헬라어 문장 검색 - Αρριαν́Αναβασί4́11́

(아리아노스, Anabasis, book 4, chapter 11)

πρὸσ Ἀναξάρχου τοὺσ μὲν μετεσχηκότασ τῆσ βουλῆσ ἐπαινεῖν τὸν λόγον καὶ δὴ ἐθέλειν ἄρχεσθαι τῆσ προσκυνήσεωσ, τοὺσ Μακεδόνασ δὲ τοὺσ πολλοὺσ ἀχθομένουσ τῷ λόγῳ σιγῇ ἔχειν. Καλλισθένην δὲ ὑπολαβόντα, Ἀλέξανδρον μὲν, εἰπεῖν, ὦ Ἀνάξαρχε, οὐδεμιᾶσ ἀνάξιον ἀποφαίνω τιμῆσ ὅσαι ξύμμετροι ἀνθρώπῳ·

ἀλλὰ διακεκρίσθαι γὰρ τοῖσ ἀνθρώποισ ὅσαι τε ἀνθρώπιναι τιμαὶ καὶ ὅσαι θεῖαι πολλοῖσ μὲν καὶ ἄλλοισ, καθάπερ ναῶν τε οἰκοδομήσει καὶ ἀγαλμάτων ἀναστάσει καὶ τεμένη ὅτι τοῖσ θεοῖσ ἐξαιρεῖται καὶ θύεται ἐκείνοισ καὶ σπένδεται, καὶ ὕμνοι μὲν ἐσ τοὺσ θεοὺσ ποιοῦνται, ἔπαινοι δὲ ἐσ ἀνθρώπουσ, ‐ ἀτὰρ οὐχ ἥκιστα τῷ τῆσ προσκυνήσεωσ νόμῳ. τοὺσ μὲν γὰρ ἀνθρώπουσ φιλεῖσθαι πρὸσ τῶν ἀσπαζομένων, τὸ θεῖον δέ, ὅτι ἄνω που ἱδρυμένον καὶ οὐδὲ ψαῦσαι αὐτοῦ θέμισ, ἐπὶ τῷδε ἄρα τῇ προσκυνήσει γεραίρεται, καὶ χοροὶ τοῖσ θεοῖσ ἵστανται καὶ παιᾶνεσ ἐπὶ τοῖσ θεοῖσ ᾅδονται.

καὶ οὐδὲν θαυμαστόν, ὁπότε γε καὶ αὐτῶν τῶν θεῶν ἄλλοισ ἄλλαι τιμαὶ πρόσκεινται, καὶ ναὶ μὰ Δία ἡρ́ωσιν ἄλλαι, καὶ αὗται ἀποκεκριμέναι τοῦ θείου. οὔκουν εἰκὸσ ξύμπαντα ταῦτα ἀναταράσσοντασ τοὺσ μὲν ἀνθρώπουσ ἐσ σχῆμα ὑπέρογκον καθιστάναι τῶν τιμῶν ταῖσ ὑπερβολαῖσ, τοὺσ θεοὺσ δὲ τό γε ἐπὶ σφίσιν ἐσ ταπεινότητα οὐ πρέπουσαν καταβάλλειν τὰ ἴσα ἀνθρώποισ τιμῶντασ.

οὔκουν οὐδὲ Ἀλέξανδρον ἀνασχέσθαι ἄν, εἰ τῶν ἰδιωτῶν τισ εἰσποιοῖτο ταῖσ βασιλικαῖσ τιμαῖσ χειροτονίᾳ ἢ ψήφῳ οὐ δικαίᾳ. πολὺ ἂν οὖν δικαιότερον τοὺσ θεοὺσ δυσχεραίνειν ὅσοι ἄνθρωποι ἐσ τὰσ θείασ τιμὰσ σφᾶσ εἰσποιοῦσιν ἢ πρὸσ ἄλλων εἰσποιούμενοι ἀνἐχονται.

