헬라어 문장 검색 - Διοδορ́Λιβραρψ́8́25́

(디오도로스 시켈로스, Library, book xv, chapter 40)

μετὰ γὰρ τὴν συγχωρηθεῖσαν τοῖσ δήμοισ αὐτονομίαν αἱ πόλεισ ἐνέπιπτον εἰσ ταραχὰσ μεγάλασ καὶ στάσεισ, μάλιστα δὲ αἱ κατὰ τὴν Πελοπόννησον. ὀλιγαρχικοῖσ γὰρ πολιτεύμασι κεχρημέναι, καὶ ταῖσ τῆσ δημοκρατίασ ἐξουσίαισ ἀπειραγάθωσ χρώμεναι, πολλοὺσ τῶν ἀγαθῶν ἀνδρῶν ἐφυγάδευον καὶ κρίσεισ ἐπιβάλλουσαι συκοφαντώδεισ κατεδίκαζον. διόπερ εἰσ στάσεισ ἐμπίπτουσαι φυγὰσ καὶ δημεύσεισ οὐσιῶν ἐποιοῦντο, μάλιστα δὲ πρὸσ τοὺσ ἐπὶ τῆσ Λακεδαιμονίων ἡγεμονίασ προεστηκότασ τῶν πατρίδων. ἐν γὰρ τοῖσ τότε χρόνοισ ἐπιτακτικῶσ ἐκείνων τοῖσ πολίταισ προσενηνεγμένων, ὕστερον ὁ δημοτικὸσ ὄχλοσ ἀπολαβὼν τὴν ἐλευθερίαν ἐμνησικάκει.

πρῶτον δὲ τῶν Φιαλέων οἱ φυγάδεσ συστραφέντεσ κατελάβοντο τὴν καλουμένην Ἡραίαν, χωρίον ὀχυρόν. ἐκ ταύτησ δ’ ὁρμηθέντεσ παρεισέπεσον εἰσ τὴν Φιάλειαν, καὶ Διονυσίαν κατὰ τύχην ὄντων ἐπιπεσόντεσ ἀπροσδοκήτωσ τοῖσ ἐν τῷ θεάτρῳ καθημένοισ, καὶ πολλοὺσ ἀποσφάξαντεσ, οὐκ ὀλίγουσ δὲ καὶ συναπονοήσασθαι πείσαντεσ, ἀνεχώρησαν εἰσ τὴν Σπάρτην. οἱ δὲ τῆσ Κορίνθου φυγάδεσ, συχνοὶ διατρίβοντεσ παρὰ τοῖσ Ἀργείοισ, ἐπεχείρησαν κατιέναι·

παραδεχθέντεσ δ’ ἐπὶ τὴν πόλιν ὑπό τινων οἰκείων καὶ φίλων, διαβληθέντεσ ἐγένοντο περικατάληπτοι· μέλλοντεσ δὲ συναρπάζεσθαι, καὶ φοβούμενοι τὴν ἐκ τῆσ ἁλώσεωσ αἰκίαν, ἀλλήλουσ ἀπέκτειναν. οἱ δὲ Κορίνθιοι πολλοὺσ τῶν πολιτῶν αἰτιασάμενοι μετεσχηκέναι τοῖσ φυγάσι τῆσ ἐπιθέσεωσ, οὓσ μὲν ἀπέκτειναν, οὓσ δ’ ἐφυγάδευσαν. ἐν δὲ τῇ πόλει τῶν Μεγαρέων ἐπιχειρήσαντέσ τινεσ μεταστῆσαι τὴν πολιτείαν, καὶ κρατηθέντεσ ὑπὸ τοῦ δήμου, πολλοὶ μὲν ἀνῃρέθησαν, οὐκ ὀλίγοι δ’ ἐξέπεσον.

ὁμοίωσ δὲ καὶ παρὰ τοῖσ Σικυωνίοισ τινὲσ νεωτερίζειν ἐπιβαλόμενοι καὶ σφαλέντεσ ἀνῃρέθησαν. παρὰ δὲ τοῖσ Φλιασίοισ πολλῶν φυγαδευομένων, καὶ καταλαβομένων ἐπὶ τῆσ χώρασ φρούριον ὀχυρὸν καὶ πλῆθοσ μισθοφόρων ἀθροισάντων, ἐγένετο μάχη πρὸσ τοὺσ ἐκ τῆσ πόλεωσ, καὶ νικησάντων τῶν φυγάδων ἀνῃρέθησαν τῶν Φλιασίων ὑπὲρ τοὺσ τριακοσίουσ.

ὕστερον δὲ προδόντων τῶν φυλάκων τοὺσ φυγάδασ, κρατήσαντεσ οἱ Φλιάσιοι τῶν φυγάδων ἀνεῖλον πλείουσ τῶν ἑξακοσίων, τοὺσ δὲ λοιποὺσ ἐκβαλόντεσ ἐκ τῆσ χώρασ ἠνάγκασαν φυγεῖν εἰσ Ἄργοσ. αἱ μὲν οὖν κατὰ Πελοπόννησον πόλεισ ἐν τοιαύταισ συμφοραῖσ ἦσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 40

(디오도로스 시켈로스, Library, book xv, chapter 40)

상위

목록

SEARCH

MENU NAVIGATION