헬라어 문장 검색 - Αρριαν́Αναβασί4́15́

(아리아노스, Anabasis, book 4, chapter 15)

Παῤ Ἀλέξανδρον δὲ ἧκεν καὶ αὖθισ Σκυθῶν τῶν ἐκ τῆσ Εὐρώπησ πρεσβεία ξὺν τοῖσ πρέσβεσιν οἷσ αὐτὸσ ἐσ Σκύθασ ἔστειλεν. ὁ μὲν δὴ τότε βασιλεὺσ τῶν Σκυθῶν ὅτε οὗτοι ὑπὸ Ἀλεξάνδρου ἐπέμποντο τετελευτηκὼσ ἐτύγχανεν, ἀδελφὸσ δὲ ἐκείνου ἐβασίλευεν. ἦν δὲ ὁ νοῦσ τῆσ πρεσβείασ ἐθέλειν ποιεῖν πᾶν τὸ ἐξ Ἀλεξάνδρου ἐπαγγελλόμενον Σκύθασ·

καὶ δῶρα ἔφερον Ἀλεξάνδρῳ παρὰ τοῦ βασιλέωσ τῶν Σκυθῶν ὅσα μέγιστα νομίζεται ἐν Σκύθαισ· καὶ τὴν θυγατέρα ὅτι ἐθέλει Ἀλεξάνδρῳ δοῦναι γυναῖκα βεβαιότητοσ οὕνεκα τῆσ πρὸσ Ἀλέξανδρον φιλίασ τε καὶ ξυμμαχίασ. εἰ δὲ ἀπαξιοῖ τὴν Σκυθῶν βασίλισσαν γῆμαι Ἀλέξανδροσ, ἀλλὰ τῶν γε σατραπῶν τῶν τῆσ Σκυθικῆσ χώρασ καὶ ὅσοι ἄλλοι δυνάσται κατὰ τὴν γὴν τὴν Σκυθίδα, τούτων τὰσ παῖδασ ἐθέλειν δοῦναι τοῖσ πιστοτάτοισ τῶν ἀμφ̓ Ἀλέξανδρον·

ἥξειν δὲ καὶ αὐτὸσ ἔφασκεν, εἰ κελεύοιτο, ὡσ παῤ αὐτοῦ Ἀλεξάνδρου ἀκοῦσαι ὅσα ἐπαγγέλλοι. ἀφίκετο δ̓ ἐν τούτῳ παῤ Ἀλέξανδρον καὶ Φαρασμάνησ ὁ Χορασμίων βασιλεὺσ ξὺν ἱππεῦσι χιλίοισ καὶ πεντακοσίοισ.

ἔφασκεν δὲ ὁ Φαρασμάνησ ὅμοροσ οἰκεῖν τῷ τε Κόλχων γένει καὶ ταῖσ γυναιξὶ ταῖσ Ἀμαζόσι, καὶ εἰ θέλοι Ἀλέξανδροσ ἐπὶ Κόλχουσ τε καὶ Ἀμαζόνασ ἐλάσασ καταστρέψασθαι τὰ ἐπὶ τὸν πόντον τὸν Εὔξεινον ταύτῃ καθήκοντα γένη, ὁδῶν τε ἡγεμὼν ἔσεσθαι ἐπηγγέλλετο καὶ τὰ ἐπιτήδεια τῇ στρατιᾷ παρασκευάσειν. Τοῖσ τε οὖν παρὰ τῶν Σκυθῶν ἥκουσι φιλάνθρωπα ἀποκρίνεται Ἀλέξανδροσ καὶ ἐσ τὸν τότε καιρὸν ξύμφορα, γάμου δὲ οὐδὲν δεῖσθαι Σκυθικοῦ, καὶ Φαρασμάνην ἐπαινέσασ τε καὶ φιλίαν καὶ ξυμμαχίαν πρὸσ αὐτὸν ξυνθέμενοσ αὑτῷ μὲν τότε οὐκ ἔφη ἐν καιρῷ εἶναι ἐλαύνειν ἐπὶ τὸν Πόντον·

Ἀρταβάζῳ δὲ τῷ Πέρσῃ, ὅτῳ τὰ Βακτρίων ἐξ Ἀλεξάνδρου ἐπετέτακτο, καὶ ὅσοι ἄλλοι πρόσχωροι τούτῳ σατράπαι ξυστήσασ Φαρασμάνην ἀποπέμπει ἐσ τὰ ἤθη τὰ αὐτοῦ. αὑτῷ δὲ τὰ Ἰνδῶν ἔφη ἐν τῷ τότε μέλειν.

τούτουσ γὰρ καταστρεψάμενοσ πᾶσαν ἂν ἤδη ἔχειν τὴν Ἀσίαν· ἐχομένησ δὲ τῆσ Ἀσίασ ἐπανιέναι ἂν ἐσ τὴν Ἑλλάδα, ἐκεῖθεν δ̓ ἐφ̓ Ἑλλησπόντου τε καὶ τῆσ Προποντίδοσ ξὺν τῇ δυνάμει πάσῃ τῇ τε ναυτικῇ καὶ τῇ πεζικῇ ἐλάσειν εἴσω τοῦ Πόντου· καὶ ἐσ τὸ τότε ἠξίου ἀποθέσθαι Φαρασμάνην ὅσα ἐν τῷ παραυτίκα ἐπηγγέλλετο. Αὐτὸσ δὲ ἐπὶ τὸν Ὄξον τε ποταμὸν ᾔει αὖθισ καὶ εἰσ τὴν Σογδιανὴν προχωρεῖν ἐγνώκει, ὅτι πολλοὺσ τῶν Σογδιανῶν ἐσ τὰ ἐρύματα ξυμπεφευγέναι ἠγγέλλετο οὐδὲ ἐθέλειν κατακούειν τοῦ σατράπου, ὅστισ αὐτοῖσ ἐξ Ἀλεξάνδρου ἐπετέτακτο.

στρατοπεδεύοντοσ δὲ αὐτοῦ ἐπὶ τῷ ποταμῷ τῷ Ὄξῳ οὐ μακρὰν τῆσ σκηνῆσ τῆσ αὐτοῦ Ἀλεξάνδρου πηγὴ ὕδατοσ καὶ ἄλλη ἐλαίου πηγὴ πλησίον αὐτῆσ ἀνέσχε. καὶ Πτολεμαίῳ τῷ Λάγου τῷ σωματοφύλακι ἐπειδὴ ἐσηγγέλθη τὸ τέρασ, Πτολεμαῖοσ Ἀλεξάνδρῳ ἔφρασεν.

Ἀλέξανδροσ δὲ ἔθυεν ἐπὶ τῷ φάσματι ὅσα οἱ μάντεισ ἐξηγοῦντο. Ἀρίστανδροσ δὲ πόνων εἶναι σημεῖον τοῦ ἐλαίου τὴν πηγὴν ἔφασκεν, ἀλλὰ καὶ νίκην ἐπὶ τοῖσ πόνοισ σημαίνειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 15

(아리아노스, Anabasis, book 4, chapter 15)

상위

목록

SEARCH

MENU NAVIGATION