헬라어 문장 검색 - Αρριαν́Αναβασί1́26́

(아리아노스, Anabasis, book 1, chapter 25)

Ἔτι δὲ αὐτῷ περὶ τὴν Φασηλίδα ὄντι ἐξαγγέλλεται Ἀλέξανδρον τὸν Αἐρόπου ἐπιβο9υλεύειν, τά τε ἄλλα τῶν ἑταίρων ὄντα καὶ ἐν τῷ τότε Θεσσαλῶν τῆσ ἵππου ἄρχοντα. ἦν μὲν δὴ ὁ Ἀλέξανδροσ οὗτοσ ἀδελφὸσ Ἡρομένουσ τε καὶ Ἀρραβαίου τῶν ξυνεπιλαβόντων τῆσ σφαγῆσ τῆσ Φιλίππου· καὶ τότε αἰτίαν σχόντα αὐτὸν Ἀλέξανδροσ ἀφῆκεν, ὅτι ἐν πρώτοισ τε ἀφίκετο τῶν φίλων παῤ αὐτόν, ἐπειδὴ Φίλιπποσ ἐτελεύτησε, καὶ τὸν θώρακα συνενδὺσ συνηκολούθησεν αὐτῷ εἰσ τὰ βασίλεια·

ὕστερον δὲ καὶ ἐν τιμῇ ἀμφ̓ αὑτὸν εἶχε, στρατηγόν τε ἐπὶ Θρᾴκησ στείλασ καὶ ἐπειδὴ Κάλασ ὁ τῶν Θετταλῶν ἵππαρχοσ ἐπὶ σατραπείᾳ ἐξεπέμφθη, αὐτὸν ἀπέδειξεν ἄρχειν τῆσ Θεσσαλικῆσ ἵππου. τὰ δὲ τῆσ ἐπιβουλῆσ ἐξηγγέλθη ὧδε. Δαρεῖοσ, ἐπειδὴ Ἀμύντασ αὐτομολήσασ παῤ αὐτὸν λόγουσ τέ τινασ καὶ γράμματα παρὰ τοῦ Ἀλεξάνδρου τούτου ἐκόμισε, καταπέμπει ἐπὶ θάλασσαν Σισίνην, ἄνδρα Πέρσην τῶν ἀμφ̓ αὑτὸν πιστῶν, πρόφασιν μὲν παρὰ Ἀτιζύην τὸν Φρυγίασ σατράπην, τῇ δὲ ἀληθείᾳ τῷ Ἀλεξάνδρῳ τούτῳ συνεσόμενον καὶ πίστεισ δώσοντα, εἰ ἀποκτείνειε βασιλέα Ἀλέξανδρον, αὐτὸν βασιλέα καταστήσειν Μακεδονίασ καὶ χρυσίου τάλαντα πρὸσ τῇ βασιλείᾳ ἐπιδώσειν χίλια.

ὁ δὲ Σισίνησ ἁλοὺσ πρὸσ Παρμενίωνοσ λέγει πρὸσ Παρμενίωνα ὧν ἕνεκα ἀπεστάλη·

καὶ τοῦτον ἐν φυλακῇ πέμπει Παρμενίων παῤ Ἀλέξανδρον, καὶ πυνθάνεται ταὐτὰ παῤ αὐτοῦ Ἀλέξανδροσ. ξυναγαγὼν δὲ τοὺσ φίλουσ βουλὴν προὐτίθει ὅ τι χρὴ ὑπὲρ Ἀλεξάνδρου γνῶναι. καὶ ἐδόκει τοῖσ ἑταίροισ μήτε πάλαι εὖ βεβουλεῦσθαι τὸ κράτιστον τοῦ ἱππικοῦ ἀνδρὶ οὐ πιστῷ ἐπιτρέψασ, νῶν τε χρῆναι αὐτὸν κατὰ τάχοσ ἐκποδὼν ποιεῖσθαι, πρὶν καὶ ἐπιτηδειότερον γενόμενον τοῖσ Θετταλοῖσ ξὺν αὐτοῖσ τι νεωτερίσαι.

καί τι καὶ θεῖον ἐφόβει αὐτούσ. ἔτι γὰρ πολιορκοῦντοσ αὐτοῦ Ἀλεξάνδρου Ἁλικαρνασσὸν ἀναπαύεσθαι μὲν ἐν μεσημβρίᾳ, χελιδόνα δὲ περιπέτεσθαι ὑπὲρ τῆσ κεφαλῆσ τρύζουσαν μεγάλα καὶ τῆσ εὐνῆσ ἄλλῃ καὶ ἄλλῃ ἐπικαθίζειν, θορυβωδέστερον ἢ κατὰ τὸ εἰωθὸσ ᾅδουσαν·

τὸν δὲ ὑπὸ καμάτου ἐγερθῆναι μὲν ἀδυνάτωσ ἔχειν ἐκ τοῦ ὕπνου, ἐνοχλούμενον δὲ πρὸσ τῆσ φωνῆσ τῇ χειρὶ οὐ βαρέωσ ἀποσοβῆσαι τὴν χελιδόνα·

τὴν δὲ τοσούτου ἄρα δεῆσαι ἀποφυγεῖν πληγεῖσαν, ὥστε ἐπὶ τῆσ κεφαλῆσ αὐτῆσ τοῦ Ἀλεξάνδρου καθημένην μὴ πρόσθεν ἀνεῖναι πρὶν παντελῶσ ἐξεγερθῆναι Ἀλέξανδρον. καὶ Ἀλέξανδροσ οὐ φαῦλον ποιησάμενοσ τὸ τῆσ χελιδόνοσ ἀνεκοίνωσεν Ἀριστάνδρῳ τῷ Τελμισσεῖ, μάντει·

Ἀρίστανδρον δὲ ἐπιβουλὴν μὲν ἔκ του τῶν φίλων σημαίνεσθαι αὐτῷ εἰπεῖν, σημαίνεσθαι δὲ καί, ὅτι καταφανὴσ ἔσται. τὴν γὰρ χελιδόνα σύντροφόν τε εἶναι ὄρνιθα καὶ εὔνουν ἀνθρώποισ καὶ λάλον μᾶλλον ἢ ἄλλην ὄρνιθα. Ταῦτά τε οὖν καὶ τὰ ἀπὸ τοῦ Πέρσου ξυνθεὶσ πέμπει ὡσ Παρμενίωνα Ἀμφοτερὸν τὸν Ἀλεξάνδρου μὲν παῖδα, ἀδελφὸν δὲ Κρατεροῦ.

καὶ ξυμπέμπει αὐτῷ τῶν Περγαίων τινὰσ τὴν ὁδὸν ἡγησομένουσ. καὶ ὁ Ἀμφοτερὸσ στολὴν ἐνδὺσ ἐπιχώριον, [καὶ] ὡσ μὴ γνώριμοσ εἶναι κατὰ τὴν ὁδόν, λανθάνει ἐφικόμενοσ παρὰ Παρμενίωνα· καὶ γράμματα μὲν οὐ κομίζει παρὰ Ἀλεξάνδρου·

οὐ γὰρ ἔδοξε γράφειν ὑπὲρ οὐδενὸσ τοιούτου ἐσ τὸ ἐμφανέσ· τὰ δὲ ἀπὸ γλώσσησ οἱ ἐντεταλμένα ἐξήγγειλεν, καὶ οὕτω ξυλλαμβάνεται ὁ Ἀλέξανδροσ οὗτοσ καὶ ἐν φυλακῇ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 25

(아리아노스, Anabasis, book 1, chapter 25)

상위

목록

SEARCH

MENU NAVIGATION