Ancient Greek Text

Athenaeus, The Deipnosophists, Book 2, book 2, chapter 32

(아테나이오스, The Deipnosophists, Book 2, book 2, chapter 32)

τράπεζαι ἐλεφαντόποδεσ τῶν ἐπιθημάτων ἐκ τῆσ καλουμένησ σφενδάμνου πεποιημένων. Κρατῖνοσ· γαυριῶσαι δ’ ἀναμένουσιν ὧδ’ ἐπηγλαισμέναι μείρακεσ φαιδραὶ τράπεζαι τρισκελεῖσ σφενδάμνιναι. εἰπόντοσ τινὸσ κυνικοῦ τρίποδα τὴν τράπεζαν δυσχεραίνει ὁ παρὰ τῷ σοφιστῇ Οὐλπιανὸσ καὶ λέγει· "τήμερον ἐγὼ ’ πράγματα ἕξω ἐξ ἀπραξίασ πόθεν γὰρ τούτῳ ὁ τρίπουσ; "εἰ μὴ τὴν Διογένουσ βακτηρίαν σὺν καὶ τὼ πόδε ἀριθμῶν οὗτοσ τρίποδα προσηγόρευσε, πάντων τραπέζασ καλούντων τὰσ παραθέσεισ ταύτασ. ὅτι Ἡσίοδοσ ἐν Κήυκοσ γάμῳ κἂν γὰρ γραμματικῶν παῖδεσ ἀποξενῶσι τοῦ ποιητοῦ τὰ ἔπη ταῦτα, ἀλλ’ ἐμοὶ δοκεῖ ἀρχαῖα εἶναι ‐ τρίποδασ τὰσ τραπέζασ φησί. καὶ Ξενοφῶν δ’ ὁ μουσικώτατοσ ἐν ζ’ Ἀναβάσεωσ γράφει· "τρίποδεσ εἰσηνέχθησαν πᾶσιν οὗτοι δὲ ὅσον εἴκοσι κρεῶν μεστοὶ νενεμημένων. καὶ ἐπάγει· "μάλιστα δ’ αἱ τράπεζαι κατὰ τοὺσ ξένουσ ἀεὶ ἐτίθεντο. ’ Ἀντιφάνησ · ἐπεὶ δ’ ὁ τρίπουσ ἤρθη κατὰ χειρῶν τ’ εἴχομεν.

Εὔβουλοσ· τρίποδεσ οὗτοι πέντε σοι καὶ πέντε Β. πεντηκοστολόγοσ γενήσομαι. Ἐπίχαρμοσ· τί δὲ τόδὲ ἐστί; β. δηλαδὴ τρίπουσ. α. τί μὰν ἔχει πόδασ τέτορασ; οὔκ ἐστιν τρίπουσ, ἀλλ’ ἐστὶν οἶμαι τετράπουσ. β. ἐστὶ δ’ ὄνομ’ αὐτῷ τρίπουσ, τέτοράσ γε μὰν ἔχει πόδασ. α. Οἰδίπουσ τοίνυν ποτ’ ἦν, αἴνιγμά τοι νοεῖσ. Ἀριστοφάνησ· τράπεζαν ἡμῖν εἴσφερε τρεῖσ πόδασ ἔχουσαν, τέτταρασ δὲ μὴ ’ χέτω. β.