헬라어 문장 검색 - Αρριαν́Αναβασί1́21́

(아리아노스, Anabasis, book 1, chapter 20)

Ἀλέξανδροσ δὲ καταλῦσαι ἔγνω τὸ ναυτικὸν χρημάτων τε ἐν τῷ τότε ἀπορίᾳ καὶ ἅμα οὐκ ἀξιόμαχον ὁρῶν τὸ αὑτοῦ ναυτικὸν τῷ Περσικῷ, οὔκουν ἐθέλων οὐδὲ μέρει τινὶ τῆσ στρατιᾶσ κινδυνεύειν. ἄλλωσ τε ἐπενόει, κατέχων ἤδη τῷ πεζῷ τὴν Ἀσίαν, ὅτι οὔτε ναυτικοῦ ἔτι δέοιτο, τάσ τε παραλίουσ πόλεισ λαβὼν καταλύσει τὸ Περσῶν ναυτικόν, οὔτε ὁπόθεν τὰσ ὑπηρεσίασ συμπληρώσουσιν οὔτε ὅποι τῆσ Ἀσίασ προσέξουσιν ἔχοντασ. καὶ τὸν ἀετὸν ταύτῃ· συνέβαλλεν, ὅτι ἐσήμηνεν αὐτῷ ἐκ τῆσ γῆσ κρατήσειν τῶν νεῶν. Ταῦτα δὲ διαπραξάμενοσ ἐπὶ Καρίασ ἐστέλλετο, ὅτι ἐν Ἁλικαρνασσῷ συνεστηκέναι οὐ φαύλην δύναμιν τῶν τε βαρβάρων καὶ ξένων ἐξηγγέλλετο.

ὅσαι δὲ ἐν μέσῳ πόλεισ Μιλήτου τε καὶ Ἁλικαρνασσοῦ, ταύτασ ἐξ ἐφόδου λαβὼν καταστρατοπεδεύει πρὸσ Ἁλικαρνασσῷ, ἀπέχων τῆσ πόλεωσ ἐσ πέντε μάλιστα σταδίουσ, ὡσ ἐπὶ χρονίῳ πολιορκίᾳ. ἥ τε γὰρ φύσισ τοῦ χωρίου ὀχυρὸν ἐποίει αὐτὸ καὶ ὅπῃ τι ἐνδεῖν ὡσ πρὸσ ἀσφάλειαν ἐφαίνετο, ξύμπαντα ταῦτα Μέμνων τε αὐτὸσ παρών, ἤδη ἀποδεδειγμένοσ πρὸσ Δαρείου τῆσ τε κάτω Ἀσίασ καὶ τοῦ ναυτικοῦ παντὸσ ἡγεμών, ἐκ πολλοῦ παρεσκευάκει, καὶ στρατιῶται πολλοὶ μὲν ξένοι μισθοφόροι ἐν τῇ πόλει ἐγκατελείφθησαν, πολλοὶ δὲ καὶ Περσῶν αὐτῶν, αἵ τε τριήρεισ ἐφώρμουν τῷ λιμένι, ὡσ καὶ ἀπὸ τῶν ναυτῶν πολλὴν ὠφέλειαν γίγνεσθαι ἐσ τὰ ἔργα.

Τῇ μὲν δὴ πρώτῃ ἡμέρᾳ προσάγοντοσ Ἀλεξάνδρου τῷ τείχει κατὰ τὰσ ἐπὶ Μύλασα φερούσασ πύλασ ἐκδρομή τε γίγνεται τῶν ἐκ τῆσ πόλεωσ καὶ ἀκροβολισμόσ·

καὶ τούτουσ οὐ χαλεπῶσ ἀνέστειλάν τε οἱ παῤ Ἀλεξάνδρου ἀντεκδραμόντεσ καὶ ἐσ τὴν πόλιν κατέκλεισαν. Οὐ πολλαῖσ δὲ ὕστερον ἡμέραισ Ἀλέξανδροσ ἀναλαβὼν τούσ τε ὑπασπιστὰσ καὶ τὴν τῶν ἑταίρων ἵππον καὶ τὴν Ἀμύντου τε καὶ Περδίκκου καὶ Μελεάγρου τάξιν τὴν πεζικὴν καὶ πρὸσ τούτοισ τοὺσ τοξότασ καὶ τοὺσ Ἀγριᾶνασ περιῆλθε τῆσ πόλεωσ ἐσ τὸ πρὸσ Μύνδον μέροσ, τό τε τεῖχοσ κατοψόμενοσ, εἰ ταύτῃ ἐπιμαχώτερον τυγχάνει ὂν ἐσ τὴν προσβολὴν, καὶ ἅμα εἰ τὴν Μύνδον ἐξ ἐπιδρομῆσ δύναιτο λαθὼν κατασχεῖν·

