헬라어 문장 검색 - Διοδορ́Λιβραρψ́8́18́

(디오도로스 시켈로스, Library, book xv, chapter 31)

οἱ δὲ ὁρῶντεσ τὴν τῶν συμμάχων ὁρμὴν πρὸσ τὴν ἀπόστασιν ἀκατάσχετον οὖσαν, ἐπαύσαντο τῆσ προϋπαρχούσησ βαρύτητοσ καὶ ταῖσ πόλεσι φιλανθρώπωσ προσεφέροντο. τοιαύταισ δ’ ὁμιλίαισ καὶ εὐεργεσίαισ χρησάμενοι εὐνουστέρουσ ἅπαντασ τοὺσ συμμάχουσ κατεσκεύασαν. ὁρῶντεσ δὲ τὸν πόλεμον αὐξόμενον καὶ πολλῆσ ἐπιμελείασ ἐπιδεόμενον, τάσ τε ἄλλασ παρασκευὰσ ἐποιοῦντο φιλοτίμωσ καὶ τὴν διάταξιν καὶ τὴν διαίρεσιν τῶν στρατιωτῶν καὶ λειτουργιῶν περιττότερον ἐξειργάσαντο. τάσ τε γὰρ πόλεισ καὶ τοὺσ καταλεγομένουσ στρατιώτασ εἰσ τὸν πόλεμον διεῖλαν εἰσ δέκα μέρη·

τούτων δὲ πρώτην ἐπεῖχον μερίδα Λακεδαιμόνιοι, δευτέραν δὲ καὶ τρίτην Ἀρκάδεσ, τετάρτην δ’ Ἠλεῖοι, πέμπτην δ’ Ἀχαιοί· καὶ τὴν μὲν ἕκτην ἐπλήρουν Κορίνθιοι καὶ Μεγαρεῖσ, τὴν δ’ ἑβδόμην Σικυώνιοι καὶ Φλιάσιοι καὶ οἱ τὴν Ἀκτὴν καλουμένην οἰκοῦντεσ, τὴν δ’ ὀγδόην Ἀκαρνᾶνεσ, ἐνάτην δὲ Φωκεῖσ καὶ Λοκροί, τὴν δ’ ἐπὶ πᾶσιν Ὀλύνθιοι καὶ οἱ ἐπὶ Θρᾴκησ κατοικοῦντεσ σύμμαχοι. ἦν δ’ αὐτοῖσ ὁ μὲν ὁπλίτησ πρὸσ δύο ψιλοὺσ τεταγμένοσ, ὁ δ’ ἱππεὺσ πρὸσ τέτταρασ ὁπλίτασ ἰσαζόμενοσ. τοιαύτησ δὲ τῆσ συντάξεωσ οὔσησ, ἡγεῖτο τῆσ στρατιᾶσ Ἀγησίλαοσ ὁ βασιλεύσ·

περιβόητοσ δ’ ἦν ἐπ’ ἀνδρείᾳ καὶ στρατηγικῇ συνέσει καὶ σχεδὸν ἀνίκητοσ γεγονὼσ ἐν τοῖσ ἐπάνω χρόνοισ. ἔν τε γὰρ τοῖσ λοιποῖσ πολέμοισ ἐθαυμάσθη, καὶ καθ’ ὃν καιρὸν Λακεδαιμόνιοι ἐπολέμουν τοῖσ Πέρσαισ, παραταξάμενοσ καὶ πολλαπλασίονα δύναμιν νικήσασ, πολλὴν τῆσ Ἀσίασ ἐπῆλθε κρατῶν τῶν ὑπαίθρων, καὶ πέρασ, εἰ μὴ μετεπέμψαντο αὐτὸν οἱ Σπαρτιᾶται διά τινασ πολιτικὰσ χρείασ, σχεδὸν ἂν καὶ τὴν ὅλην τῶν Περσῶν βασιλείαν εἰσ τοὺσ ἐσχάτουσ κινδύνουσ κατέστησεν. ἦν γὰρ ὁ ἀνὴρ οὗτοσ δραστικὸσ καὶ μετὰ συνέσεωσ πολλῆσ θρασὺσ καὶ παραβόλοισ πράξεσι χρώμενοσ.

διὸ καὶ τότε θεωροῦντεσ οἱ Σπαρτιᾶται τὸ μέγεθοσ τοῦ πολέμου προσδεόμενον ἡγεμόνοσ ἀξιολόγου, τοῦτον τοῦ πολέμου παντὸσ ἡγεμόνα κατέστησαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 31

(디오도로스 시켈로스, Library, book xv, chapter 31)

상위

목록

SEARCH

MENU NAVIGATION