헬라어 문장 검색 - Διοδορ́Λιβραρψ́8́08́

(디오도로스 시켈로스, Library, book xv, chapter 10)

Ἀρταξέρξησ δὲ καταλύσασ τὸν πρὸσ Καδουσίουσ πόλεμον προέθηκε κρίσιν Τιριβάζῳ, καὶ δικαστὰσ τρεῖσ ἀπέδωκε τῶν μάλιστα εὐδοκιμούντων παρὰ τοῖσ Πέρσαισ. κατὰ τούτουσ δὲ τοὺσ χρόνουσ ἕτεροι δικασταὶ δόξαντεσ κακῶσ κρίνειν ζῶντεσ ἐξεδάρησαν, καὶ ὑπὲρ τῶν δικαστικῶν δίφρων περιταθέντων τῶν δερμάτων ἐπὶ τούτων ἐδίκαζον οἱ δικασταί, παρ’ ὀφθαλμοὺσ ἔχοντεσ παράδειγμα τῆσ ἐν τῷ κακῶσ κρίνειν τιμωρίασ. οἱ μὲν οὖν κατηγοροῦντεσ τὴν ἐπιστολὴν ἀναγνόντεσ τὴν πεμφθεῖσαν ὑπὸ τοῦ Ὀρόντου, ταύτην ἱκανῶσ ἔφασαν ἔχειν πρὸσ κατηγορίαν·

ὁ δὲ Τιρίβαζοσ πρὸσ μὲν τὴν κατὰ τὸν Εὐαγόραν διαβολὴν τὴν ὑπ’ Ὀρόντου γεγενημένην συνθήκην τὸν Εὐαγόραν ὑπακούσειν ὡσ βασιλέα βασιλεῖ προήνεγκεν· ἑαυτὸν δὲ τὴν εἰρήνην συντεθεῖσθαι, ὥστε ὑπακούειν Εὐαγόραν τῷ βασιλεῖ ὡσ δοῦλον δεσπότῃ· περὶ δὲ τῶν χρησμῶν ἔφησε μὴ χρηματίζειν τὸν θεὸν καθόλου περὶ θανάτου, καὶ τούτου μάρτυρασ παρείχετο πάντασ τοὺσ παρόντασ Ἕλληνασ. περὶ δὲ τῆσ φιλίασ τῆσ πρὸσ Λακεδαιμονίουσ ἀπελογεῖτο, λέγων οὐκ ἐπὶ τῷ ἰδίῳ συμφέροντι, ἀλλ’ ἐπὶ τῷ τοῦ βασιλέωσ λυσιτελεῖ πεποιῆσθαι τὴν φιλίαν· καὶ διὰ ταύτησ παρεδείκνυε τῶν μὲν Λακεδαιμονίων παρῃρῆσθαι τοὺσ κατὰ τὴν Ἀσίαν Ἕλληνασ, τῷ δὲ βασιλεῖ παραδεδόσθαι ἐκδότουσ. ἐπὶ τελευτῆσ δὲ τῆσ ἀπολογίασ ὑπέμνησε τοὺσ δικαστὰσ ὧν τὸν βασιλέα πρότερον ἦν εὐεργετηκώσ. λέγεται δὲ πολλὰσ μὲν καὶ ἄλλασ χρείασ ἐνδεδεῖχθαι τῷ βασιλεῖ, μίαν δὲ μεγίστην, ἐξ ἧσ αὐτὸν θαυμασθῆναι συνέβη καὶ μέγιστον γενέσθαι φίλον·

κατὰ γάρ τινα κυνηγίαν ἐφ’ ἁρ́ματοσ ὀχουμένου τοῦ βασιλέωσ δύο λέοντασ ἐπ’ αὐτὸν ὁρμῆσαι, καὶ τῶν μὲν ἵππων τῶν ἐν τῷ τεθρίππῳ δύο διασπάσαι, τὴν δ’ ὁρμὴν ἐπ’ αὐτὸν ποιεῖσθαι τὸν βασιλέα· καθ’ ὃν δὴ καιρὸν ἐπιφανέντα τὸν Τιρίβαζον τοὺσ μὲν λέοντασ ἀποκτεῖναι, τὸν δὲ βασιλέα ἐκ τῶν κινδύνων ἐξελέσθαι. ἔν τε τοῖσ πολέμοισ ἀνδρείᾳ διενεγκεῖν φασὶν αὐτὸν καὶ κατὰ τὰσ συμβουλὰσ οὕτωσ εὐστοχεῖν, ὥστε τὸν βασιλέα χρώμενον ταῖσ ἐκείνου παραγγελίαισ μηδέποτε διαμαρτεῖν.

τοιαύτῃ δ’ ἀπολογίᾳ χρησάμενοσ ὁ Τιρίβαζοσ ἀπελύθη τῶν ἐγκλημάτων ὡμολογημένωσ ὑπὸ πάντων τῶν δικαστῶν. ὁ δὲ βασιλεὺσ καθ’ ἕνα τῶν δικαστῶν προσκαλούμενοσ ἐπηρώτησε, τίσι δικαίοισ προσσχὼν ἕκαστοσ ἀπέλυσε τὸν κατηγορούμενον.

ὁ μὲν οὖν πρῶτοσ ἔφησε, θεωρῶν τὰ μὲν ἐγκλήματα ἀμφισβητούμενα, τὰσ δ’ εὐεργεσίασ ὁμολογουμένασ οὔσασ· ὁ δὲ δεύτεροσ ἔφησε, καὶ τιθεμένων ἀληθινῶν τῶν ἐγκλημάτων, ὅμωσ τὰσ εὐεργεσίασ μείζουσ εἶναι τῆσ ἁμαρτίασ· ὁ δὲ τρίτοσ εἶπεν ὅτι τὰσ μὲν εὐεργεσίασ οὐ τίθεται πρὸσ λόγον διὰ τὸ τὰσ περὶ αὐτῶν χάριτασ καὶ τιμὰσ πολλαπλασίασ ἀπειληφέναι παρὰ τοῦ βασιλέωσ τὸν Τιρίβαζον, αὐτῶν δὲ τῶν ἐγκλημάτων κατ’ ἰδίαν θεωρουμένων μὴ φαίνεσθαι τούτοισ ἔνοχον εἶναι τὸν κατηγορούμενον. ὁ δὲ βασιλεὺσ τοὺσ μὲν δικαστὰσ ἐπῄνεσεν, ὡσ δικαίωσ κεκρικότασ, τὸν δὲ Τιρίβαζον ταῖσ νομιζομέναισ μεγίσταισ τιμαῖσ ἐκόσμησεν.

τοῦ δὲ Ὀρόντου καταγνοὺσ ὡσ ψευδῆ κατηγορίαν πεπλακότοσ ἔκ τε τῶν φίλων ἐξέκρινε καὶ ταῖσ ἐσχάταισ ἀτιμίαισ περιέβαλεν. καὶ τὰ μὲν κατὰ τὴν Ἀσίαν ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 10

(디오도로스 시켈로스, Library, book xv, chapter 10)

상위

목록

SEARCH

MENU NAVIGATION