Diodorus Siculus, Library, book xv, chapter 12

(디오도로스 시켈로스, Library, book xv, chapter 12)

κατὰ δὲ τὴν Ἑλλάδα Λακεδαιμονίων πορθούντων Μαντίνειαν, τὸ μὲν θέροσ διετέλεσαν οἱ Μαντινεῖσ γενναίωσ ἀγωνιζόμενοι πρὸσ τοὺσ πολεμίουσ· ἐδόκουν γὰρ ἀνδρείᾳ διαφέρειν τῶν Ἀρκάδων, καὶ διὰ τοῦθ’ οἱ Λακεδαιμόνιοι πρότερον εἰώθεισαν ἐν ταῖσ μάχαισ τούτουσ παραστάτασ ἔχειν καὶ πιστοτάτουσ τῶν συμμάχων· τοῦ δὲ χειμῶνοσ ἐνστάντοσ, καὶ τοῦ παρὰ τὴν Μαντίνειαν ποταμοῦ μεγάλην αὔξησιν ἐκ τῶν ὄμβρων λαβόντοσ, οἱ Λακεδαιμόνιοι τὸ ῥεῦμα τοῦ ποταμοῦ διαλαβόντεσ μεγάλοισ χώμασιν ἀπέστρεψαν τὸν ποταμὸν εἰσ τὴν πόλιν καὶ πάντα τὸν σύνεγγυσ τόπον ἐποίησαν λιμνάζειν. διὸ καὶ τῶν οἰκιῶν πιπτουσῶν καταπλαγέντεσ οἱ Μαντινεῖσ ἠναγκάσθησαν τὴν πόλιν παραδοῦναι τοῖσ Λακεδαιμονίοισ.

οἱ δὲ παραλαβόντεσ ἄλλο μὲν οὐθὲν κακὸν εἰργάσαντο τοὺσ Μαντινεῖσ, προσέταξαν δὲ εἰσ τὰσ ἀρχαίασ κώμασ μετοικισθῆναι. διόπερ ἠναγκάσθησαν τὴν μὲν ἰδίαν πατρίδα κατασκάπτειν, εἰσ δὲ τὰσ κώμασ μετοικῆσαι.

SEARCH

MENU NAVIGATION