헬라어 문장 검색 - Διοδορ́Λιβραρψ́8́21́

(디오도로스 시켈로스, Library, book xv, chapter 34)

οὐ πολλῷ δ’ ὕστερον χρόνῳ πάλιν τῶν Λακεδαιμονίων τῇ αὐτῇ δυνάμει στρατευσάντων ἐπὶ τὰσ Θήβασ, οἱ μὲν Θηβαῖοι δυσχωρίασ τινὰσ ἑτέρασ καταλαμβανόμενοι διεκώλυον μὲν τοὺσ πολεμίουσ λεηλατεῖν τὴν χώραν, κατὰ στόμα δὲ πρὸσ ἅπασαν τὴν δύναμιν ἐν τοῖσ πεδίοισ οὐκ ἐτόλμων παρατάξασθαι. τοῦ δ’ Ἀγησιλάου προσμαχομένου συγκατέβησαν ἐκ τοῦ κατ’ ὀλίγον πρὸσ τὸν ἀγῶνα.

γενομένησ δὲ μάχησ ἐπὶ πολὺν χρόνον ἰσχυρᾶσ, τὸ μὲν πρῶτον οἱ περὶ τὸν Ἀγησίλαον προετέρουν, μετὰ δὲ ταῦτα τῶν ἐκ τῆσ πόλεωσ Θηβαίων ἐκχυθέντων πανδημεί, θεωρῶν τὸ πλῆθοσ τῶν ἐπιρρεόντων ὁ Ἀγησίλαοσ ἀνεκαλέσατο τῇ σάλπιγγι τοὺσ στρατιώτασ ἀπὸ τῆσ μάχησ. οἱ δὲ Θηβαῖοι, δόξαντεσ τότε πρώτωσ μὴ καταδεεστέρουσ ἑαυτοὺσ εἶναι Λακεδαιμονίων, τρόπαιόν τε ἔστησαν καὶ τὸ λοιπὸν κατεθάρρησαν τῆσ τῶν Σπαρτιατῶν δυνάμεωσ. τὰ μὲν οὖν περὶ τὰσ πεζὰσ δυνάμεισ τοιοῦτον ἔσχε τὸ τέλοσ·

τῶν δὲ ναυτικῶν κατὰ τοὺσ αὐτοὺσ καιροὺσ ἐγένετο μεγάλη ναυμαχία μεταξὺ Νάξου καὶ Πάρου διὰ τοιαύτασ αἰτίασ. Πόλλισ ὁ τῶν Λακεδαιμονίων ναύαρχοσ, πυθόμενοσ σίτου πλῆθοσ ἐν ὁλκάσι παρακομίζεσθαι τοῖσ Ἀθηναίοισ, ἐφήδρευε καὶ παρετήρει τὸν κατάπλουν τῆσ κομιζομένησ ἀγορᾶσ, διανοούμενοσ ἐπιθέσθαι ταῖσ ὁλκάσιν. ἃ δὴ πυθόμενοσ ὁ δῆμοσ τῶν Ἀθηναίων ἐξέπεμψε στόλον παραφυλάξοντα τὴν σιτοπομπίαν, ὃσ καὶ διέπεμψεν εἰσ τὸν Πειραιέα τὴν κομιζομένην ἀγοράν. μετὰ δὲ ταῦτα Χαβρίασ μὲν ὁ τῶν Ἀθηναίων ναύαρχοσ μετὰ τοῦ στόλου παντὸσ πλεύσασ ἐπὶ τὴν Νάξον συνεστήσατο πολιορκίαν.

προσαγαγὼν δὲ τοῖσ τείχεσι μηχανάσ, καὶ διὰ τούτων σαλεύσασ τὰ τείχη, σπουδὴν εἰσεφέρετο βίᾳ κρατῆσαι τῆσ πόλεωσ. ἅμα δὲ τούτοισ πραττομένοισ Πόλλισ ὁ τῶν Λακεδαιμονίων ναύαρχοσ κατέπλευσε βοηθήσων τοῖσ Ναξίοισ. γενομένησ δὲ φιλοτιμίασ ἀμφότεροι συγκατέβησαν εἰσ ναυμαχίαν, καὶ τὰσ ναῦσ διατάξαντεσ ἐπέπλεον ἀλλήλοισ. εἶχε δὲ τριήρεισ ὁ μὲν Πόλλισ ἑξήκοντα καὶ πέντε, ὁ δὲ Χαβρίασ ὀγδοήκοντα καὶ τρεῖσ.

ἐπιπλεουσῶν δὲ τῶν νεῶν ἀλλήλαισ, Πόλλισ μὲν ἡγούμενοσ τοῦ δεξιοῦ κέρωσ πρῶτοσ ἐνέβαλε ταῖσ ἀντιτεταγμέναισ τριήρεσιν ἐπὶ τοῦ λαιοῦ κέρατοσ, ὧν ἡγεῖτο Κήδων ὁ Ἀθηναῖοσ· ἀγωνισάμενοσ δὲ λαμπρῶσ αὐτόν τε τὸν Κήδωνα διέφθειρε καὶ τὴν ναῦν κατεβύθισεν· ὁμοίωσ δὲ καὶ ταῖσ ἄλλαισ συμβαλὼν καὶ τοῖσ ἐμβόλοισ ἀναρρήττων, ἃσ μὲν διέφθειρεν, ἃσ δὲ φυγεῖν ἠνάγκασεν. ἃ δὴ κατιδὼν ὁ Χαβρίασ, καὶ μέροσ τῶν περὶ αὐτὸν νεῶν ἐκπέμψασ, ἐβοήθησε τοῖσ πιεζομένοισ καὶ τὴν ἧτταν τῶν ἰδίων διωρθώσατο, αὐτὸσ δ’ ἔχων τὸ κράτιστον τοῦ στόλου καὶ γενναίωσ ἀγωνισάμενοσ πολλὰσ μὲν τριήρεισ διέφθειρεν, οὐκ ὀλίγασ δ’ αἰχμαλώτουσ ἔλαβεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 34

(디오도로스 시켈로스, Library, book xv, chapter 34)

상위

목록

SEARCH

MENU NAVIGATION