Ἀλέξανδρον δὲ πόρρω τοῦ ἱκανοῦ ἀνδρῶν ἀγαθῶν τὸν ἄριστον εἶναί τε καὶ δοκεῖν, καὶ βασιλέων τὸν βασιλικώτατον καὶ στρατηγῶν τὸν ἀξιοστρατηγότατον. καὶ σέ, εἴπερ τινὰ ἄλλον, ὦ Ἀνάξαρχε, εἰσηγητήν τε τούτων τῶν λόγων ἐχρῆν γίγνεσθαι καὶ κωλυτὴν τῶν ἐναντίων, ἐπὶ σοφίᾳ τε καὶ παιδεύσει Ἀλεξάνδρῳ ξυνόντα.

οὔκουν ἄρχειν γε τοῦδε τοῦ λόγου πρέπον ἦν, ἀλλὰ μεμνῆσθαι γὰρ οὐ Καμβύσῃ οὐδὲ Ξέρξῃ ξυνόντα ἢ ξυμβουλεύοντα, ἀλλὰ Φιλίππου μὲν παιδί, Ἡρακλείδῃ δὲ ἀπὸ γένουσ καὶ Αἰακίδῃ, ὅτου οἱ πρόγονοι ἐξ Ἄργουσ ἐσ Μακεδονίαν ἦλθον, οὐδὲ βίᾳ, ἀλλὰ νόμῳ Μακεδόνων ἄρχοντεσ διετέλεσαν. οὔκουν οὐδὲ αὐτῷ τῷ Ἡρακλεῖ ζῶντι ἔτι θεῖαι τιμαὶ παῤ Ἑλλήνων ἐγένοντο, ἀλλ̓ οὐδὲ τελευτήσαντι πρόσθεν ἤ πρὸσ τοῦ θεοῦ τοῦ ἐν Δελφοῖσ ἐπιθεσπισθῆναι ὡσ θεὸν τιμᾶν Ἡρακλέα.

εἰ δέ, ὅτι ἐν τῇ βαρβάρῳ γῇ οἱ λόγοι γίγνονται, βαρβαρικὰ χρὴ ἔχειν τὰ φρονήματα, καὶ ἐγὼ τῆσ Ἑλλάδοσ μεμνῆσθαί σε ἀξιῶ, ὦ Αλέξανδρε, ἧσ ἕνεκα ὁ πᾶσ στόλοσ σοι ἐγένετο, προσθεῖναι τὴν Ἀσίαν τῇ Ἑλλάδι. καὶ οὖν ἐνθυμήθητι, ἐκεῖσε ἐπανελθὼν ἆρά γε καὶ τοὺσ Ἕλληνασ τοὺσ ἐλευθερωτάτουσ προσαναγκάσεισ ἐσ τὴν προσκύνησιν, ἢ Ἑλλήνων μὲν ἀφέξῃ, Μακεδόσι δὲ προσθήσεισ τήνδε τὴν ἀτιμίαν, ἢ διακεκριμένα ἔσται σοι αὐτῷ τὰ τῶν τιμῶν ἐσ ἅπαν, ὡσ πρὸσ Ἑλλήνων μὲν καὶ Μακεδόνων ἀνθρωπίνωσ τε καὶ Ἑλληνικῶσ τιμᾶσθαι, πρὸσ δὲ τῶν βαρβάρων μόνων βαρβαρικῶσ;

εἰ δὲ ὑπὲρ Κύρου τοῦ Καμβύσου λέγεται πρῶτον προσκυνηθῆναι ἀνθρώπων Κῦρον καὶ ἐπὶ τῷδε ἐμμεῖναι Πέρσαισ τε καὶ Μήδοισ τήνδε τὴν ταπεινότητα, χρὴ ἐνθυμεῖσθαι ὅτι τὸν Κῦρον ἐκεῖνον Σκύθαι ἐσωφρόνισαν, πένητεσ ἄνδρεσ καὶ αὐτόνομοι, καὶ Δαρεῖον ἄλλοι αὖ Σκύθαι, καὶ Ξέρξην Ἀθηναῖοι καὶ Λακεδαιμόνιοι, καὶ Ἀρτοξέρξην Κλέαρχοσ καὶ Ξενοφῶν καὶ οἱ ξὺν τούτοισ μύριοι, καὶ Δαρεῖον τοῦτον Ἀλέξανδροσ μὴ προσκυνούμενοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 11

(아리아노스, Anabasis, book 4, chapter 11)

상위

목록

SEARCH

MENU NAVIGATION