헬라어 문장 검색 - Διοδορ́Λιβραρψ́8́04́

(디오도로스 시켈로스, Library, book xv, chapter 5)

ἅμα δὲ τούτοισ πραττομένοισ Λακεδαιμόνιοι μὲν ἔγνωσαν στρατεύειν ἐπὶ τὴν Μαντίνειαν, οὐδὲν φροντίσαντεσ τῶν γεγενημένων σπονδῶν, διὰ τοιαύτασ αἰτίασ. προϋπαρχούσησ τοῖσ Ἕλλησι κοινῆσ εἰρήνησ τῆσ ἐπὶ Ἀνταλκίδου, καθ’ ἣν αἱ πόλεισ ἅπασαι τὰσ μὲν φρουρὰσ ἀπετρίψαντο, τὴν δ’ αὐτονομίαν καθ’ ὁμολογίαν παρέλαβον, Λακεδαιμόνιοι φύσει φιλαρχοῦντεσ καὶ πολεμικοὶ ταῖσ αἱρέσεσιν ὄντεσ, τὴν εἰρήνην ὥσπερ βαρὺ φορτίον οὐχ ὑπέμενον, τὴν δὲ προγεγενημένην τῆσ Ἑλλάδοσ δυναστείαν ἐπιποθοῦντεσ μετέωροι ταῖσ ὁρμαῖσ ὑπῆρχον πρὸσ καινοτομίαν. εὐθὺσ οὖν τὰσ μὲν πόλεισ συνετάραττον καὶ διὰ τῶν ἰδίων φίλων στάσεισ ἐγκατεσκεύαζον ἐν αὐταῖσ, ὧν ἔνιαι πιθανὰσ ἀφορμὰσ αὐτοῖσ παρέσχοντο τῆσ ταραχῆσ.

ἀπολαβοῦσαι γὰρ τὰσ αὐτονομίασ λόγον ἀπῄτουν παρὰ τῶν ἐπεστατηκότων ἐπὶ τῆσ Λακεδαιμονίων ἡγεμονίασ· πικρῶν δὲ τῶν ἐλέγχων γινομένων διὰ τὸ μνησικακεῖν τοὺσ δήμουσ, καὶ πολλῶν φυγαδευομένων, ἀπέδειξαν ἑαυτοὺσ βοηθοὺσ τοῖσ καταστασιαζομένοισ. ὑποδεχόμενοι δὲ τούτουσ καὶ μετὰ δυνάμεωσ ἐκπέμποντεσ ἐπὶ τὰσ καθόδουσ, κατεδουλοῦντο τὸ μὲν πρῶτον τὰσ ἀσθενεστέρασ πόλεισ, μετὰ δὲ ταῦτα καὶ τὰσ ἀξιολογωτέρασ καταπολεμοῦντεσ ὑπηκόουσ ἐποίουν, οὐδὲ δύο ἔτη φυλάξαντεσ τὰσ κοινὰσ σπονδάσ.

πλησιόχωρον δ’ ὁρῶντεσ οὖσαν τὴν τῶν Μαντινέων πόλιν καὶ πλήθουσαν ἀνδρῶν ἀλκίμων, ὑπώπτευσαν αὐτῆσ τὴν αὔξησιν τὴν γινομένην ἐκ τῆσ εἰρήνησ, καὶ τὰ φρονήματα τῶν ἀνδρῶν ἔσπευδον ταπεινῶσαι. διὸ καὶ τὸ μὲν πρῶτον πρέσβεισ ἀποστείλαντεσ πρὸσ τὴν Μαντίνειαν προσέταττον τὰ μὲν τείχη καθελεῖν, αὐτοὺσ δὲ μετοικῆσαι πάντασ εἰσ τὰσ ἀρχαίασ πέντε κώμασ, ἐξ ὧν εἰσ τὴν Μαντίνειαν τὸ παλαιὸν συνῴκησαν·

οὐδενὸσ δὲ αὐτοῖσ προσέχοντοσ, δύναμιν ἐκπέμψαντεσ ἐπολιόρκουν τὴν πόλιν. οἱ δὲ Μαντινεῖσ εἰσ τὰσ Ἀθήνασ πρέσβεισ ἀποστείλαντεσ ἠξίουν ἑαυτοῖσ βοηθῆσαι.

οὐ προαιρουμένων δὲ τῶν Ἀθηναίων παραβαίνειν τὰσ κοινὰσ συνθήκασ, ὅμωσ καθ’ αὑτοὺσ ὑποστάντεσ τὴν πολιορκίαν εὐρώστωσ ἠμύνοντο τοὺσ πολεμίουσ. καὶ τὰ μὲν κατὰ τὴν Ἑλλάδα τοῦτον τὸν τρόπον καινῶν πολέμων ἀρχὴν ἐλάμβανεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 5

(디오도로스 시켈로스, Library, book xv, chapter 5)

상위

목록

SEARCH

MENU NAVIGATION