헬라어 문장 검색 - Αρριαν́Αναβασί4́29́

(아리아노스, Anabasis, book 4, chapter 29)

τινέσ, σφᾶσ τε αὐτοὺσ ἐνδιδόντεσ καὶ ἡγήσεσθαι φάσκοντεσ ἐσ τῆσ πέτρασ τὸ ἐπιμαχώτατον, ὅθεν οὐ χαλεπὸν αὐτῷ ἔσεσθαι ἑλεῖν τὸ χωρίον. καὶ ξὺν τούτοισ πέμπει Πτολεμαῖον τὸν Λάγου τὸν σωματοφύλακα τούσ τε Ἀγριᾶνασ ἄγοντα καὶ τοὺσ ψιλοὺσ τοὺσ ἄλλουσ καὶ τῶν ὑπασπιστῶν ἐπιλέκτουσ, προστάξασ, ἐπειδὰν καταλάβῃ τὸ χωρίον, κατέχειν μὲν αὐτὸ ἰσχυρᾷ φυλακῇ, οἷ δὲ σημαίνειν ὅτι ἔχεται. καὶ Πτολεμαῖοσ ἐλθὼν ὁδὸν τραχεῖάν τε καὶ δύσπορον λανθάνει τοὺσ βαρβάρουσ κατασχὼν τὸν τόπον·

καὶ τοῦτον χάρακι ἐν κύκλῳ καὶ τάφρῳ ὀχυρώσασ πυρσὸν αἴρει ἀπὸ τοῦ ὄρουσ ἔνθεν ὀφθήσεσθαι ὑπὸ Ἀλεξάνδρου ἔμελλεν. καὶ ὤφθη τε ἅμα ἡ φλὸξ καὶ Ἀλέξανδροσ ἐπῆγε τῇ ὑστεραίᾳ τὴν στρατιάν· ἀμυνομένων δὲ τῶν βαρβάρων οὐδὲν πλέον αὐτῷ ὑπὸ δυσχωρίασ ἐγίγνετο. ὡσ δὲ Ἀλεξάνδρῳ ἄπορον τὴν προσβολὴν κατέμαθον οἱ βάρβαροι, ἀναστρέψαντεσ τοῖσ ἀμφὶ Πτολεμαῖον αὐτοὶ προσέβαλλον·

καὶ γίγνεται αὐτῶν τε καὶ τῶν Μακεδόνων μάχη καρτερά, τῶν μὲν διασπάσαι τὸν χάρακα σπουδὴν ποιουμένων, τῶν Ἰνδῶν, Πτολεμαίου δὲ διαφυλάξαι τὸ χωρίον· καὶ μεῖον σχόντεσ οἱ βάρβαροι ἐν τῷ ἀκροβολισμῷ νυκτὸσ ἐπιγενομένησ ἀπεχώρησαν. Ἀλέξανδροσ δὲ τῶν Ἰνδῶν τινα τῶν αὐτομόλων πιστόν τε ἄλλωσ καὶ τῶν χωρίων δαήμονα ἐπιλεξάμενοσ πέμπει παρὰ Πτολεμαῖον τῆσ νυκτὸσ, γράμματα φέροντα τὸν Ἰνδόν, ἵνα ἐνεγέγραπτο, ἐπειδὰν αὐτὸσ προσβάλλῃ τῇ πέτρᾳ, τὸν δὲ ἐπιέναι τοῖσ βαρβάροισ κατὰ τὸ ὄροσ μηδὲ ἀγαπᾶν ἐν φυλακῇ ἔχοντα τὸ χωρίον, ὡσ ἀμφοτέρωθεν βαλλομένουσ τοὺσ Ἰνδοὺσ ἀμφιβόλουσ γίγνεσθαι.

καὶ αὐτὸσ ἅμα τῇ ἡμέρᾳ ἄρασ ἐκ τοῦ στρατοπέδου προσῆγε τὴν στρατιὰν κατὰ τὴν πρόσβασιν, ᾗ Πτολεμαῖοσ λαθὼν ἀνέβη, γνώμην ποιούμενοσ, ὡσ, εἰ ταύτῃ βιασάμενοσ ξυμμίξει τοῖσ ἀμφὶ Πτολεμαῖον, οὐ χαλεπὸν ἔτι ἐσόμενον αὐτῷ τὸ ἔργον.

καὶ ξυνέβη οὕτωσ. ἔστε μὲν γὰρ ἐπὶ μεσημβρίαν ξυνειστήκει καρτερὰ μάχη τοῖσ τε Ἰνδοῖσ καὶ τοῖσ Μακεδόσιν, τῶν μὲν ἐκβιαζομένων ἐσ τὴν πρόσβασιν, τῶν δὲ βαλλόντων ἀνιόντασ·

ὡσ δὲ οὐκ ἀνίεσαν οἱ Μακεδόνεσ, ἄλλοι ἐπ̓ ἄλλοισ ἐπιόντεσ, οἱ δὲ πρόσθεν ἀναπαυόμενοι, μόγισ δὴ ἀμφὶ δείλην ἐκράτησαν τῆσ παρόδου καὶ ξυνέμιξαν τοῖσ ξὺν Πτολεμαίῳ. ἐκεῖθεν δὲ ὁμοῦ ἤδη γενομένη ἡ στρατιὰ πᾶσα ἐπήγετο αὖθισ ὡσ ἐπ̓ αὐτὴν τὴν πέτραν· ἀλλὰ γὰρ ἔτι ἄποροσ ἦν αὐτῇ ἡ προσβολή, ταύτῃ μὲν δὴ τῇ ἡμέρᾳ τοῦτο τὸ τέλοσ γίγνεται. Ὑπὸ δὲ τὴν ἑώ παραγγέλλει στρατιώτῃ ἑκάστῳ κόπτειν χάρακασ ἑκατὸν κατ̓ ἄνδρα.

καὶ οὗτοι κεκομμένοι ἦσαν καὶ αὐτὸσ ἐχώννυεν ἀρξάμενοσ ἀπὸ τῆσ κορυφῆσ τοῦ λόφου, ἵνα ἐστρατοπεδευκότεσ ἦσαν, ὡσ ἐπὶ τὴν πέτραν χῶμα μέγα, ἔνθεν τοξεύματά τε ἂν ἐξικνεῖσθαι ἐσ τοὺσ προμαχομένουσ [δυνατὰ] αὐτῷ ἐφαίνετο καὶ ἀπὸ μηχανῶν βέλη ἀφιέμενα· καὶ ἐχώννυον αὐτῷ πᾶσ τισ ἀντιλαμβανόμενοσ τοῦ ἔργου· καὶ αὐτὸσ ἐφειστήκει θεατὴσ καὶ ἐπαινέτησ τοῦ ξὺν προθυμίᾳ περαινομένου, κολαστὴσ δὲ τοῦ ἐν τῷ παραχρῆμα ἐκλιποῦσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 29

(아리아노스, Anabasis, book 4, chapter 29)

상위

목록

SEARCH

MENU NAVIGATION