헬라어 문장 검색 - Αρριαν́Αναβασί4́04́

(아리아노스, Anabasis, book 4, chapter 4)

ἀλλ̓ ἐκτοξεύοντεσ ἐσ τὸν ποταμὸν ἑωρῶντο οὐ πλατὺν ταύτῃ ὄντα, καί τινα καὶ πρὸσ ὕβριν τοῦ Ἀλεξάνδρου βαρβαρικῶσ ἐθρασύναντο, ὡσ οὐκ ἄν τολμήσαντα Αλέξανδρον ἅψασθαι Σκυθῶν ἤ μαθόντα ἄν ὅτι περ τὸ διάφορον Σκύθαισ τε καὶ τοῖσ Ἀσιανοῖσ βαρβάροισ, ‐ ὑπὸ τούτων παροξυνόμενοσ ἐπενόει διαβαίνειν ἐπ̓ αὐτοὺσ καὶ τὰσ διφθέρασ παρεσκεύαζεν ἐπὶ τῷ πόρῳ. θυομένῳ δὲ ἐπὶ τῇ διαβάσει τὰ ἱερὰ οὐκ ἐγίγνετο·

ὁ δὲ βαρέωσ μὲν ἔφερεν οὐ γιγνομένων, ὅμωσ δὲ ἐκαρτέρει καὶ ἔμενεν. ὡσ δὲ οὐκ ἀνίεσαν οἱ Σκύθαι, αὖθισ ἐπὶ τῇ διαβάσει ἐθύετο, καὶ αὖ ἐσ κίνδυνον αὐτῷ σημαίνεσθαι Ἀρίστανδροσ ὁ μάντισ ἔφραζεν· ὁ δὲ κρεῖσσον ἔφη ἐσ ἔσχατον κινδύνου ἐλθεῖν ἤ κατεστραμμένον ξύμπασαν ὀλίγου δεῖν τὴν Ἀσίαν γέλωτα εἶναι Σκύθαισ, καθάπερ Δαρεῖοσ ὁ Ξέρξου πατὴρ πάλαι ἐγένετο. Ἀρίστανδροσ δὲ οὐκ ἔφη παρὰ τὰ ἐκ τοῦ θείου σημαινόμενα ἄλλα ἀποδείξεσθαι, ὅτι ἄλλα ἐθέλει ἀκοῦσαι Ἀλέξανδροσ. Ὁ δέ, ὡσ αἵ τε διφθέραι αὐτῷ παρεσκευασμέναι ἦσαν ἐπὶ τῷ πόρῳ καὶ ὁ στρατὸσ ἐξωπλισμένοσ ἐφειστήκει τῷ ποταμῷ, αἵ τε μηχαναὶ ἀπὸ ξυνθήματοσ ἐξηκόντιζον ἐσ τοὺσ Σκύθασ παριππεύοντασ ἐπὶ τῇ ὄχθῃ καὶ ἔστιν οἳ αὐτῶν ἐτιτρώσκοντο ἐκ τῶν βελῶν, εἷσ δὲ δὴ διὰ τοῦ γέρρου τε καὶ τοῦ θώρακοσ διαμπὰξ πληγεὶσ πίπτει ἀπὸ τοῦ ἵππου, οἱ μὲν ἐξεπλάγησαν πρόσ τε τῶν βελῶν τὴν διὰ μακροῦ ἄφεσιν καὶ ὅτι ἀνὴρ ἀγαθὸσ αὐτοῖσ τετελευτήκει, καὶ ὀλίγον ἀνεχώρησαν ἀπὸ τῆσ ὄχθησ·

Ἀλέξανδροσ δὲ τεταραγμένουσ πρὸσ τὰ βέλη ἰδὼν ὑπὸ σαλπίγγων ἐπέρα τὸν ποταμὸν αὐτὸσ ἡγούμενοσ·

