헬라어 문장 검색 - ΑτηενάΤηεΔειπ

(아테나이오스, The Deipnosophists, Book 15, book 15, chapter 28)

κοσμοσανδάλων δὲ μνημονεύει Κρατῖνοσ ἐν Μαλθακοῖσ διὰ τούτων κεφαλὴν ἀνθέμοισ ἐρέπτομαι, λειρίοισ, ῥόδοισ, κρίνεσιν,6 κοσμοσανδάλοισ. Κλέαρχοσ δ’ ἐν β’ Βίων ὁρ́α, φησίν, τοὺσ τὸ κοσμοσανδάλοισ ἀνείροντασ Λακεδαιμονίουσ, οἳ τὸν παλαιότατον τῆσ πολιτικῆσ κόσμον συμπατήσαντεσ ἐξετραχηλίσθησαν. διόπερ καλῶσ περὶ αὐτῶν εἴρηκεν ὁ κωμῳδιοποιὸσ Ἀντιφάνησ ἐν Κιθαριστῇ· οὐκ ἐφύσων οἱ Λάκωνεσ ὡσ ἀπόρθητοί ποτε; νῦν δ’ ὁμηρεύουσ1’ ἔχοντεσ πορφυροῦσ κεκρυφάλουσ; Ἱκέσιοσ δ’ ἐν δευτέρῳ περὶ Ὕλησ τὸ λευκόιον φησι μεσότητά τινα ἔχειν ἐν τῷ στύφειν, πολὺ δ’ ἀρίστην εὐωδίαν καὶ δυναμένην τέρπειν, ἀλλὰ πρὸσ ὀλίγιστον. "τὸ δὲ μέλαν.

"φησί, τὴν μὲν αὐτὴν θεωρίαν ἔχει, εὐῶδεσ δ’ ἐστὶ πολὺ μᾶλλον. Ἀπολλόδωροσ δὲ ἐν τῷ περὶ Θηρίων φησί· "χαμαίπιτυν, οἱ δὲ ὁλόκυρον, οἱ δὲ Ἀθήνησιν ἰωνιάν, οἱ δὲ κατ’ Εὔβοιαν σιδηρῖτιν. Νίκανδροσ δ’ ἐν δευτέρῳ Γεωργικῶν τὰ δὲ ἔπη ὀλίγον ὕστερον παραθήσομαι, ὅταν περὶ πάντων τῶν στεφανωματικῶν ἀνθῶν διεξέρχωμαι τὸ ἰόν, φησίν, Ιὠνιάδεσ τινὲσ νύμφαι Ιὤνι ἐχαρίσαντο πρώτῳ. τὸν δὲ Νάρκισσον ἐν τῷ σ’ περὶ Φυτῶν Ἱστορίασ ὁ Θεόφραστοσ καλεῖσθαί φησι καὶ λείριον.

εἶθ’ ὑποβὰσ ὡσ διαλλάσσοντα τίθησιν νάρκισσαν καὶ λείριον. Εὔμαχοσ δ’ ὁ Κορκυραῖοσ ἐν Ῥιζοτομικῷ καὶ ἀκακαλλίδα φησὶ καλεῖσθαι τὸν νάρκισσον καὶ κρόταλον. τοῦ δὲ ἡμεροκαλλοῦσ καλουμένου ἄνθουσ, ὃ τὴν μὲν νύκτα μαραίνεται, ἅμα δὲ τῷ ἡλίῳ ἀνατέλλοντι θάλλει, μνημονεύει Κρατῖνοσ ἐν Μαλθακοῖσ λέγων οὕτωσ · ἡμεροκαλλεῖ τε τῷ φιλουμένῳ. τῆσ δ’ ἑρπύλλου, φησὶ Θεόφραστοσ, τὴν ἄγριον κομίζοντεσ ἐκ τῶν ὀρῶν φυτεύουσιν ἐν Σικυῶνι καὶ Ἀθήνησιν ἐκ τοῦ Ὑμηττοῦ. παρ’ ἄλλοισ δὲ ὅλα ὄρη πλήρη ἐστὶ τοῦ ἄνθουσ, καθάπερ ἐν Θρᾴκῃ. Φιλῖνοσ δέ φησιν αὐτὴν ζυγίδα καλεῖσθαι. περὶ δὲ τῆσ λυχνίδοσ, λέγων Ἀμερίασ ὁ Μακεδὼν ἐν τῷ Ῥιζοτομικῷ φησιν ἀναφῦναι αὐτὴν ἐκ τῶν Ἀφροδίτησ λουτρῶν ὅτε Ἡφαίστῳ συγκοιμηθεῖσα ἡ Ἀφροδίτη λούοιτο.

εἶναι δ’ ἀρίστην ἐν Κύπρῳ καὶ Λήμνῳ, ἔτι δὲ Στρογγύλῃ καὶ Ἔρυκι καὶ Κυθήροισ. ἡ δ’ ἶρισ, φησὶ Θεόφραστοσ, ἀνθεῖ τοῦ θέρουσ μόνη τε τῶν Εὐρωπαίων ἀνθέων εὐόσμοσ ἐστίν. ἀρίστη δ’ ἐστὶν ἐν Ἰλλυριοῖσ τοῖσ ἀνῳκισμένοισ τῆσ θαλάσσησ. Φιλῖνοσ δέ φησι τὰ ἄνθη τῆσ ἴριδοσ λέγεσθαι λύκουσ διὰ τὸ ἐμφερῆ εἶναι λύκου χείλεσι.

Νικόλαοσ δ’ ὁ Δαμασκηνὸσ ἐν τῇ ὀγδόῃ τῶν Ἱστοριῶν πρὸσ ταῖσ ἑκατὸν περὶ τὰσ Ἄλπεισ λίμνην τινά φησιν εἶναι πολλῶν σταδίων οὖσαν, ἧσ περὶ τὸν κύκλον πεφυκέναι δι’ ἔτουσ ἄνθη ἥδιστα καὶ εὐχρούστατα, ὅμοια ταῖσ καλουμέναισ κάλχαισ. τῶν δὲ καλχῶν μέμνηται καὶ Ἀλκμὰν ἐν τούτοισ· χρύσιον ὁρ́μον ἔχων ῥαδινᾶν πετάλοισι καλχᾶν. μνημονεύει αὐτῶν καὶ Ἐπίχαρμοσ ἐν Ἀγρωστίνῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 15, book 15, chapter 28

(아테나이오스, The Deipnosophists, Book 15, book 15, chapter 28)

상위

목록

SEARCH

MENU NAVIGATION