헬라어 문장 검색 - Αρριαν́Αναβασί4́08́

(아리아노스, Anabasis, book 4, chapter 8)

Ἔνθα δὴ καὶ τὸ Κλείτου τοῦ Δρωπίδου πάθημα καὶ τὴν Ἀλεξάνδρου ἐπ̓ αὐτῷ ξυμφοράν, εἰ καὶ ὀλίγον ὕστερον ἐπράχθη, οὐκ ἔξω τοῦ καιροῦ ἀφηγήσομαι. εἶναι μὲν γὰρ ἡμέραν ἱερὰν τοῦ Διονύσου Μακεδόσι καὶ θύειν Διονύσῳ ὅσα ἔτη ἐν αὐτῇ Ἀλέξανδρον· τὸν δὲ τοῦ Διονύσου μὲν ἐν τῷ τότε ἀμελῆσαι λέγουσι, Διοσκούροιν δὲ θῦσαι, ἐξ ὅτου δὴ ἐπιφρασθέντα τοῖν Διοσκούροιν τὴν θυσίαν·

πόρρω δὲ τοῦ πότου προϊόντοσ ̔καὶ γὰρ καὶ τὰ τῶν πότων ἤδη Ἀλεξάνδρῳ ἐσ τὸ βαρβαρικώτερον νενεωτέριστὀ ἀλλ̓ ἐν γε τῷ πότῳ τότε ὑπὲρ τοῖν Διοσκούροιν λόγουσ γίγνεσθαι, ὅπωσ ἐσ Δία ἀνηνέχθη αὐτοῖν ἡ γένεσισ ἀφαιρεθεῖσα Τυνδάρεω. καί τινασ τῶν παρόντων κολακείᾳ τῇ Ἀλεξάνδρου, οἱοῖ δὴ ἄνδρεσ διέφθειράν τε ἀεὶ καὶ οὔποτε παύσονται ἐπιτρίβοντεσ τὰ τῶν ἀεὶ βασιλέων πράγματα, κατ̓ οὐδὲν ἀξιοῦν συμβάλλειν Ἀλεξάνδρῳ τε καὶ τοῖσ Ἀλεξάνδρου ἔργοισ τὸν Πολυδεύκην καὶ τὸν Κάστορα.

οἱ δὲ οὐδὲ τοῦ Ἡρακλέουσ ἀπείχοντο ἐν τῷ πότῳ· ἀλλὰ τὸν φθόνον γὰρ ἐμποδὼν ἵστασθαι τοῖσ ζῶσι τὸ μὴ οὐ τὰσ δικαίασ τιμὰσ αὐτοῖσ ἐκ τῶν ξυνόντων γίγνεσθαι. Κλεῖτον δὲ δῆλον μὲν εἶναι πάλαι ἤδη ἀχθόμενον τοῦ τε Ἀλεξάνδρου τῇ ἐσ τὸ βαρβαρικώτερον μετακινήσει καὶ τῶν κολακευόντων αὐτὸν τοῖσ λόγοισ τότε δὲ καὶ αὐτὸν πρὸσ τοῦ οἴνου παροξυνόμενον οὐκ ἐᾶν οὔτε ἐσ τὸ θεῖον ὑβρίζειν, οὔτε [ἐσ] τὰ τῶν πάλαι ἡρώων ἔργα ἐκφαυλίζοντασ χάριν ταύτην ἄχαριν προστιθέναι Ἀλεξάνδρῳ.

εἶναι γὰρ οὖν οὐδὲ τὰ Ἀλεξάνδρου οὕτω τι μεγάλα καὶ θαυμαστὰ ὡσ ἐκεῖνοι ἐπαίρουσιν·

