헬라어 문장 검색 - Διοδορ́Λιβραρψ́8́17́

(디오도로스 시켈로스, Library, book xv, chapter 29)

ἅμα δὲ τούτοισ πραττομένοισ Ἄκορισ ὁ τῶν Αἰγυπτίων βασιλεύσ, ἀλλοτρίωσ διακείμενοσ πρὸσ τὸν Περσῶν βασιλέα, δυνάμεισ ξενικὰσ ἀξιολόγουσ ἤθροισε· μεγάλουσ γὰρ μισθοὺσ τοῖσ ὑπακούουσι προτιθείσ, συχνοὺσ δ’ εὐεργετῶν, ταχὺ πολλοὺσ ἔσχε τῶν Ἑλλήνων ὑπακούοντασ πρὸσ τὴν στρατείαν. οὐκ ἔχων δὲ στρατηγὸν ἀξιόχρεων, μετεπέμψατο Χαβρίαν τὸν Ἀθηναῖον, ἄνδρα καὶ φρονήσει καὶ συνέσει στρατηγικῇ διάφορον καὶ δόξαν ἐπ’ ἀρετῇ μεγάλην περιπεποιημένον.

οὗτοσ μὲν οὖν ἄνευ τῆσ τοῦ δήμου γνώμησ προσδεξάμενοσ τὴν στρατηγίαν ἀφηγεῖτο τῶν κατ’ Αἴγυπτον δυνάμεων, καὶ μετὰ πολλῆσ σπουδῆσ παρεσκευάζετο πολεμεῖν πρὸσ τοὺσ Πέρσασ. Φαρνάβαζοσ δ’ ὑπὸ τοῦ βασιλέωσ ἀναδεδειγμένοσ στρατηγὸσ ἐπὶ τῆσ Περσικῆσ δυνάμεωσ παρασκευὰσ μεγάλασ ἐποιήσατο τῶν πρὸσ τὸν πόλεμον χρησίμων·

ἐξέπεμψε δὲ καὶ πρὸσ Ἀθηναίουσ πρέσβεισ, κατηγορῶν μὲν Χαβρίου, ὅτι τῶν Αἰγυπτίων ἡγούμενοσ ἀπαλλοτριοῖ τὴν τοῦ βασιλέωσ εὔνοιαν ἀπὸ τοῦ δήμου, παρακαλῶν δὲ στρατηγὸν Ἰφικράτην αὑτῷ δοῦναι. οἱ δ’ Ἀθηναῖοι, σπεύδοντεσ τὸν βασιλέα τῶν Περσῶν εἰσ εὔνοιαν προσαγαγέσθαι καὶ τὸν Φαρνάβαζον ἰδιοποιήσασθαι, ταχέωσ τόν τε Χαβρίαν ἐξ Αἰγύπτου μετεπέμψαντο καὶ τὸν Ἰφικράτην στρατηγὸν ἐξαπέστειλαν συμμαχήσοντα τοῖσ Πέρσαισ.

τοῖσ δὲ Λακεδαιμονίοισ καὶ τοῖσ Ἀθηναίοισ σπονδὰσ πεποιημένοισ ἐν τοῖσ ἐπάνω χρόνοισ συνέβαινε μένειν τὴν εἰρήνην μέχρι τῶνδε τῶν καιρῶν.

μετὰ δὲ ταῦτα Σφοδριάδου τοῦ Σπαρτιάτου τεταγμένου μὲν ἐφ’ ἡγεμονίασ, φύσει δ’ ὄντοσ μετεώρου καὶ προπετοῦσ, ἔπεισεν αὐτὸν Κλεόμβροτοσ ὁ βασιλεὺσ τῶν Λακεδαιμονίων ἄνευ τῆσ γνώμησ τῶν ἐφόρων καταλαβέσθαι τὸν Πειραιᾶ. ὁ δὲ Σφοδριάδησ ἔχων στρατιώτασ πλείουσ τῶν μυρίων ἐπεβάλετο μὲν τῆσ νυκτὸσ καταλαβέσθαι τὸν Πειραιᾶ·

καταφανὴσ δὲ γενόμενοσ Ἀθηναίοισ καὶ διαμαρτὼν τῆσ ἐπιβολῆσ ἄπρακτοσ ἐπανῆλθεν. κατηγορηθεὶσ δ’ ἐν τῷ συνεδρίῳ τῶν Σπαρτιατῶν, καὶ συναγωνιστὰσ ἔχων τοὺσ βασιλεῖσ, ἀδίκωσ ἀπελύθη. διόπερ οἱ Ἀθηναῖοι χαλεπῶσ φέροντεσ ἐπὶ τοῖσ γεγονόσιν, ἐψηφίσαντο λελύσθαι τὰσ σπονδὰσ ὑπὸ Λακεδαιμονίων.

κρίναντεσ δὲ πολεμεῖν αὐτοῖσ, στρατηγοὺσ τρεῖσ εἵλαντο τοὺσ ἐπιφανεστάτουσ τῶν πολιτῶν, Τιμόθεον καὶ Χαβρίανκαὶ Καλλίστρατον. ἐψηφίσαντο δὲ στρατιώτασ μὲν ὁπλίτασ καταλέξαι δισμυρίουσ, ἱππεῖσ δὲ πεντακοσίουσ, ναῦσ δὲ πληρῶσαι διακοσίασ. προσελάβοντο δὲ καὶ τοὺσ Θηβαίουσ ἐπὶ τὸ κοινὸν συνέδριον ἐπὶ τοῖσ ἴσοισ πᾶσιν. ἐψηφίσαντο δὲ καὶ τὰσ γενομένασ κληρουχίασ ἀποκαταστῆσαι τοῖσ πρότερον κυρίοισ γεγονόσι, καὶ νόμον ἔθεντο μηδένα τῶν Ἀθηναίων γεωργεῖν ἐκτὸσ τῆσ Ἀττικῆσ.

