헬라어 문장 검색 - Διοδορ́Λιβραρψ́8́10́

(디오도로스 시켈로스, Library, book xv, chapter 13)

ἅμα δὲ τούτοισ πραττομένοισ κατὰ τὴν Σικελίαν Διονύσιοσ ὁ τῶν Συρακοσίων τύραννοσ ἔγνω κατὰ τὸν Ἀδρίαν πόλεισ οἰκίζειν. τοῦτο δὲ ἔπραττε διανοούμενοσ τὸν Ιὄνιον καλούμενον πόρον ἰδιοποιεῖσθαι, ἵνα τὸν ἐπὶ τὴν Ἤπειρον πλοῦν ἀσφαλῆ κατασκευάσῃ καὶ πόλεισ ἔχῃ ἰδίασ εἰσ τὸ δύνασθαι ναυσὶ καθορμισθῆναι. ἔσπευδε γὰρ ἄφνω μεγάλαισ δυνάμεσιν ἐπιπλεῦσαι τοῖσ κατὰ τὴν Ἤπειρον τόποισ καὶ συλῆσαι τὸ ἐν Δελφοῖσ τέμενοσ, γέμον πολλῶν χρημάτων. διὸ καὶ πρὸσ Ἰλλυριοὺσ ἐποιήσατο συμμαχίαν δι’ Ἀλκέτου τοῦ Μολοττοῦ, ὃσ ἐτύγχανε φυγὰσ ὢν καὶ διατρίβων ἐν ταῖσ Συρακούσαισ.

τῶν δ’ Ἰλλυριῶν ἐχόντων πόλεμον, ἐξαπέστειλεν αὐτοῖσ συμμάχουσ στρατιώτασ δισχιλίουσ καὶ πανοπλίασ Ἑλληνικὰσ πεντακοσίασ. οἱ δ’ Ἰλλυριοὶ τὰσ μὲν πανοπλίασ ἀνέδωκαν τοῖσ ἀρίστοισ τῶν στρατιωτῶν, τοὺσ δὲ στρατιώτασ κατέμιξαν τοῖσ ἰδίοισ στρατιώταισ. πολλὴν δὲ δύναμιν ἀθροίσαντεσ ἐνέβαλον εἰσ τὴν Ἤπειρον καὶ κατῆγον τὸν Ἀλκέταν ἐπὶ τὴν τῶν Μολοττῶν βασιλείαν.

οὐδενὸσ δ’ αὐτοῖσ προσέχοντοσ, τὸ μὲν πρῶτον ἐπόρθησαν τὴν χώραν, μετὰ δὲ ταῦτα τῶν Μολοττῶν ἀντιταττομένων ἐγένετο μάχη καρτερά, καθ’ ἣν νικήσαντεσ οἱ Ἰλλυριοὶκατέκοψαν τῶν Μολοττῶν πλείουσ τῶν μυρίων πεντακισχιλίων. τοιαύτῃ δὲ συμφορᾷ τῶν Ἠπειρωτῶν περιπεσόντων, Λακεδαιμόνιοι πυθόμενοι τὰ συμβεβηκότα συμμαχίαν ἐξέπεμψαν τοῖσ Μολοττοῖσ, δι’ ἧσ τοῦ πολλοῦ θράσουσ ἔπαυσαν τοὺσ βαρβάρουσ. ἅμα δὲ τούτοισ πραττομένοισ Πάριοι κατά τινα χρησμὸν ἀποικίαν ἐκπέμψαντεσ εἰσ τὸν Ἀδρίαν ἔκτισαν ἐν αὐτῷ νῆσον τὴν ὀνομαζομένην Φάρον, συμπράξαντοσ αὐτοῖσ Διονυσίου τοῦ τυράννου.

οὗτοσ γὰρ ἀποικίαν ἀπεσταλκὼσ εἰσ τὸν Ἀδρίαν οὐ πολλοῖσ πρότερον ἔτεσιν ἐκτικὼσ ἦν τὴν πόλιν τὴν ὀνομαζομένην Λίσσον. ἐκ ταύτησ οὖν ὁρμώμενοσ Διονύσιοσ σχολὴν ἄγων κατεσκεύασε νεώρια διακοσίαισ τριήρεσι, καὶ τεῖχοσ περιέβαλε τῇ πόλει τηλικοῦτο τὸ μέγεθοσ, ὥστε τῇ πόλει γενέσθαι τὸν περίβολον μέγιστον τῶν Ἑλληνίδων πόλεων.

