헬라어 문장 검색 - Αρριαν́Αναβασί4́16́

(아리아노스, Anabasis, book 4, chapter 16)

Διαβὰσ οὖν ξὺν μέρει τῆσ στρατιᾶσ ἐσ τὴν Σογδιανήν, Πολυπέρχοντα δὲ καὶ Ἄτταλον καὶ Γοργίαν καὶ Μελέαγρον αὐτοῦ ἐν Βάκτροισ ὑπολιπόμενοσ τούτοισ μὲν παρήγγειλεν τήν τε χώραν ἐν φυλακῇ ἔχειν, ὡσ μή τι νεωτερίσωσιν οἱ ταύτῃ βάρβαροι, καὶ τοὺσ ἔτι ἀφεστηκότασ αὐτῶν ἐξαιρεῖν· αὐτὸσ δὲ ἐσ πέντε μέρη διελὼν τὴν ἅμα οἷ στρατιὰν τῶν μὲν Ἡφαιστίωνα ἄρχειν ἔταξε, τῶν δὲ Πτολεμαῖον τὸν Λάγου τὸν σωματοφύλακα·

τοῖσ τρίτοισ δὲ Περδίκκαν ἐπέταξε· τῆσ δὲ τετάρτησ τάξεωσ Κοῖνοσ καὶ Ἀρτάβαζοσ ἡγοῦντο αὐτῷ· τὴν δὲ πέμπτην μοῖραν ἀναλαβὼν αὐτὸσ ἐπῄει τὴν χώραν ὡσ ἐπὶ Μαράκανδα. καὶ οἱ ἄλλοι ὡσ ἑκάστοισ προὐχώρει ἐπῄεσαν, τοὺσ μέν τινασ τῶν ἐσ τὰ ἐρύματα ξυμπεφευγότων βίᾳ ἐξαιροῦντεσ, τοὺσ δὲ καὶ ὁμολογίᾳ προσχωροῦντάσ σφισιν ἀναλαμβάνοντεσ.

ὡσ δὲ ξύμπασα αὐτῷ ἡ δύναμισ ἐπελθοῦσα τῶν Σογδιανῶν τῆσ χώρασ τὴν πολλὴν ἐσ Μαράκανδα ἀφίκετο, Ἡφαιστίωνα μὲν ἐκπέμπει τὰσ ἐν τῇ Σογδιανῇ πόλεισ συνοικίζειν, Κοῖνον δὲ καὶ Ἀρτάβαζον ὡσ ἐσ Σκύθασ, ὅτι ἐσ Σκύθασ καταπεφευγέναι Σπιταμένησ αὐτῷ ἐξηγγέλλετο, αὐτὸσ δὲ ξὺν τῇ λοιπῇ στρατιᾷ ἐπιὼν τῆσ Σογδιανῆσ ὅσα ἔτι πρὸσ τῶν ἀφεστηκότων κατείχετο ταῦτα οὐ χαλεπῶσ ἐξῄρει. Ἐν τούτοισ δὲ Ἀλεξάνδρου ὄντοσ Σπιταμένησ τε καὶ σὺν αὐτῷ τῶν Σογδιανῶν τινεσ φυγάδων ἐσ τῶν Σκυθῶν τῶν Μασσαγετῶν καλουμένων τὴν χώραν ξυμπεφευγότεσ ξυναγαγόντεσ τῶν Μασσαγετῶν ἱππέασ ἑξακοσίουσ ἀφίκοντο πρόσ τι φρούριον τῶν κατὰ τὴν Βακτριανήν.

καὶ τῷ τε φρουράρχῳ οὐδὲν πολέμιον προσδεχομένῳ ἐπιπεσόντεσ καὶ τοῖσ ξὺν τούτῳ τὴν φυλακὴν ἔχουσιν τοὺσ μὲν στρατιώτασ διέφθειραν, τὸν φρούραρχον δὲ ἑλόντεσ ἐν φυλακῇ εἶχον.

θαρσήσαντεσ δὲ ἐπὶ τοῦ φρουρίου τῇ καταλήψει ὀλίγαισ ἡμέραισ ὕστερον Ζαριάσποισ πελάσαντεσ τῇ μὲν πόλει προσβαλεῖν ἀπέγνωσαν, λείαν δὲ πολλὴν περιβαλλόμενοι ἤλαυνον. Ἦσαν δὲ ἐν τοῖσ Ζαριάσποισ νόσῳ ὑπολελειμμένοι τῶν ἑταίρων ἱππέων οὐ πολλοὶ καὶ ξὺν τούτοισ Πείθων τε ὁ Σωσικλέουσ, ἐπὶ τῆσ βασιλικῆσ θεραπείασ τῆσ ἐν Ζαριάσποισ τεταγμένοσ, καὶ Ἀριστόνικοσ ὁ κιθαρῳδόσ.

καὶ οὗτοι αἰσθόμενοι τῶν Σκυθῶν τὴν καταδρομήν ἡ̓́δη γὰρ ἐκ τῆσ νόσου ἀναρρωσθέντεσ ὅπλα τε ἔφερον καὶ τῶν ἵππων ἐπέβαινον̓ ξυναγαγόντεσ τούσ τε μισθοφόρουσ ἱππέασ ἐσ ὀγδοήκοντα, οἳ ἐπὶ φυλακῇ τῶν Ζαριάσπων ὑπολελειμμένοι ἦσαν, καὶ τῶν παίδων τινὰσ τῶν βασιλικῶν ἐκβοηθοῦσιν ἐπὶ τοὺσ Μασσαγέτασ. καὶ τῇ μὲν πρώτῃ προσβολῇ οὐδὲν ὑποτοπήσασι τοῖσ Σκύθαισ ἐπιπεσόντεσ τήν τε λείαν ξύμπασαν ἀφείλοντο αὐτοὺσ καὶ τῶν ἀγόντων τὴν λείαν οὐκ ὀλίγουσ ἀπέκτειναν.

ἐπανιόντεσ δὲ αὐτοὶ ἀτάκτωσ, ἅτε οὐδενὸσ ἐξηγουμένου, ἐνεδρευθέντεσ πρὸσ Σπιταμένουσ καὶ τῶν Σκυθῶν τῶν μὲν ἑταίρων ἀποβάλλουσιν ἑπτά, τῶν δὲ μισθοφόρων ἱππέων ἑξήκοντα. καὶ Ἀριστόνικοσ ὁ κιθαρῳδὸσ αὐτοῦ ἀποθνήσκει, οὐ κατὰ κιθαρῳδὸν ἀνὴρ ἀγαθὸσ γενόμενοσ. Πείθων δὲ τρωθεὶσ ζῶν λαμβάνεται πρὸσ τῶν Σκυθῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 16

(아리아노스, Anabasis, book 4, chapter 16)

상위

목록

SEARCH

MENU NAVIGATION