헬라어 문장 검색 - Διοδορ́Λιβραρψ́8́14́

(디오도로스 시켈로스, Library, book xv, chapter 23)

τοῦ δ’ ἐνιαυσίου χρόνου διεληλυθότοσ Ἀθήνησι μὲν ἦν ἄρχων Πυθέασ, ἐν Ῥώμῃ δ’ ἀντὶ τῶν ὑπάτων χιλίαρχοι ἓξ κατεστάθησαν, Τίτοσ Κοί̈νκτιοσ, Λεύκιοσ Σερουίλιοσ, Λεύκιοσ Ιοὔλιοσ, Ἀκύλλιοσ, Λεύκιοσ Λοκρήτιοσ, Σερούιοσ Σουλπίκιοσ, παρὰ δὲ Ἠλείοισ Ὀλυμπιὰσ ἤχθη ἑκατοστή, καθ’ ἣν ἐνίκα στάδιον Διονυσόδωροσ Ταραντῖνοσ. ἐπὶ δὲ τούτων Ἀγησίπολισ ὁ τῶν Λακεδαιμονίων βασιλεὺσ ἐτελεύτησε νόσῳ, βασιλεύσασ ἔτη δεκατέσσαρα·

τὴν δὲ ἀρχὴν διαδεξάμενοσ Κλεόμβροτοσ ὁ ἀδελφὸσ ἐβασίλευσεν ἔτη ἐννέα. Λακεδαιμόνιοι δὲ Πολυβιάδαν στρατηγὸν καταστήσαντεσ ἐξαπέστειλαν εἰσ τὸν πρὸσ Ὀλυνθίουσ πόλεμον. οὗτοσ δὲ παραλαβὼν τὰσ δυνάμεισ, καὶ τὸν πόλεμον ἐνεργῶσ ἅμα καὶ στρατηγικῶσ διοικῶν, ἐποίει πολλὰ προτερήματα.

αἰεὶ δὲ μᾶλλον εὐημερῶν καὶ πλείοσι μάχαισ νικήσασ συνέκλεισε τοὺσ Ὀλυνθίουσ εἰσ πολιορκίαν· τέλοσ δὲ καταπληξάμενοσ τοὺσ πολεμίουσ προσέταξεν ὑποταγῆναι Λακεδαιμονίοισ. ἐγγραφέντων δὲ τῶν Ὀλυνθίων εἰσ τὴν τῶν Σπαρτιατῶν συμμαχίαν, πολλαὶ καὶ τῶν ἄλλων πόλεων ἔσπευσαν εἰσ τὴν τῶν Λακεδαιμονίων ἡγεμονίαν καταλεχθῆναι. διὸ καὶ κατὰ τούτουσ τοὺσ καιροὺσ πλεῖστον ἴσχυσαν Λακεδαιμόνιοι, καὶ τῆσ Ἑλλάδοσ ἔσχον τὴν ἡγεμονίαν κατὰ γῆν ἅμα καὶ κατὰ θάλατταν. Θηβαῖοι μὲν γὰρ ὑπῆρχον ἔμφρουροι, Κορίνθιοι δὲ καὶ Ἀργεῖοι διὰ τοὺσ προγεγονότασ πολέμουσ ὑπῆρχον τεταπεινωμένοι, Ἀθηναῖοι δὲ διὰ τὰσ τῶν καταπολεμουμένων κληρουχίασ ἠδόξουν ἐν τοῖσ Ἕλλησιν·

οἱ δὲ Λακεδαιμόνιοι τῆσ τε πολυανθρωπίασ καὶ τῆσ ἐν τοῖσ ὅπλοισ μελέτησ πολλὴν πρόνοιαν ἐπεποίηντο, καὶ φοβεροὶ πᾶσιν ὑπῆρχον διὰ τὴν δύναμιν τῆσ ἡγεμονίασ. διόπερ οἱ μέγιστοι τῶν τότε δυναστῶν, λέγω δὲ τὸν Περσῶν βασιλέα καὶ τὸν Σικελίασ δυνάστην Διονύσιον, ἐθεράπευον τὴν Σπαρτιατῶν ἡγεμονίαν καὶ συμμαχίαν ἔσπευδον συντίθεσθαι πρὸσ αὐτούσ.

ἐπ’ ἄρχοντοσ δ’ Ἀθήνησι Νίκωνοσ Ῥωμαῖοι χιλιάρχουσ ἓξ ἀντὶ τῶν ὑπάτων κατέστησαν, Λεύκιον Παπίριον, Γάιον Σερουίλιον, Λεύκιον Κοί̈νκτιον, Λεύκιον Κορνήλιον, Λεύκιον Οὐαλέριον Αὖλον Μάλλιον.

