헬라어 문장 검색 - Διοδορ́Λιβραρψ́8́22́

(디오도로스 시켈로스, Library, book xv, chapter 35)

γενόμενοσ δ’ ἐπὶ τοῦ προτερήματοσ, καὶ πάσασ τὰσ τῶν πολεμίων ναῦσ φυγεῖν ἀναγκάσασ, ἀπέσχετο παντελῶσ τοῦ διωγμοῦ· ἀναμνησθεὶσ γὰρ τῆσ ἐν Ἀργινούσαισ ναυμαχίασ, ἐν ᾗ τοὺσ νικήσαντασ στρατηγοὺσ ὁ δῆμοσ ἀντὶ μεγάλησ εὐεργεσίασ θανάτῳ περιέβαλεν, αἰτιασάμενοσ ὅτι τοὺσ τετελευτηκότασ κατὰ τὴν ναυμαχίαν οὐκ ἔθαψαν, εὐλαβήθη μήποτε τῆσ περιστάσεωσ ὁμοίασ γενομένησ κινδυνεύσῃ παθεῖν παραπλήσια. διόπερ ἀποστὰσ τοῦ διώκειν ἀνελέγετο τῶν πολιτῶν τοὺσ διανηχομένουσ, καὶ τοὺσ μὲν ἔτι ζῶντασ διέσωσε, τοὺσ δὲ τετελευτηκότασ ἔθαψεν. εἰ δὲ μὴ περὶ ταύτην ἐγένετο τὴν ἐπιμέλειαν, ῥᾳδίωσ ἂν ἅπαντα τὸν τῶν πολεμίων στόλον διέφθειρε. κατὰ δὲ τὴν ναυμαχίαν τῶν μὲν Ἀθηναίων διεφθάρησαν τριήρεισ ὀκτωκαίδεκα, τῶν δὲ Λακεδαιμονίων διεφθάρησαν μὲν εἴκοσι καὶ τέτταρεσ, αὔτανδροι δ’ ἐλήφθησαν ὀκτώ.

Χαβρίασ μὲν οὖν ἐπιφανῆ ναυμαχίαν νικήσασ κατέπλευσε μετὰ πολλῶν λαφύρων εἰσ τὸν Πειραιέα, καὶ μεγάλησ ἀποδοχῆσ ἔτυχε παρὰ τοῖσ πολίταισ. μετὰ γὰρ τὸν Πελοποννησιακὸν πόλεμον Ἀθηναῖοι ταύτην πρώτην ναυμαχίαν ἐνίκησαν· τὴν γὰρ περὶ Κνίδον οὐκ ἰδίᾳ διηγωνίσαντο, τῷ δὲ βασιλικῷ στόλῳ χρησάμενοι προετέρησαν. ἅμα δὲ τούτοισ πραττομένοισ κατὰ τὴν Ἰταλίαν ἐν τῇ Ῥώμῃ Μάρκοσ Μάνλιοσ ἐπιβαλόμενοσ τυραννίδι καὶ κρατηθεὶσ ἀνῃρέθη.

ἐπ’ ἄρχοντοσ δ’ Ἀθήνησι Χαρισάνδρου Ῥωμαῖοι μὲν ἀντὶ τῶν ὑπάτων χιλιάρχουσ κατέστησαν τέτταρασ, Σερούιον Σουλπίκιον, Λεύκιον Παπίριον, Τίτον Κοί̈νκτιον, Ἠλεῖοι δ’ ἤγαγον Ὀλυμπιάδα πρώτην πρὸσ ταῖσ ἑκατόν, καθ’ ἣν ἐνίκα στάδιον Δάμων Θούριοσ.

ἐπὶ δὲ τούτων ἐν τῇ Θρᾴκῃ Τριβαλλοὶ σιτοδείᾳ πιεζόμενοι πανδημεὶ στρατείαν ἐποιήσαντο πρὸσ τὴν ὑπερόριον χώραν, καὶ τὰσ τροφὰσ ἐκ τῆσ ἀλλοτρίασ γῆσ ἐπορίζοντο. ὄντεσ δὲ πλείουσ τῶν τρισμυρίων ἐπῆλθον τήν τε ὅμορον Θρᾴκην καὶ τὴν τῶν Ἀβδηριτῶν χώραν ἐπόρθησαν ἀδεῶσ·

πολλῆσ δὲ ὠφελείασ κυριεύσαντεσ καταπεφρονηκότωσ καὶ ἀτάκτωσ τὴν ἐπάνοδον ἐποιοῦντο. οἱ δ’ Ἀβδηρῖται πανδημεὶ στρατεύσαντεσ ἐπ’ αὐτοὺσ σποράδην καὶ ἀτάκτωσ τὴν ἐπάνοδον ποιουμένουσ πλείουσ τῶν δισχιλίων ἀνεῖλον. οἱ δὲ βάρβαροι παροξυνθέντεσ ἐπὶ τοῖσ συμβεβηκόσι,καὶ βουλόμενοι τοὺσ Ἀβδηρίτασ τιμωρήσασθαι, πάλιν ἐνέβαλον αὐτῶν εἰσ τὴν χώραν.

