헬라어 문장 검색 - Διοδορ́Λιβραρψ́8́02́

(디오도로스 시켈로스, Library, book xv, chapter 1)

παρ’ ὅλην τὴν πραγματείαν εἰωθότεσ χρῆσθαι τῇ συνήθει τῆσ ἱστορίασ παρρησίᾳ, καὶ τοῖσ μὲν ἀγαθοῖσ ἀνδράσιν ἐπὶ τῶν καλῶν ἔργων τὸν δίκαιον ἐπιλέγειν ἔπαινον, τοὺσ δὲ φαύλουσ, ὅταν ἐξαμαρτάνωσιν, ἀξιοῦν δικαίασ ἐπιτιμήσεωσ, διὰ τοῦ τοιούτου τρόπου νομίζομεν τοὺσ μὲν εὖ πεφυκότασ πρὸσ ἀρετὴν τῷ διὰ τῆσ δόξησ ἀθανατισμῷ προτρέψεσθαι ταῖσ καλλίσταισ ἐγχειρεῖν πράξεσι, τοὺσ δὲ τὴν ἐναντίαν ἔχοντασ διάθεσιν ταῖσ ἁρμοττούσαισ βλασφημίαισ ἀποτρέψειν τῆσ ἐπὶ τὴν κακίαν ὁρμῆσ. διὸ καὶ τῇ γραφῇ παρόντεσ ἐπ’ ἐκείνουσ τοὺσ χρόνουσ, ἐν οἷσ Λακεδαιμόνιοι περὶ Λεῦκτρα παραδόξωσ ἡττηθέντεσ μεγάλῃ περιέπεσον συμφορᾷ, καὶ πάλιν περὶ Μαντίνειαν πταίσαντεσ ἀνελπίστωσ ἀπέβαλον τὴν τῶν Ἑλλήνων ἡγεμονίαν, ἡγούμεθα δεῖν τὴν ὑπόστασιν τῆσ γραφῆσ διαφυλάττειν καὶ τὴν ἁρμόττουσαν ἐπιτίμησιν τοῖσ Λακεδαιμονίοισ ποιήσασθαι.

τίσ γὰρ ἂν οὐχ ἡγήσαιτο κατηγορίασ αὐτοὺσ ἀξίουσ ὑπάρχειν, οἵτινεσ παρὰ τῶν προγόνων παραλαβόντεσ ἡγεμονίαν κάλλιστα τεθεμελιωμένην, καὶ ταύτην διὰ τὴν ἀρετὴν τῶν προγόνων διαφυλαχθεῖσαν ἔτη πλείω τῶν πεντακοσίων, οἱ τότε Λακεδαιμόνιοι διὰ τὴν ἑαυτῶν ἀβουλίαν καταλυθεῖσαν ἐπεῖδον, οὐκ ἀλόγωσ.

οἱ μὲν γὰρ πρὸ αὐτῶν βεβιωκότεσ πολλοῖσ πόνοισ καὶ μεγάλοισ κινδύνοισ τὴν τηλικαύτην κατεκτήσαντο δόξαν, ἐπιεικῶσ καὶ φιλανθρώπωσ προσφερόμενοι τοῖσ ὑποτεταγμένοισ· οἱ δὲ μεταγενέστεροι βιαίωσ καὶ χαλεπῶσ χρώμενοι τοῖσ συμμάχοισ, ἔτι δὲ πολέμουσ ἀδίκουσ καὶ ὑπερηφάνουσ ἐνιστάμενοι πρὸσ τοὺσ Ἕλληνασ, οὐκ ἀλόγωσ ἀπέβαλον τὴν ἀρχὴν διὰ τὰσ ἰδίασ ἀβουλίασ. ἐν γὰρ ταῖσ συμφοραῖσ αὐτῶν τὸ μῖσοσ τῶν ἀδικουμένων ἔλαβε καιρὸν ἀμύνασθαι τοὺσ προηδικηκότασ, καὶ τοῖσ ἐκ προγόνων ἀνικήτοισ γεγονόσι τοσαύτη καταφρόνησισ ἐπηκολούθησεν, ὅσην εἰκόσ ἐστι γενέσθαι κατὰ τῶν ἀναιρούντων τὰσ τῶν προγόνων ἀρετάσ.

τοιγαροῦν Θηβαῖοι μὲν οἱ πρότερον ἐπὶ πολλὰσ γενεὰσ τοῖσ κρείττοσιν ὑποτεταγμένοι, τότε τούτουσ ἀνελπίστωσ νικήσαντεσ ἡγεμόνεσ κατέστησαν τῶν Ἑλλήνων, Λακεδαιμόνιοι δὲ μετὰ τὴν ἀφαίρεσιν τῆσ ἡγεμονίασ οὐδέποτ’ ἐδυνήθησαν ἀναλαβεῖν τὸ τῶν προγόνων ἀξίωμα.

