헬라어 문장 검색 - Διοδορ́Λιβραρψ́8́11́

(디오도로스 시켈로스, Library, book xv, chapter 15)

ἐπ’ ἄρχοντοσ δ’ Ἀθήνησι Φανοστράτου Ῥωμαῖοι κατέστησαν ἀντὶ τῶν ὑπάτων χιλιάρχουσ τέτταρασ, Λεύκιον Λοκρήτιον, Σέντιον Σολπίκιον, Λεύκιον Αἰμίλιον, Λεύκιον Φούριον. ἐπὶ δὲ τούτων Διονύσιοσ ὁ τῶν Συρακοσίων τύραννοσ παρασκευασάμενοσ πολεμεῖν Καρχηδονίοισ, ἐζήτει λαβεῖν πρόφασιν εὔλογον τοῦ πολέμου. ὁρῶν οὖν τὰσ ὑπὸ Καρχηδονίουσ τεταγμένασ πόλεισ οἰκείωσ ἐχούσασ πρὸσ ἀπόστασιν, προσεδέχετο τὰσ βουλομένασ ἀφίστασθαι, καὶ συμμαχίαν πρὸσ αὐτὰσ συντιθέμενοσ ἐπιεικῶσ προσεφέρετο ταύταισ. οἱ δὲ Καρχηδόνιοι τὸ μὲν πρῶτον πρέσβεισ ἀποστέλλοντεσ πρὸσ τὸν δυνάστην ἀπῄτουν τὰσ πόλεισ, μὴ προσέχοντοσ δὲ αὐτοῦ συνέβη ταύτην ἀρχὴν γενέσθαι τοῦ πολέμου.

Καρχηδόνιοι μὲν οὖν πρὸσ τοὺσ Ἰταλιώτασ συμμαχίαν ποιησάμενοι κοινῇ τὸν πόλεμον ἐπανείλαντο πρὸσ τὸν τύραννον· προορώμενοι δ’ ἐμφρόνωσ τὸ μέγεθοσ τοῦ πολέμου, τῶν τε πολιτῶν τοὺσ εὐθέτουσ κατέλεγον στρατιώτασ καὶ χρημάτων προχειρισάμενοι πλῆθοσ ξενικὰσ δυνάμεισ μεγάλασ ἐμισθοῦντο. καταστήσαντεσ δὲ στρατηγὸν Μάγωνα τὸν βασιλέα, πολλὰσ μυριάδασ στρατιωτῶν ἐπεραίωσαν εἰσ τὴν Σικελίαν καὶ τὴν Ἰταλίαν, διαπολεμεῖν ἐξ ἀμφοτέρασ βουλόμενοι. ὁ δὲ Διονύσιοσ καὶ αὐτὸσ τὰσ δυνάμεισ διελόμενοσ, τῷ μὲν ἑνὶ μέρει πρὸσ τοὺσ Ἰταλιώτασ διηγωνίζετο, τῷ δὲ ἑτέρῳ πρὸσ τοὺσ Φοίνικασ.

πολλαὶ μὲν οὖν κατὰ μέροσ ἐγίνοντο μάχαι τοῖσ στρατοπέδοισ καὶ συμπλοκαὶ μικραὶ καὶ συνεχεῖσ, ἐν αἷσ οὐδὲν ἀξιόλογον ἔργον συνετελέσθη, δύο δὲ παρατάξεισ ἐγένοντο μεγάλαι καὶ περιβόητοι. καὶ τῇ μὲν πρώτῃ Διονύσιοσ θαυμαστῶσ ἀγωνισάμενοσ περὶ τὰ καλούμενα Κάβαλα προετέρησε, καὶ πλείουσ μὲν τῶν μυρίων ἀνεῖλε τῶν βαρβάρων, οὐκ ἐλάττουσ δὲ τῶν πεντακισχιλίων ἐζώγρησε· τὸ δ’ ἄλλο πλῆθοσ ἠνάγκασε καταφυγεῖν ἐπί τινα λόφον ἐρυμνὸν καὶ ἄνυδρον παντελῶσ. ἔπεσε δὲ καὶ Μάγων ὁ βασιλεὺσ αὐτῶν ἀγωνισάμενοσ λαμπρῶσ. οἱ δὲ Φοίνικεσ καταπλαγέντεσ τὸ μέγεθοσ τῆσ συμφορᾶσ εὐθὺσ διεπρεσβεύσαντο περὶ διαλύσεων.

ὁ δὲ Διονύσιοσ ἀπεφήνατο μίαν αὐτοῖσ εἶναι σύλλυσιν, ἐὰν ἐκχωρήσωσι τῶν κατὰ τὴν Σικελίαν πόλεων καὶ τὰ δαπανηθέντα χρήματα κατὰ τὸν πόλεμον ἐκτίσωσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 15

(디오도로스 시켈로스, Library, book xv, chapter 15)

상위

목록

SEARCH

MENU NAVIGATION