οἱ δὲ προνενικηκότεσ ἐπαρθέντεσ τῷ προτερήματι, καὶ τῶν πλησιοχώρων Θρᾳκῶν συμμαχίαν ἀποστειλάντων αὐτοῖσ, παρετάξαντο τοῖσ βαρβάροισ. γενομένησ δὲ μάχησ ἰσχυρᾶσ, καὶ τῶν Θρᾳκῶν μεταβαλομένων ἄφνω, μονωθέντεσ οἱ Ἀβδηρῖται καὶ κυκλωθέντεσ ὑπὸ τοῦ πλήθουσ τῶν βαρβάρων, σχεδὸν ἅπαντεσ οἱ τῆσ μάχησ μετεσχηκότεσ κατεκόπησαν.

τηλικαύτῃ δὲ συμφορᾷ τῶν Ἀβδηριτῶν περιπεπτωκότων καὶ μελλόντων πολιορκεῖσθαι, Χαβρίασ ὁ Ἀθηναῖοσ ἐπιφανεὶσ μετὰ δυνάμεωσ ἐξείλατο τῶν κινδύνων τοὺσ Ἀβδηρίτασ, καὶ τοὺσ μὲν βαρβάρουσ ἐξήλασεν ἐκ τῆσ χώρασ, ἐν δὲ τῇ πόλει φρουρὰν ἀξιόλογον καταλιπὼν αὐτὸσ ὑπό τινων ἐδολοφονήθη. Τιμόθεοσ δὲ παραλαβὼν τὴν ναυαρχίαν καὶ πλεύσασ εἰσ τὴν Κεφαληνίαν, τάσ τ’ ἐν αὐτῇ πόλεισ προσηγάγετο καὶ τὰσ κατὰ τὴν Ἀκαρνανίαν ὁμοίωσ ἔπεισεν ἀποκλῖναι πρὸσ Ἀθηναίουσ.

Ἀλκέταν τε τὸν Μολοττῶν βασιλέα φίλον κατασκευάσασ, καὶ καθόλου τὰσ χώρασ τὰσ τῶν περὶ τοὺσ τόπουσ ἐκείνουσ πόλεων ἐξιδιοποιησάμενοσ, ἐνίκησε ναυμαχίᾳ τοὺσ Λακεδαιμονίουσ περὶ Λευκάδα. ταῦτα δὲ πάντα ταχέωσ καὶ ῥᾳδίωσ ἐπετέλεσε, πείθων μὲν διὰ τῆσ τοῦ λόγου δυνάμεωσ, νικῶν δὲ δι’ ἀνδρείαν καὶ στρατηγίαν.

διόπερ οὐ μόνον παρὰ τοῖσ πολίταισ, ἀλλὰ καὶ παρὰ τοῖσ ἄλλοισ Ἕλλησι μεγάλησ ἐτύγχανεν ἀποδοχῆσ. καὶ τὰ μὲν περὶ Τιμόθεον ἐν τούτοισ ἦν. ἅμα δὲ τούτοισ πραττομένοισ Θηβαῖοι μὲν ἐστράτευσαν ἐπ’ Ὀρχομενὸν ἐπιλέκτοισ ἀνδράσι πεντακοσίοισ, καὶ συνετέλεσαν πρᾶξιν ἀξίαν μνήμησ·

φρουρούντων γὰρ τὸν Ὀρχομενὸν Λακεδαιμονίων πολλοῖσ στρατιώταισ, καὶ τοῖσ Θηβαίοισ ἀντιταξαμένων, ἐγενήθη μάχη καρτερά, καθ’ ἣν οἱ Θηβαῖοι πρὸσ διπλασίουσ συμβαλόντεσ ἐνίκησαν τοὺσ Λακεδαιμονίουσ. οὐδέποτε γὰρ τοῦτο συνέβη γενέσθαι κατὰ τοὺσ ἐπάνω χρόνουσ, ἀλλ’ ἀγαπητὸν ὑπάρχειν ἐδόκει τὸ πολλοὺσ ὀλίγουσ νικῆσαι. διὸ καὶ φρονήματοσ ἐπίμπλαντο Θηβαῖοι, καὶ τὴν ἀνδρείαν εἶχον μᾶλλον περιβόητον, καὶ φανεροὶ καθειστήκεισαν ἀμφισβητήσοντεσ τῆσ τῶν Ἑλλήνων ἡγεμονίασ.

τῶν δὲ συγγραφέων Ἑρμείασ ὁ Μεθυμναῖοσ τὴν τῶν Σικελικῶν σύνταξιν εἰσ τοῦτον τὸν ἐνιαυτὸν κατέστροφε, γράψασ βύβλουσ δέκα, ὡσ δέ τινεσ διαιροῦσι, δώδεκα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 35

(디오도로스 시켈로스, Library, book xv, chapter 35)

상위

목록

SEARCH

MENU NAVIGATION