ἡμεῖσ δὲ τούτοισ ἀρκούντωσ ἐπιτετιμηκότεσ ἐπὶ τὸ συνεχὲσ τῆσ ἱστορίασ μεταβησόμεθα προδιορίσαντεσ τοὺσ οἰκείουσ τῇ γραφῇ χρόνουσ.

ἡ μὲν οὖν πρὸ ταύτησ βύβλοσ, οὖσα τῆσ ὅλησ συντάξεωσ τεσσαρεσκαιδεκάτη, τὸ τέλοσ ἔσχε τῶν πράξεων εἰσ τὸν Ῥηγίνων ἀνδραποδισμὸν ὑπὸ Διονυσίου καὶ τὴν ἅλωσιν τῆσ Ῥώμησ ὑπὸ Γαλατῶν, ἥτισ ἐγένετο κατὰ τὸν προηγούμενον ἐνιαυτὸν τῆσ Περσῶν στρατείασ εἰσ Κύπρον ἐπ’ Εὐαγόραν τὸν βασιλέα· ἐν ταύτῃ δὲ τὴν ἀρχὴν ἀπὸ τούτου τοῦ πολέμου ποιησάμενοι καταλήξομεν ἐπὶ τὸν προηγούμενον ἐνιαυτὸν τῆσ Φιλίππου τοῦ Ἀμύντου βασιλείασ. ἐπ’ ἄρχοντοσ γὰρ Ἀθήνησι Μυστιχίδου Ῥωμαῖοι μὲν ἀντὶ τῶν ὑπάτων χιλιάρχουσ τρεῖσ κατέστησαν, Μάρκον Φούριον, ἔτι δὲ Γάιον καὶ Αἰμίλιον.

ἐπὶ δὲ τούτων Ἀρταξέρξησ ὁ τῶν Περσῶν βασιλεὺσ ἐστράτευσεν ἐπ’ Εὐαγόραν τὸν Κύπρου βασιλέα. πολὺν δὲ χρόνον ἀσχοληθεὶσ περὶ τὰσ εἰσ τὸν πόλεμον παρασκευὰσ συνεστήσατο δύναμιν ναυτικήν τε καὶ πεζὴν μεγάλην· τὸ μὲν γὰρ πεζὸν στράτευμα μυριάδων ἦν τριάκοντα σὺν ἱππεῦσι, τριήρεισ δὲ κατεσκεύασε πλείουσ τῶν τριακοσίων. στρατηγοὺσ δ’ ἀπέδειξε τῆσ πεζῆσ δυνάμεωσ Ὀρόνταν κηδεστήν, τῆσ δὲ ναυτικῆσ Τιρίβαζον, ἄνδρα μεγάλησ ἀποδοχῆσ τυγχάνοντα παρὰ τοῖσ Πέρσαισ.

οὗτοι δὲ παραλαβόντεσ τὰσ δυνάμεισ ἐν Φωκαίᾳ καὶ Κύμῃ κατήντησαν εἰσ Κιλικίαν, καὶ περαιωθέντεσ εἰσ Κύπρον ἐνεργῶσ διῴκουν τὸν πόλεμον. ὁ δ’ Εὐαγόρασπρὸσ μὲν τὸν Ἄκοριν τὸν Αἰγυπτίων βασιλέα, πολέμιον ὄντα Περσῶν, συμμαχίαν ἐποιήσατο καὶ δύναμιν ἀξιόλογον παρ’ αὐτοῦ προσελάβετο, παρ’ Ἑκατόμνου δὲ τοῦ Καρίασ δυνάστου, λάθρᾳ συμπράττοντοσ αὐτῷ, χρημάτων ἔλαβε πλῆθοσ εἰσ διατροφὴν ξενικῶν δυνάμεων·

ὁμοίωσ δὲ καὶ τοὺσ ἄλλουσ τοὺσ ἀλλοτρίωσ ἔχοντασ πρὸσ Πέρσασ, τοὺσ μὲν λαθραίωσ, τοὺσ δὲ καὶ φανερῶσ ἐπεσπάσατο κοινωνήσοντασ τοῦ Περσικοῦ πολέμου. ἐκυρίευε δὲ κατὰ μὲν τὴν Κύπρον τῶν πόλεων σχεδόν τι πασῶν, κατὰ δὲ τὴν Φοινίκην Τύρου καί τινων ἑτέρων.

εἶχε δὲ τριήρεισ μὲν ἐνενήκοντα, καὶ τούτων ὑπῆρχον Τύριαι μὲν εἴκοσι, Κύπριαι δ’ ἑβδομήκοντα, στρατιώτασ δ’ ἰδίουσ μὲν ἑξακισχιλίουσ, παρὰ δὲ τῶν συμμάχων πολλῷ τούτων πλείουσ. πρὸσ δὲ τούτοισ μισθοφόρουσ πολλοὺσ ἐξενολόγει, ἔχων χρημάτων δαψίλειαν. ἔπεμψε δ’ αὐτῷ καὶ ὁ τῶν Ἀράβων βασιλεὺσ στρατιώτασ οὐκ ὀλίγουσ καὶ ἄλλοι τινὲσ οἱ ἐν ὑποψίαισ ὄντεσ τῷ τῶν Περσῶν βασιλεῖ. οὗτοσ μὲν οὖν τοσαύτασ ἀφορμὰσ ἔχων τεθαρρηκότωσ συγκατέβαινεν εἰσ τὸν πόλεμον.

