헬라어 문장 검색 - Διοδορ́Λιβραρψ́8́24́

(디오도로스 시켈로스, Library, book xv, chapter 39)

οἱ δὲ Θηβαῖοι, τῇ τε ῥώμῃ τῶν σωμάτων καὶ ταῖσ ἀλκαῖσ διαφέροντεσ καὶ πολλαῖσ μάχαισ προνενικηκότεσ τοὺσ Λακεδαιμονίουσ, μετέωροι τοῖσ φρονήμασιν ὑπῆρχον καὶ τῆσ κατὰ γῆν ἡγεμονίασ ἠμφισβήτουν. οὐ διεψεύσθησαν δὲ τῆσ ἐλπίδοσ διὰ τὰσ εἰρημένασ αἰτίασ καὶ διὰ τὸ πλείονασ ἔχειν ἀγαθοὺσ ἡγεμόνασ καὶ στρατηγοὺσ κατὰ τοὺσ ὑποκειμένουσ χρόνουσ. ἐπιφανέστατοι δ’ ἦσαν Πελοπίδασ καὶ Γοργίδασ καὶ Ἐπαμεινώνδασ·

οὗτοσ γὰρ οὐ μόνον τῶν ὁμοεθνούντων, ἀλλὰ καὶ πάντων Ἑλλήνων πολὺ προέσχεν ἀνδρείᾳ τε καὶ στρατηγικῇ συνέσει. μετέσχε γὰρ ἐπὶ πολὺ πάσησ παιδείασ, καὶ μάλιστα τῆσ Πυθαγορικῆσ φιλοσοφίασ· πρὸσ δὲ τούτοισ φυσικοῖσ προτερήμασι κεχορηγημένοσ, εἰκότωσ καὶ πράξεισ ἐπιφανεστάτασ συνετέλεσεν. διὸ καὶ συναναγκασθεὶσ ὀλίγοισ πολιτικοῖσ στρατιώταισ πρὸσ πάσασ τὰσ τῶν Λακεδαιμονίων καὶ τῶν συμμάχων δυνάμεισ ἀγωνίσασθαι, τοσοῦτον ὑπερέσχε τῶν ἀνικήτων στρατιωτῶν, ὥστε τὸν βασιλέα τῶν Σπαρτιατῶν Κλεόμβροτον ἀνελεῖν, τὸ δὲ πλῆθοσ τῶν ἀντιταχθέντων ἄρδην σχεδὸν κατακόψαι. καὶ τὰ τηλικαῦτα παραδόξωσ διεπράξατο διὰ τὴν ἀγχίνοιαν καὶ τὴν ἐκ παιδείασ αὐτῷ περιγεγενημένην ἀρετήν.

ἀλλὰ περὶ μὲν τούτων μικρὸν ὕστερον ἐν τοῖσ κατὰ μέροσ ἐκτεθεῖσι σαφέστερον δηλώσομεν, νῦν δ’ ἐπὶ τὸ συνεχὲσ τῆσ ἱστορίασ τρεψόμεθα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 39

(디오도로스 시켈로스, Library, book xv, chapter 39)

상위

목록

SEARCH

MENU NAVIGATION