헬라어 문장 검색 - Αρριαν́Αναβασί4́13́

(아리아노스, Anabasis, book 4, chapter 13)

Ἐκ Φιλίππου ἦν ἤδη καθεστηκὸσ τῶν ἐν τέλει Μακεδόνων τοὺσ παῖδασ ὅσοι ἐσ ἡλικίαν ἐμειρακιεύοντο καταλέγεσθαι ἐσ θεραπείαν τοῦ βασιλέωσ, τά τε περὶ τὴν ἄλλην δίαιταν τοῦ σώματοσ διακονεῖσθαι βασιλεῖ καὶ κοιμώμενον φυλάσσειν τούτοισ ἐπετέτραπτο. καὶ ὁπότε ἐξελαύνοι βασιλεύσ, τοὺσ ἵππουσ παρὰ τῶν ἱπποκόμων δεχόμενοι ἐκεῖνοι προσῆγον καὶ ἀνέβαλλον οὗτοι βασιλέα τὸν Περσικὸν τρόπον καὶ τῆσ ἐπὶ θήρᾳ φιλοτιμίασ βασιλεῖ κοινωνοὶ ἦσαν. τούτων καὶ Ἑρμόλαοσ ἦν, Σωπόλιδοσ μὲν παῖσ, φιλοσοφίᾳ δὲ ἐδόκει προσέχειν τὸν νοῦν καὶ Καλλισθένην θεραπεύειν ἐπὶ τῷδε.

ὑπὲρ τούτου λόγοσ κατέχει, ὅτι ἐν θήρᾳ προσφερομένου Ἀλεξάνδρῳ συὸσ ἔφθη βαλὼν τὸν σῦν ὁ Ἑρμόλαοσ· καὶ ὁ μὲν σῦσ πίπτει βληθείσ, Ἀλέξανδροσ δὲ τοῦ καιροῦ ὑστερήσασ ἐχαλέπηνε τῷ Ἑρμολάῳ καὶ κελεύει αὐτὸν πρὸσ ὀργὴν πληγὰσ λαβεῖν ὁρώντων τῶν ἄλλων παίδων, καὶ τὸν ἵππον αὐτοῦ ἀφείλετο. Τοῦτον τὸν Ἑρμόλαον ἀλγήσαντα τῇ ὕβρει φράσαι πρὸσ Σώστρατον τὸν Ἀμύντου, ἡλικιώτην τε ἑαυτοῦ καὶ ἐραστὴν ὄντα, ὅτι οὐ βιωτόν οἵ ἐστι μὴ τιμωρησαμένῳ Ἀλέξανδρον τῆσ ὕβρεωσ, καὶ τὸν Σώστρατον οὐ χαλεπῶσ συμπεῖσαι μετασχεῖν τοῦ ἔργου, ἅτε ἐρῶντα.

ὑπὸ τούτων δὲ ἀναπεισθῆναι Ἀντίπατρόν τε τὸν Ἀσκληπιοδώρου τοῦ Συρίασ σατραπεύσαντοσ καὶ Ἐπιμένην τὸν Ἀρσαίου καὶ Ἀντικλέα τὸν Θεοκρίτου καὶ Φιλώταν τὸν Κάρσιδοσ τοῦ Θρᾳκόσ.

ὡσ οὖν περιῆκεν ἐσ Ἀντίπατρον ἡ νυκτερινὴ φυλακή, ταύτῃ τῇ νυκτὶ ξυγκείμενον εἶναι ἀποκτεῖναι Ἀλέξανδρον, κοιμωμένῳ ἐπιπεσόντασ. Ξυμβῆναι δὲ οἱ μὲν αὐτομάτωσ λέγουσιν ἔστε ἐφ̓ ἡμέραν πίνειν Ἀλέξανδρον, Ἀριστόβουλοσ δὲ ὧδε ἀνέγραψε.

Σύραν γυναῖκα ἐφομαρτεῖν Ἀλεξάνδρῳ κάτοχον ἐκ τοῦ θείου γιγνομένην· καὶ ταύτην τὸ μὲν πρῶτον γέλωτα εἶναι Ἀλεξάνδρῳ τε καὶ τοῖσ ἀμφ αὐτόν· ὡσ δὲ τὰ πάντα ἐν τῇ κατοχῇ ἀληθεύουσα ἐφαίνετο, οὐκέτι ἀμελεῖσθαι ὑπ̓ Ἀλεξάνδρου, ἀλλ̓ εἶναι γὰρ τῇ Σύρᾳ πρόσοδον πρὸσ τὸν βασιλέα καὶ νύκτωρ καὶ μεθ̓ ἡμέραν, καὶ καθεύδοντι πολλάκισ ἤδη ἐπιστῆναι. καὶ δὴ καὶ τότε ἀπαλλασσομένου ἐκ τοῦ πότου κατεχομένην ἐκ τοῦ θείου ἐντυχεῖν, καὶ δεῖσθαι ἐπανελθόντα πίνειν ὅλην τὴν νύκτα·

καὶ Ἀλέξανδρον θεῖόν τι εἶναι νομίσαντα ἐπανελθεῖν τε καὶ πίνειν, καὶ οὕτωσ τοῖσ παισὶ διαπεσεῖν τὸ ἔργον. Τῇ δὲ ὑστεραίᾳ Ἐπιμένησ ὁ Ἀρσαίου τῶν μετεχόντων τῆσ ἐπιβουλῆσ φράζει τὴν πρᾶξιν Χαρικλεῖ τῷ Μενάνδρου, ἐραστῇ ἑαυτοῦ γεγονότι·

Χαρικλῆσ δὲ φράζει Εὐρυλόχῳ τῷ ἀδελφῷ τῷ Ἐπιμένουσ. καὶ ὁ Εὐρύλοχοσ ἐλθὼν ἐπὶ τὴν σκηνὴν τὴν Ἀλεξάνδρου Πτολεμαίῳ τῷ Λάγου τῷ σωματοφύλακι καταλέγει ἅπαν τὸ πρᾶγμα· ὁ δὲ Ἀλεξάνδρῳ ἔφρασε. καὶ ὁ Ἀλέξανδροσ ξυλλαβεῖν κελεύει ὧν τὰ ὀνόματα εἶπεν ὁ Εὐρύλοχοσ· καὶ οὗτοι στρεβλούμενοι σφῶν τε αὐτῶν κατεῖπον τὴν ἐπιβουλὴν καί τινασ καὶ ἄλλουσ ὠνόμασαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 13

(아리아노스, Anabasis, book 4, chapter 13)

상위

목록

SEARCH

MENU NAVIGATION