαντεσ τριήρεισ εἴκοσι καὶ πέντε ἐξέπεμψαν τοῖσ Ζακυνθίοισ συμμαχίαν, δόντεσ τὴν ἡγεμονίαν Ἀριστοκράτει. ἅμα δὲ τούτοισ πραττομένοισ τῶν ἐκ Κορκύρασ τινὲσ φίλοι Λακεδαιμονίων ἐπαναστάντεσ τῷ δήμῳ, παρεκάλεσαν τοὺσ Σπαρτιάτασ ἀποστεῖλαι ναυτικὴν δύναμιν, ὑπισχνούμενοι παραδώσειν αὐτοῖσ τὴν Κόρκυραν.

οἱ δὲ Λακεδαιμόνιοι, τὴν Κόρκυραν εἰδότεσ μεγάλην ῥοπὴν ἔχουσαν τοῖσ ἀντεχομένοισ τῆσ θαλάττησ, ἔσπευσαν κύριοι γενέσθαι ταύτησ τῆσ πόλεωσ. εὐθὺσ οὖν ἔπεμψαν εἰσ τὴν Κόρκυραν τριήρεισ εἴκοσι καὶ δύο, τὴν ἡγεμονίαν Ἀλκίδᾳ παραδόντεσ.

τοῦτον δὲ τὸν στόλον προσεποιήθησαν εἰσ Σικελίαν ἀποστεῖλαι, ἵνα ὡσ φίλοι προσδεχθέντεσ ὑπὸ τῶν Κορκυραίων κατάσχωσι τὴν πόλιν μετὰ τῶν φυγάδων. οἱ δὲ Κορκυραῖοι γνόντεσ τῶν Σπαρτιατῶν τὴν ἐπίνοιαν, τὴν μὲν πόλιν ἐπιμελῶσ ἐφύλαττον, εἰσ δὲ τὰσ Ἀθήνασ πρέσβεισ ἐξέπεμψαν περὶ βοηθείασ.

οἱ δ’ Ἀθηναῖοι ψηφισάμενοι βοηθεῖν τοῖσ Κορκυραίοισ καὶ Ζακυνθίων τοῖσ φυγάσιν, εἰσ μὲν τὴν Ζάκυνθον ἐξέπεμψαν Κτησικλέα στρατηγόν, ἡγούμενον τῶν φυγάδων, εἰσ δὲ τὴν Κόρκυραν παρεσκευάζοντο ναυτικὴν δύναμιν ἐκπέμπειν. ἅμα δὲ τούτοισ πραττομένοισ κατὰ τὴν Βοιωτίαν Πλαταιεῖσ ἀντεχόμενοι τῆσ Ἀθηναίων συμμαχίασ μετεπέμποντο στρατιώτασ, κεκρικότεσ τοῖσ Ἀθηναίοισ παραδοῦναι τὴν πόλιν.

ἐπὶ δὲ τούτοισ οἱ βοιωτάρχαι χαλεπῶσ διατεθέντεσ πρὸσ τοὺσ Πλαταιεῖσ, καὶ σπεύδοντεσ φθάσαι τὴν παρὰ τῶν Ἀθηναίων συμμαχίαν, εὐθὺσ ἐπ’ αὐτοὺσ δύναμιν ἀξιόλογον ἦγον. παραγενόμενοι δὲ πλησίον τῆσ τῶν Πλαταιέων πόλεωσ, ἀπροσδοκήτου τῆσ ἐπιθέσεωσ γενομένησ, οἱ πλεῖστοι μὲν τῶν Πλαταιέων ἐπὶ τῆσ χώρασ καταληφθέντεσ ὑπὸ τῶν ἱππέων συνηρπάγησαν, οἱ δὲ λοιποὶ καταφυγόντεσ εἰσ τὴν πόλιν, καὶ συμμάχων ὄντεσ ἔρημοι, συνηναγκάσθησαν ὁμολογίασ συνθέσθαι τοῖσ πολεμίοισ εὐαρέστουσ·

ἔδει γὰρ αὐτοὺσ τὰ ἔπιπλα λαβόντασ ἀπελθεῖν ἐκ τῆσ πόλεωσ καὶ μηκέτι τῆσ Βοιωτίασ ἐπιβαίνειν. μετὰ δὲ ταῦτα οἱ μὲν Θηβαῖοι τὰσ Πλαταιὰσ κατασκάψαντεσ καὶ Θεσπιὰσ ἀλλοτρίωσ πρὸσ αὐτοὺσ διακειμένασ ἐξεπόρθησαν, οἱ δὲ Πλαταιεῖσ εἰσ Ἀθήνασ μετὰ τέκνων καὶ γυναικῶν φυγόντεσ τῆσ ἰσοπολιτείασ ἔτυχον διὰ τὴν χρηστότητα τοῦ δήμου.

καὶ τὰ μὲν κατὰ Βοιωτίαν ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 44

(디오도로스 시켈로스, Library, book xv, chapter 44)

상위

목록

SEARCH

MENU NAVIGATION