헬라어 문장 검색 - Διοδορ́Λιβραρψ́8́19́

(디오도로스 시켈로스, Library, book xv, chapter 32)

ὁ δ’ Ἀγησίλαοσ προαγαγὼν τὴν δύναμιν, ἧκεν εἰσ τὴν Βοιωτίαν, ἔχων τοὺσ σύμπαντασ στρατιώτασ πλείουσ τῶν μυρίων ὀκτακισχιλίων, ὧν ἦσαν αἱ Λακεδαιμονίων πέντε μόραι· τὴν δὲ μόραν ἀναπληροῦσιν ἄνδρεσ πεντακόσιοι. ὁ δὲ Σκιρίτησ καλούμενοσ λόχοσ παρὰ τοῖσ Σπαρτιάταισ οὐ συντάττεται μετὰ τῶν ἄλλων, ἀλλ’ ἰδίαν ἔχων σύστασιν μετὰ τοῦ βασιλέωσ ἵσταται, καὶ παραβοηθεῖ τοῖσ αἰεὶ θλιβομένοισ μέρεσι· συνεστὼσ δ’ ἐξ ἐπιλέκτων ἀνθρώπων μεγάλασ ποιεῖται ῥοπὰσ ἐν ταῖσ παρατάξεσι καὶ κατὰ τὸ πλεῖστον αἴτιοσ γίνεται τῆσ νίκησ. ἱππεῖσ δ’ εἶχεν ὁ Ἀγησίλαοσ χιλίουσ καὶ πεντακοσίουσ. οὗτοσ μὲν οὖν παραγενόμενοσ εἰσ πόλιν Θεσπιάσ, φρουρουμένην ὑπὸ Λακεδαιμονίων, πλησίον ταύτησ κατεστρατοπέδευσε, καὶ τοὺσ στρατιώτασ ἐφ’ ἡμέρασ τινὰσ ἀνελάμβανεν ἐκ τῆσ κακοπαθείασ.

Ἀθηναῖοι δὲ πυθόμενοι τὴν τῶν Λακεδαιμονίων παρουσίαν εἰσ τὴν Βοιωτίαν, εὐθὺσ ἐβοήθουν εἰσ τὰσ Θήβασ, ἔχοντεσ πεζοὺσ μὲν πεντακισχιλίουσ, ἱππεῖσ δὲ διακοσίουσ. τούτων δὲ τῶν δυνάμεων ἀθροισθεισῶν εἰσ ἕνα τόπον, οἱ μὲν Θηβαῖοι λόφον τινὰ κατελάβοντο παραμήκη, σταδίουσ ἀπέχοντα τῆσ πόλεωσ εἴκοσι, καὶ πρόβλημα ποιησάμενοι τὰσ δυσχωρίασ ἀνέμενον τὴν τῶν πολεμίων ἔφοδον·

τὴν γὰρ Ἀγησιλάου δόξαν καταπεπληγμένοι, τὸν ἐν τοῖσ πεδίοισ ἐξ ἴσου κίνδυνον ὑπομένειν εὐλαβοῦντο. ὁ δ’ Ἀγησίλαοσ συντεταγμένῃ τῇ δυνάμει προάγων ἐπὶ τοὺσ Βοιωτούσ, ὡσ ἤγγισε τοῖσ πολεμίοισ, τὸ μὲν πρῶτον τοὺσ ψιλοὺσ ἐπαφῆκε τοῖσ ἐναντίοισ, πειρώμενοσ πῶσ ἔχουσι πρὸσ τὴν μάχην.

ἀποκρουσαμένων δὲ αὐτοὺσ τῶν Θηβαίων ῥᾳδίωσ ἐκ τόπων ὑπερδεξίων, ἐπήγαγε πᾶσαν ἐπ’ αὐτοὺσ τὴν δύναμιν συντεταγμένην καταπληκτικῶσ. Χαβρίασ δ’ ὁ Ἀθηναῖοσ τῶν μισθοφόρων ἀφηγούμενοσ παρήγγειλε τοῖσ στρατιώταισ δέχεσθαι τοὺσ πολεμίουσ καταπεφρονηκότωσ ἅμα καὶ τεταγμένωσ, καὶ τὰσ ἀσπίδασ πρὸσ τὸ γόνυ κλίναντασ ὀρθῷ τῷ δόρατι μένειν.

ὧν ποιησάντων τὸ προσταχθὲν ὥσπερ ἀφ’ ἑνὸσ παρακελεύσματοσ, ὁ Ἀγησίλαοσ θαυμάσασ τήν τε εὐταξίαν τῶν πολεμίων καὶ τὴν καταφρόνησιν, τὸ μὲν βιάζεσθαι πρὸσ ὑπερδεξίουσ τόπουσ καὶ συναναγκάζειν τοὺσ ἐναντίουσ ἄνδρασ ἀγαθοὺσ γίνεσθαι πρὸσ τὸν ἐκ χειρὸσ κίνδυνον οὐκ ἔκρινε, πεῖραν δὲ λαβὼν ὅτι τολμήσουσιν ἀναγκαζόμενοι διαγωνίσασθαι περὶ τῆσ νίκησ, ἐν τῷ πεδίῳ προεκαλεῖτο.

οὐ συγκαταβαινόντων δὲ τῶν Θηβαίων, τὴν μὲν φάλαγγα τῶν πεζῶν ἀπήγαγε, τοὺσ δ’ ἱππεῖσ καὶ τὰ ψιλικὰ τῶν ταγμάτων ἐξαποστείλασ ἐπόρθησε τὴν χώραν ἀδεῶσ καὶ πολλῶν λαφύρων ἐγκρατὴσ ἐγένετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 32

(디오도로스 시켈로스, Library, book xv, chapter 32)

상위

목록

SEARCH

MENU NAVIGATION