Arrian, Anabasis, book 1, chapter 26 4:

εἰσὶ δὲ οἱ Σιδῆται Κυμαῖοι ἐκ Κύμησ τῆσ Αἰολίδοσ· καὶ οὗτοι λέγουσιν ὑπὲρ σφῶν τόνδε τὸν λόγον, ὅτι, ὡσ κατῆράν τε ἐσ τὴν γῆν ἐκείνην οἱ πρῶτοι ἐκ Κύμησ σταλέντεσ καὶ ἐπὶ οἰκισμᾷ ἐξέβησαν, αὐτίκα τὴν μὲν Ἑλλάδα γλῶσσαν ἐξελάθοντο, εὐθὺσ δὲ βάρβαρον φωνὴν ἱέσαν, οὐδὲ τῶν προσχώρων βαρβάρων, ἀλλὰ ἰδίαν σφῶν οὔπω πρόσθεν οὖσαν τὴν φωνήν· καὶ ἔκτοτε οὐ κατὰ τοὺσ ἄλλουσ προσχώρουσ Σιδῆται ἐβαρβάριζον.