κατεσκεύασε δὲ καὶ γυμνάσια μεγάλα παρὰ τὸν Ἄναπον ποταμόν, θεῶν τε ναοὺσ κατεσκεύασε καὶ τἄλλα τὰ συντείνοντα πρὸσ αὔξησιν πόλεωσ καὶ δόξαν. τοῦ δ’ ἐνιαυσίου χρόνου διεληλυθότοσ Ἀθήνησι μὲν ἦρχε Διοτρέφησ, ἐν Ῥώμῃ δ’ ὕπατοι κατεστάθησαν Λεύκιοσ Οὐαλέριοσ καὶ Αὖλοσ Μάλλιοσ, παρὰ δ’ Ἠλείοισ Ὀλυμπιὰσ ἤχθη ἐνενηκοστὴ ἐνάτη, καθ’ ἣν ἐνίκα στάδιον Δίκων Συρακόσιοσ.

ἐπὶ δὲ τούτων Πάριοι μὲν τὴν Φάρον οἰκίσαντεσ τοὺσ τε προενοικοῦντασ βαρβάρουσ ἔν τινι χωρίῳ καθ’ ὑπερβολὴν ὀχυρῷ ὄντι εἰάσαν κατοικεῖν ἀσινεῖσ, αὐτοὶδὲ παρὰ θάλατταν κτίσαντεσ πόλιν ἐτείχισαν. μετὰ δὲ ταῦτα τῶν προοικούντων ἐν τῇ νήσῳ βαρβάρων δυσχεραινόντων ἐπὶ τῇ παρουσίᾳ τῶν Ἑλλήνων, καὶ μεταπεμπομένων τοὺσ πέραν κατοικοῦντασ Ἰλλυριούσ, μικροῖσ πλοίοισ πολλοῖσ διέβησαν εἰσ τὴν Φάρον, ὄντεσ ὑπὲρ τοὺσ μυρίουσ, καὶ τοὺσ Ἕλληνασ πορθοῦντεσ πολλοὺσ ἀνῄρουν.

ὁ δ’ ἐν τῇ Λίσσῳ καθεσταμένοσ ἔπαρχοσ ὑπὸ Διονυσίου τριήρεισ πλείουσ ἔχων ἐπέπλευσε τοῖσ τῶν Ἰλλυριῶν πλοιαρίοισ, καὶ τὰ μὲν βυθίσασ, τὰ δὲ χειρωσάμενοσ, ἀπέκτεινε τῶν βαρβάρων πλείουσ τῶν πεντακισχιλίων, ἐζώγρησε δὲ περὶ δισχιλίουσ. Διονύσιοσ δὲ χρημάτων ἀπορούμενοσ ἐστράτευσεν ἐπὶ Τυρρηνίαν, ἔχων τριήρεισ ἑξήκοντα, πρόφασιν μὲν φέρων τὴν τῶν λῃστῶν κατάλυσιν, τῇ δ’ ἀληθείᾳ συλήσων ἱερὸν ἅγιον, γέμον μὲν ἀναθημάτων πολλῶν, καθιδρυμένον δ’ ἐν ἐπινείῳ πόλεωσ Ἀγύλλησ Τυρρηνίδοσ·

τὸ δ’ ἐπίνειον ὠνομάζετο Πύργοι. καταπλεύσασ δὲ νυκτὸσ καὶ τὴν δύναμιν ἐκβιβάσασ, ἅμ’ ἡμέρᾳ προσπεσὼν ἐκράτησε τῆσ ἐπιβολῆσ·

ὀλίγων γὰρ ὄντων ἐν τῷ χωρίῳ φυλάκων, βιασάμενοσ αὐτοὺσ ἐσύλησε τὸ ἱερὸν καὶ συνήθροισεν οὐκ ἔλαττον ταλάντων χιλίων. τῶν δὲ Ἀγυλλαίων ἐκβοηθησάντων, μάχῃ τε ἐκράτησεν αὐτῶν καὶ πολλοὺσ αἰχμαλώτουσ λαβὼν καὶ τὴν χώραν πορθήσασ ἐπανῆλθεν εἰσ τὰσ Συρακούσασ. ἀποδόμενοσ δὲ τὰ λάφυρα συνήγαγεν οὐκ ἐλάττω ταλάντων πεντακοσίων. εὐπορήσασ δὲ χρημάτων, ἐμισθοῦτο στρατιωτῶν παντοδαπῶν πλῆθοσ, καὶ δύναμιν ἀξιόλογον συστησάμενοσ φανερὸσ ἦν πολεμήσων Καρχηδονίοισ. ταῦτα μὲν οὖν ἐπράχθη κατὰ τοῦτον τὸν ἐνιαυτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 13

(디오도로스 시켈로스, Library, book xv, chapter 13)

상위

목록

SEARCH

MENU NAVIGATION