헬라어 문장 검색 - Διοδορ́Λιβραρψ́8́26́

(디오도로스 시켈로스, Library, book xv, chapter 41)

ἐπ’ ἄρχοντοσ δ’ Ἀθήνησι Σωκρατίδου Ῥωμαῖοι ἀντὶ τῶν ὑπάτων χιλιάρχουσ κατέστησαν τέτταρασ, Κόιντον Σερουίλιον, Σερούιον Κορνήλιον, ἔτι δὲ Σπόριον Παπίριον. ἐπὶ δὲ τούτων Ἀρταξέρξησ ὁ βασιλεὺσ ἐστράτευσεν ἐπ’ Αἰγυπτίουσ ἀφεστηκότασ ἀπὸ Περσῶν. ἡγοῦντο δὲ τῶν δυνάμεων Φαρνάβαζοσ μὲν τῶν βαρβαρικῶν, Ἰφικράτησ δ’ ὁ Ἀθηναῖοσ τῶν μισθοφόρων, ὄντων δισμυρίων. ὁ δ’ ἀνὴρ οὗτοσ μετάπεμπτοσ ἐπὶ τὴν στρατηγίαν ὑπὸ τοῦ βασιλέωσ ἐτάχθη διὰ τὴν ἐν τῷ στρατηγεῖν ἀρετήν. ἔτη δὲ πλείω τοῦ Φαρναβάζου κατανηλωκότοσ περὶ τὰσ παρασκευάσ, ὁ μὲν Ἰφικράτησ ὁρῶν αὐτὸν ἐν μὲν τῷ λέγειν ὄντα δεινόν, ἐν δὲ τοῖσ πραττομένοισ νωχελῆ, παρρησίᾳ πρὸσ αὐτὸν ἐχρήσατο, φήσασ θαυμάζειν πῶσ ἐν μὲν τοῖσ λόγοισ ἐστὶν ὀξύσ, ἐν δὲ τοῖσ ἔργοισ βραδύσ.

ὁ δὲ Φαρνάβαζοσ ἀπεκρίθη, διότι τῶν μὲν λόγων αὐτὸσ κύριόσ ἐστι, τῶν δ’ ἔργων ὁ βασιλεύσ. τῆσ δὲ τῶν Περσῶν δυνάμεωσ ἀθροισθείσησ εἰσ πόλιν Ἄκην, ἠριθμήθησαν τῶν μὲν βαρβάρων εἴκοσι μυριάδεσ, ὧν ἦρχε Φαρνάβαζοσ·

τῶν δὲ μισθοφόρων Ἑλλήνων Ἰφικράτησ ἡγεῖτο δισμυρίων. καὶ ναῦσ ἠριθμήθησαν τριήρεισ μὲν τριακόσιαι, τριακόντοροι δὲ διακόσιαι· τῶν δὲ τὴν ἀγορὰν καὶ τὴν ἄλλην παρασκευὴν κομιζουσῶν πολὺσ ἦν ἀριθμόσ. ἀρχομένου δὲ τοῦ θέρουσ ἀνέζευξαν οἱ τοῦ βασιλέωσ στρατηγοὶ μετὰ πάσησ τῆσ δυνάμεωσ, καὶ τοῦ στόλου συμπαραπλέοντοσ προῆγον ἐπὶ τὴν Αἴγυπτον.

ὡσ δ’ ἧκον πλησίον τοῦ Νείλου, κατέλαβον τοὺσ Αἰγυπτίουσφανερῶσ παρεσκευασμένουσ τὰ πρὸσ τὸν πόλεμον. ὁ γὰρ Φαρνάβαζοσ βραδεῖαν τὴν στρατείαν ἐποιεῖτο, καὶ πολὺν χρόνον ἐδεδώκει τοῖσ πολεμίοισ εἰσ τὴν παρασκευήν.

ὡσ ἐπίπαν γὰρ οἱ τῶν Περσῶν στρατηγοί, τῶν ὅλων οὐκ ὄντεσ αὐτοκράτορεσ, περὶ πάντων ἀναφέρουσι τῷ βασιλεῖ, καὶ προσαναμένουσι τὰσ περὶ ἑκάστων ἀποκρίσεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Library, book xv, chapter 41

(디오도로스 시켈로스, Library, book xv, chapter 41)

상위

목록

SEARCH

MENU NAVIGATION