εἵπετο δὲ αὐτῷ καὶ ἡ ἄλλη στρατιά. πρῶτον μὲν δὴ τοὺσ τοξότασ καὶ σφενδονήτασ ἀποβιβάσασ σφενδονᾶν τε καὶ ἐκτοξεύειν ἐκέλευσεν ἐσ τοὺσ Σκύθασ, ὡσ μὴ πελάζειν αὐτοὺσ τῇ φάλαγγι τῶν πεζῶν ἐκβαινούσῃ, πρὶν τὴν ἵππον αὐτῷ διαβῆναι πᾶσαν. ὡσ δὲ ἀθρόοι ἐπὶ τῇ ὄχθῃ ἐγένοντο, ἐφῆκεν ἐπὶ τοὺσ Σκύθασ τὸ μὲν πρῶτον μίαν ἱππαρχίαν τῶν ξένων καὶ τῶν σαρισσοφόρων ἴλασ τέσσαρασ·

καὶ τούτουσ δεξάμενοι οἱ Σκύθαι καὶ ἐσ κύκλουσ περιϊππεύοντεσ ἔβαλλόν τε πολλοὶ ὀλίγουσ καὶ αὐτοὶ οὐ χαλεπῶσ διεφύγγανον. Ἀλέξανδροσ δὲ τούσ τε τοξότασ καὶ τοὺσ Ἀγριᾶνασ καὶ τοὺσ ἄλλουσ ψιλούσ, ὧν Βάλακροσ ἦρχεν, ἀναμίξασ τοῖσ ἱππεῦσιν ἐπῆγεν ἐπὶ τοὺσ Σκύθασ. ὡσ δὲ ὁμοῦ ἤδη ἐγίγνοντο, ἐλάσαι ἐκέλευσεν ἐσ αὐτοὺσ τῶν τε ἑταίρων τρεῖσ ἱππαρχίασ καὶ τοὺσ ἱππακοντιστὰσ ξύμπαντασ·

καὶ αὐτὸσ δὲ τὴν λοιπὴν ἵππον ἄγων σπουδῇ ἐνέβαλεν ὀρθίαισ ταῖσ ἴλαισ. οὔκουν ἔτι οἱοῖ́ τε ἦσαν ἐξελίσσειν τὴν ἱππασίαν ἐσ κύκλουσ, ὡσ πρόσθεν ἔτι· ὁμοῦ μὲν γὰρ ἡ ἵπποσ προσέκειτο αὐτοῖσ, ὁμοῦ δὲ οἱ ψιλοὶ ἀναμεμιγμένοι τοῖσ ἱππεῦσιν οὐκ εἰών τὰσ ἐπιστροφὰσ ἀσφαλεῖσ ποιεῖσθαι. ἔνθα λαμπρὰ ἤδη φυγὴ τῶν Σκυθῶν ἦν· καὶ πίπτουσι μὲν αὐτῶν ἐσ χιλίουσ καὶ εἷσ τῶν ἡγεμόνων, Σατράκησ, ἑάλωσαν δὲ ἐσ ἑκατὸν καὶ πεντήκοντα.

ὡσ δὲ ἡ δίωξισ ὀξεῖά τε καὶ διὰ καύματοσ πολλοῦ ταλαιπώρωσ ἐγίνετο, δίψει τε ἡ στρατιὰ πᾶσα εἴχετο καὶ αὐτὸσ Ἀλέξανδροσ ἐλαύνων πίνει ὁποῖον ἦν ὕδωρ ἐν τῇ γῇ ἐκείνῃ. καὶ ἦν γὰρ πονηρὸν τὸ ὕδωρ, ῥεῦμα ἀθρόον κατασκήπτει αὐτῷ ἐσ τὴν γαστέρα·

καὶ ἐπὶ τῷδε ἡ δίωξισ οὐκ ἐπὶ πάντων Σκυθῶν ἐγένετο· εἰ δὲ μή, δοκοῦσιν ἄν μοι καὶ πάντεσ διαφθαρῆναι ἐν τῇ φυγῇ, εἰ μὴ Ἀλεξάνδρῳ τὸ σῶμα ἔκαμεν. καὶ αὐτὸσ ἐσ ἔσχατον κινδύνου ἐλθὼν ἐκομίσθη ὀπίσω ἐσ τὸ στρατόπεδον. καὶ οὕτω ξυνέβη ἡ μαντεία Ἀριστάνδρῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 4, chapter 4

(아리아노스, Anabasis, book 4, chapter 4)

상위

목록

SEARCH

MENU NAVIGATION