οὔκουν μόνον καταπρᾶξαι αὐτὰ, ἀλλὰ τὸ πολὺ γὰρ μέροσ Μακεδόνων εἶναι τὰ ἔργα. καὶ τοῦτον τὸν λόγον ἀνιᾶσαι Ἀλέξανδρον λεχθέντα. οὐδὲ ἐγὼ ἐπαινῶ τὸν λόγον, ἀλλὰ ἱκανὸν γὰρ εἶναι τίθεμαι ἐν τοιᾷδε παροινίᾳ τὸ καθ̓ αὑτὸν σιγῶντα ἔχειν μηδὲ τὰ αὐτὰ τοῖσ ἄλλοισ ἐσ κολακείαν πλημμελεῖν. ὡσ δὲ καὶ τῶν Φιλίππου τινὲσ ἔργων, ὅτι οὐ μεγάλα οὐδὲ θαυμαστὰ Φιλίππῳ κατεπράχθη, οὐδεμιᾷ ξὺν δίκῃ ἐπεμνήσθησαν, χαριζόμενοι καὶ οὗτοι Ἀλεξάνδρῳ, τὸν Κλεῖτον ἤδη οὐκέτι ἐν ἑαυτοῦ ὄντα πρεσβεύειν μὲν τὰ τοῦ Φιλίππου, καταβάλλειν δὲ Ἀλέξανδρόν τε καὶ τὰ τούτου ἔργα, παροινοῦντα ἤδη τὸν Κλεῖτον, τά τε ἄλλα καὶ πολὺν εἶναι ἐξονειδίζοντα Ἀλεξάνδρῳ, ὅτι πρὸσ αὑτοῦ ἄρα ἐσώθη, ὁπότε ἡ ἱππομαχία ἡ ἐπὶ Γρανίκῳ ξυνειστήκει πρὸσ Πέρσασ·

καὶ δὴ καὶ τὴν δεξιὰν τὴν αὑτοῦ σοβαρῶσ ἀνατείναντα, αὕτη σε ἡ χείρ, φάναι, ὦ Ἀλέξανδρε, ἐν τῷ τότε ἔσωσε.

καὶ Ἀλέξανδρον οὐκέτι φέρειν τοῦ Κλείτου τὴν παροινίαν τε καὶ ὕβριν, ἀλλὰ ἀναπηδᾶν γὰρ ξὺν ὀργῇ ἐπ̓ αὐτόν, κατέχεσθαι δὲ ὑπὸ τῶν ξυμπινόντων. Κλεῖτον δὲ οὐκ ἀνιέναι ὑβρίζοντα. Ἀλέξανδροσ δὲ ἐβόα ἄρα καλῶν τοὺσ ὑπασπιστάσ·

οὐδενὸσ δὲ ὑπακούοντοσ ἐσ ταὐτὰ ἔφη καθεστηκέναι Δαρείῳ, ὁπότε πρὸσ Βήσσου τε καὶ τῶν ἀμφὶ Βῆσσον ξυλληφθεὶσ ἤγετο οὐδὲν ἄλλο ὅτι μὴ ὄνομα ὢν βασιλέωσ. οὔκουν ἔτι οἱούσ τε εἶναι κατέχειν αὐτὸν τοὺσ ἑταίρουσ, ἀλλ̓ ἀναπηδήσαντα γὰρ οἱ μὲν λόγχην ἁρπάσαι λέγουσι τῶν σωματοφυλάκων τινὸσ καὶ ταύτῃ παίσαντα Κλεῖτον ἀποκτεῖναι, οἱ δὲ σάρισσαν παρὰ τῶν φυλάκων τινὸσ καὶ ταύτην. Ἀριστόβουλοσ βουλοσ δὲ ὅθεν μὲν ἡ παροινία ὡρμήθη οὐ λέγει, Κλείτου δὲ γενέσθαι μόνου τὴν ἁμαρτίαν, ὅν γε ὠργισμένου Ἀλεξάνδρου καὶ ἀναπηδήσαντοσ ἐπ̓ αὐτὸν ὡσ διαχρησομένου ἀπαχθῆναι μὲν διὰ θυρῶν ἔξω ὑπὲρ τὸ τεῖχόσ τε καὶ τὴν τάφρον τῆσ ἄκρασ, ἵνα ἐγίνετο, πρὸσ Πτολεμαίου τοῦ Λάγου τοῦ σωματοφύλακοσ·

οὐ καρτερήσαντα δὲ ἀναστρέψαι αὖθισ καὶ περιπετῆ Ἀλεξάνδρῳ γενέσθαι Κλεῖτον ἀνακαλοῦντι, καὶ φάναι ὅτι· οὗτόσ τοι ἐγὼ ὁ Κλεῖτοσ, ὦ Ἀλέξανδρε· καὶ ἐν τούτῳ πληγέντα τῇ σαρίσσῃ ἀποθανεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 8

(아리아노스, Anabasis, book 4, chapter 8)

상위

목록

SEARCH

MENU NAVIGATION