καὶ πρῶτον μὲν λῃστρικὰσ ἔχων ναῦσ οὐκ ὀλίγασ ἐφήδρευσε ταῖσ κομιζομέναισ τῶν πολεμίων ἀγοραῖσ, καὶ τὰσ μὲν αὐτῶν διέφθειρεν ἐν θαλάττῃ, τὰσ δὲ διεκώλυσεν, ἐνίασ δὲ ἀφείλατο. διὸ καὶ τῶν ἐμπόρων μὴ τολμώντων εἰσ τὴν Κύπρον παρακομίζειν σῖτον, μεγάλων δὲ δυνάμεων ἠθροισμένων εἰσ τὴν νῆσον, ταχὺ σιτοδεία κατέσχε τὸ τῶν Περσῶν στρατόπεδον. τῆσ δ’ ἀπορίασ γενομένησ εἰσ στάσιν, οἱ μισθοφόροι τῶν Περσῶν ἐπὶ τοὺσ ἡγεμόνασ ὁρμήσαντεσ καί τινασ ἀνελόντεσ ταραχῆσ καὶ στάσεωσ ἐνέπλησαν τὸ στρατόπεδον.

μόγισ δ’ οἱ στρατηγοὶ τῶν Περσῶν καὶ ὁ τῆσ ναυτικῆσ δυνάμεωσ ἡγούμενοσ, ὀνομαζόμενοσ δὲ Γλῶσ, κατέπαυσαν τὴν στάσιν. πλεύσαντεσ δὲ τῷ παντὶ στόλῳ καὶ σίτου πλῆθοσ ἐκ τῆσ Κιλικίασ παρακομίσαντεσ, πολλὴν παρεῖχον τῆσ τροφῆσ δαψίλειαν.

τῷ δ’ Εὐαγόρᾳ σίτου πλῆθοσ ἱκανὸν ὁ βασιλεὺσ Ἄκορισ ἐκ τῆσ Αἰγύπτου παρεκόμισε, καὶ χρήματα καὶ τὴν ἄλλην παρασκευὴν ἱκανὴν ἐξέπεμψεν. ὁ δ’ Εὐαγόρασ ὁρῶν ἑαυτὸν πολὺ λειπόμενον τῇ ναυτικῇ δυνάμει, ἑξήκοντα μὲν ναῦσ ἄλλασ προσεπλήρωσε, πεντήκοντα δὲ παρὰ Ἀκόριδοσ ἐξ Αἰγύπτου μετεπέμψατο, ὥστε τὰσ πάσασ ἔχειν τριήρεισ διακοσίασ.

ταύτασ δὲ κοσμήσασ πρὸσ ναυμαχίαν καταπληκτικῶσ, καὶ συνεχεῖσ διαπείρασ καὶ γυμνασίασ ποιούμενοσ, ἡτοιμάζετο πρὸσ ναυμαχίαν. διὸ καὶ τοῦ βασιλικοῦ στόλου παραπλέοντοσ εἰσ Κίτιον, ἀπροσδοκήτωσ ἐπιπλεύσασ ταῖσ ναυσὶ πολλὰ τῶν Περσῶν ἐπλεονέκτει. ἐπέβαλε γὰρ συντεταγμέναισ ναυσὶν ἐπὶ ἀσυντάκτουσ, καὶ προβεβουλευμένοισ ἀνδράσι πρὸσ ἀπροσδοκήτουσ ἀγωνιζόμενοσ εὐθὺσ ἐν τῇ πρώτῃ συστάσει τὴν νίκην προκατεσκεύασεν·

ἀθρόαισ γὰρ ταῖσ τριήρεσιν ἐπιπλεύσασ ἐπὶ διεσπαρμένασ καὶ τεταραγμένασ, ἃσ μὲν διέφθειρεν, ἃσ δ’ ἐχειροῦτο. ὅμωσ δὲ τοῦ τε ναυάρχου τῶν Περσῶν Γλῶ καὶ τῶν ἄλλων ἡγεμόνων γενναίωσ ὑποστάντων, ἐγένετο ναυμαχία καρτερά, καθ’ ἣν ὁ Εὐαγόρασ τὸ μὲν πρῶτον ὑπερεῖχεν, ὕστερον δὲ τοῦ Γλῶ μετὰ τοῦ βάρουσ ἐπενεχθέντοσ καὶ γενναίωσ ἀγωνισαμένου συνέβη φυγεῖν τοὺσ περὶ τὸν Εὐαγόραν καὶ πολλὰσ τῶν τριήρων ἀποβαλεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xv, chapter 1

(디오도로스 시켈로스, Library, book xv, chapter 1)

상위

목록

SEARCH

MENU NAVIGATION