ἔσεσθαι γὰρ οὐ σμικρὰν τὴν ὠφέλειαν ἐσ τὴν τῆσ Ἁλικαρνασσοῦ πολιορκίαν τὴν Μύνδον οἰκείαν γενομένην· καί τι καὶ ἐνεδίδοτο αὐτῷ ἐκ τῶν Μυνδίων, εἰ λάθοι νυκτὸσ προσελθών. αὐτὸσ μὲν δὴ κατὰ τὰ ξυγκείμενα ἀμφὶ μέσασ νύκτασ προσῆλθε τῷ τείχει·

ὡσ δὲ οὐδὲν ἐνεδίδοτο ἀπὸ τῶν ἔνδον, αἵ τε μηχαναὶ καὶ αἱ κλίμακεσ αὐτῷ οὐ παρῆσαν, οἱᾶ δὴ οὐκ ἐπὶ πολιορκίαν σταλέντα, ἀλλ̓ ὡσ ἐπὶ προδοσίᾳ ἐνδιδομένησ τῆσ πόλεωσ, προσήγαγε καὶ ὣσ τῶν Μακεδόνων τὴν φάλαγγα, ὑπορύττειν κελεύσασ τὸ τεῖχοσ. καὶ ἕνα γε πύργον κατέβαλον οἱ Μακεδόνεσ, οὐ μέντοι ἐγύμνωσέ γε τὸ τεῖχοσ πεσών· καὶ οἱ ἐκ τῆσ πόλεωσ ἅμα εὐρώστωσ ἀμυνόμενοι καὶ ἐκ τῆσ Ἁλικαρνασσοῦ κατὰ θάλασσαν πολλοὶ ἤδη παραβεβοηθηκότεσ ἄπορον ἐποίησαν τῷ Ἀλεξάνδρῳ τὴν αὐτοσχέδιόν τε καὶ ἐξ ἐπιδρομῆσ κατάληψιν τῆσ Μύνδου.

οὕτω μὲν δὴ ἐπανέρχεται Ἀλέξανδροσ οὐδὲν πράξασ, ὧν ἕνεκα ὡρμήθη, καὶ τῇ πολιορκίᾳ τῆσ Ἁλικαρνασσοῦ αὖθισ προσεῖχε. Καὶ πρῶτα μὲν τὴν τάφρον, ἣ πρὸ τῆσ πόλεωσ ὀρώρυκτο αὐτοῖσ, πλάτοσ μὲν τριάκοντα μάλιστα πηχῶν, τὸ δὲ βάθοσ ἐσ πεντεκαίδεκα, ἐχώννυε, τοῦ ῥᾳδίαν εἶναι τὴν προσαγωγὴν τῶν τε πύργων, ἀφ̓ ὧν ἔμελλε τοὺσ ἀκροβολισμοὺσ ἐσ τοὺσ προμαχομένουσ τοῦ τείχουσ ποιεῖσθαι, καὶ τῶν ἄλλων μηχανῶν, αἷσ κατασείειν ἐπενόει τὸ τεῖχοσ.

καὶ ἥ τε τάφροσ αὐτῷ ἐχώσθη οὐ χαλεπῶσ καὶ οἱ πύργοι προσήγοντο ἤδη.

οἱ δὲ ἐκ τῆσ Ἁλικαρνασσοῦ νυκτὸσ ἐκδραμόντεσ, ὡσ ἐμπρῆσαι τούσ τε πύργουσ καὶ ὅσαι ἄλλαι μηχαναὶ προσηγμέναι ἢ οὐ πόρρω τοῦ προσάγεσθαι ἦσαν, ὑπὸ τῶν φυλακῶν τε τῶν Μακεδόνων καὶ ὅσοι ἐν αὐτῷ ἔργῳ ἐξεγερθέντεσ παρεβοήθησαν οὐ χαλεπῶσ κατεκλείσθησαν ἐσ τὰ τείχη αὖθισ. καὶ ἀπέθανον αὐτῶν ἄλλοι τε ἐσ ἑβδομήκοντα καὶ ἑκατὸν καὶ Νεοπτόλεμοσ ὁ Ἀρραβαίου, τοῦ Ἀμύντου ἀδελφόσ, τῶν παρὰ Δαρεῖον αὐτομολησάντων·

τῶν δὲ Ἀλεξάνδρου στρατιωτῶν ἀπέθανον μὲν ἐσ ἑκκαίδεκα, τραυματίαι δὲ ἐγένοντο ἐσ τριακοσίουσ, ὅτι ἐν νυκτὶ γενομένησ τῆσ ἐκδρομῆσ ἀφυλακτότεροι ἐσ τὸ τιτρώσκεσθαι ἦσαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 20

(아리아노스, Anabasis, book 1, chapter 20)

상위

목록

SEARCH

MENU NAVIGATION