ἐπὶ δὲ τούτων Καρχηδόνιοι στρατεύσαντεσ εἰσ τὴν Ἰταλίαν τοῖσ μὲν Ἱππωνιάταισ ἐκπεπτωκόσιν ἐκ τῆσ πατρίδοσ ἀποκατέστησαν τὴν πόλιν, καὶ πάντασ τοὺσ πεφευγότασ συναγαγόντεσ πολλὴν ἐπιμέλειαν αὐτῶν ἐποιήσαντο. μετὰ δὲ ταῦτα λοιμικῆσ νόσου τοῖσ κατοικοῦσι τὴν Καρχηδόνα γενομένησ, καὶ τῆσ νόσου πολλὴν ἐπίτασιν ἐχούσησ, πολλοὶ τῶν Καρχηδονίων διεφθάρησαν, καὶ τὴν ἡγεμονίαν ἐκινδύνευσαν ἀποβαλεῖν·

οἵ τε γὰρ Λίβυεσ καταφρονήσαντεσ αὐτῶν ἀπέστησαν, οἵ τε τὴν Σαρδόνα κατοικοῦντεσ, νομίσαντεσ ἔχειν καιρὸν κατὰ τῶν Καρχηδονίων, ἀπέστησαν ἀπ’ αὐτῶν καὶ συμφρονήσαντεσ ἐπέθεντο τοῖσ Καρχηδονίοισ. ἐγένετο δὲ περὶ τὸν αὐτὸν καιρὸν θεόπεμπτόσ τισ ἀτυχία κατὰ τὴν Καρχηδόνα.

ταραχαὶ γὰρ καὶ φόβοι καὶ πανικοὶ θόρυβοι συνεχεῖσ ἐγίνοντο κατὰ τὴν πόλιν παράδοξοι, καὶ πολλοὶ μὲν μετὰ τῶν ὅπλων ἐξεπήδων ἐκ τῶν οἰκιῶν, ὡσ πολεμίων εἰσπεπτωκότων εἰσ τὴν πόλιν, καὶ πρὸσ ἀλλήλουσ ὡσ πολεμίουσ διαπολεμοῦντεσ, οὓσ μὲν ἀνῄρουν, οὓσ δὲ κατετραυμάτιζον. τέλοσ δὲ θυσίαισ τὸ θεῖον ἐξιλασάμενοι καὶ μόγισ τῶν κακῶν ἀπαλλαγέντεσ, ταχὺ καὶ τοὺσ Λίβυασ κατεπολέμησαν καὶ τὴν νῆσον ἀνεκτήσαντο. ἐπ’ ἄρχοντοσ δ’ Ἀθήνησι Ναυσινίκου Ῥωμαῖοι χιλιάρχουσ τέσσαρασ ἀντὶ τῶν ὑπάτων κατέστησαν, Μάρκον Κορνήλιον καὶ Κόιντον Σερουίλιον, Μάρκον Φούριον καὶ Λεύκιον Κοί̈νκτιον.

ἐπὶ δὲ τούτων ὁ κληθεὶσ Βοιωτικὸσ πόλεμοσ ἐνέστη Λακεδαιμονίοισ πρὸσ Βοιωτοὺσ διὰ τοιαύτασ αἰτίασ. τὴν Καδμείαν φρουρούντων Λακεδαιμονίων ἀδίκωσ καὶ πολλοὺσ τῶν ἀξιολόγων ἀνδρῶν πεφυγαδευκότων, συνεστράφησαν οἱ φυγάδεσ, καὶ συνεπιλαβομένων Ἀθηναίων κατῆλθον εἰσ τὴν πατρίδα νυκτόσ. καὶ πρῶτον μὲν τοὺσ τὰ Λακεδαιμονίων φρονοῦντασ ἐν ταῖσ ἰδίαισ οἰκίαισ ἐφόνευσαν, ἔτι κοιμωμένουσ καταλαβόντεσ·

ἔπειτα τοὺσ πολίτασ ἐπὶ τὴν ἐλευθερίαν παρακαλέσαντεσ συνεργοὺσ ἔσχον ἅπαντασ τοὺσ Θηβαίουσ. ταχὺ δὲ τοῦ πλήθουσ συνδραμόντοσ μετὰ τῶν ὅπλων, ἅμ’ ἡμέρᾳ τὴν Καδμείαν πολιορκεῖν ἐπεχείρησαν. οἱ δὲ φρουροῦντεσ τὴν ἄκραν Λακεδαιμόνιοι, μετὰ τῶν συμμάχων ὄντεσ οὐκ ἐλάττουσ τῶν χιλίων καὶ πεντακοσίων, εἰσ μὲν τὴν Σπάρτην ἐξέπεμψαν τοὺσ δηλώσοντασ τὴν τῶν Θηβαίων ἐπανάστασιν καὶ βοηθεῖν τὴν ταχίστην παρακαλέσοντασ, αὐτοὶ δ’ ἐκ τόπων ὑπερδεξίων ἀμυνόμενοι τοὺσ πολιορκοῦντασ πολλοὺσ μὲν ἀνῄρουν, οὐκ ὀλίγουσ δὲ κατετραυμάτιζον.

οἱ δὲ Θηβαῖοι μεγάλην δύναμιν προσδοκῶντεσ ἥξειν ἐκ τῆσ Ἑλλάδοσ Λακεδαιμονίοισ, ἐξέπεμψαν πρεσβευτὰσ εἰσ τὰσ Ἀθήνασ, ὑπομιμνήσκοντεσ μὲν ὅτι καὶ αὐτοὶ συγκατήγαγον τὸν δῆμον τῶν Ἀθηναίων καθ’ ὃν καιρὸν ὑπὸ τῶν τριάκοντα τυράννων κατεδουλώθησαν, ἀξιοῦντεσ δὲ πανδημεὶ βοηθῆσαι καὶ πρὸ τῆσ τῶν Λακεδαιμονίων παρουσίασ συνεκπολεμῆσαι τὴν Καδμείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 23

(디오도로스 시켈로스, Library, book xv, chapter 23)

상위

목록

SEARCH

MENU NAVIGATION