διὰ δὲ ταύτησ τῆσ φιλανθρωπίασ ἀνακτησάμενοι τὴν παρὰ τοῖσ Ἕλλησιν εὔνοιαν, ἰσχυροτέραν ἐποιήσαντο τὴν ἰδίαν ἡγεμονίαν. πολλαὶ μὲν οὖν καὶ τῶν ἄλλων πόλεων διὰ τὴν εἰρημένην αἰτίαν προεκλήθησαν πρὸσ τοὺσ Ἀθηναίουσ ἀποκλῖναι, πρῶται δὲ καὶ προθυμότατα συνεμάχησαν αἱ κατὰ τὴν Εὔβοιαν οἰκοῦσαι χωρὶσ Ἑστιαίασ·

αὕτη γὰρ εὐηργετημένη μὲν ὑπὸ Λακεδαιμονίων μεγάλα, πεπολεμημένη δὲ δεινῶσ ὑπὸ Ἀθηναίων, εὐλόγωσ πρὸσ μὲν Ἀθηναίουσ ἀδιάλυτον ἐφύλαττε τὴν ἔχθραν, πρὸσ δὲ τοὺσ Σπαρτιάτασ βεβαίαν τὴν πίστιν διεφύλαττεν. οὐ μὴν ἀλλὰ τοῖσ Ἀθηναίοισ εἰσ συμμαχίαν συνέβησαν ἑβδομήκοντα πόλεισ καὶ μετέσχον ἐπ’ ἴσησ τοῦ κοινοῦ συνεδρίου·

διὸ καὶ τοῖσ Ἀθηναίοισ αἰεὶ μᾶλλον τῆσ δυνάμεωσ αὐξομένησ, τοῖσ δὲ Λακεδαιμονίοισ ταπεινουμένησ, ἐφάμιλλον τὴν ἰσχὺν τῶν πόλεων συνέβαινε γίνεσθαι. οἱ δ’ Ἀθηναῖοι, τῶν πραγμάτων αὐτοῖσ κατὰ νοῦν προχωρούντων, δύναμιν ἐξέπεμψαν εἰσ τὴν Εὔβοιαν τὴν παραφυλάξουσαν μὲν τοὺσ συμμάχουσ, καταπολεμήσουσαν δὲ τοὺσ ἐναντίουσ. κατὰ δὲ τὴν Εὔβοιαν βραχὺ μὲν πρὸ τούτων τῶν χρόνων Νεογένησ τισ ὄνομα μετ’ Ιἄσονοσ τοῦ Φεραίου συλλέξασ στρατιώτασ κατελάβετο τήν τε ἀκρόπολιν τῶν Ἑστιαιέων, καὶ τύραννον ἑαυτὸν ἀπέδειξε ταύτησ τῆσ χώρασ καὶ τῆσ τῶν Ὠρειτῶν πόλεωσ.

ἄρχοντοσ δ’ αὐτοῦ βιαίωσ καὶ ὑπερηφάνωσ Λακεδαιμόνιοι Θηριπίδην ἀπέστειλαν ἐπ’ αὐτόν. ὁ δὲ τὸ μὲν πρῶτον ἐπεχείρει λόγοισ τὸν τύραννον ἐκχωρεῖν ἐκ τῆσ ἀκροπόλεωσ·

ὡσ δ’ οὐ προσεῖχε, παρακαλέσασ τοὺσ ἐγχωρίουσ πρὸσ τὴν ἐλευθερίαν ἐξεπολιόρκησε τὸ χωρίον καὶ τοῖσ Ὠρείταισ τὴν ἐλευθερίαν ἀποκατέστησεν, δι’ ἣν αἰτίαν οἱ τὴν Ἑστιαιέων καλουμένην χώραν οἰκοῦντεσ οἰκείωσ διετέθησαν πρὸσ τοὺσ Σπαρτιάτασ, καὶ βεβαίωσ ἐτήρουν τὴν φιλίαν. τῆσ δ’ ὑπὸ τῶν Ἀθηναίων ἐκπεμφθείσησ δυνάμεωσ ἡγούμενοσ Χαβρίασ ἐπόρθησε τὴν Ἑστιαιῶτιν χώραν, καὶ τὴν καλουμένην μὲν Μητρόπολιν, κειμένην δ’ ἐπί τινοσ ἐρυμνοῦ λόφου, τειχίσασ, ἀπέλιπεν ἐν αὐτῇ φρουράν, αὐτὸσ δὲ ταῖσ Κυκλάσι νήσοισ ἐπιπλέων προσηγάγετο Πεπάρηθον καὶ Σκίαθον καί τινασ ἄλλασ τεταγμένασ ὑπὸ Λακεδαιμονίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 29

(디오도로스 시켈로스, Library, book xv, chapter 29)

상위

목록

SEARCH

MENU NAVIGATION