헬라어 문장 검색 - Αρριαν́Αναβασί1́19́

(아리아노스, Anabasis, book 1, chapter 18)

Ἐν τούτῳ δὲ ἐκ Μαγνησίασ τε καὶ Τράλλεων παῤ αὐτὸν ἧκον ἐνδιδόντεσ τὰσ πόλεισ· καὶ ὃσ πέμπει Παρμενίωνα, δοὺσ αὐτῷ δισχιλίουσ καὶ πεντακοσίουσ πεζοὺσ τῶν ξένων καὶ Μακεδόνασ παραπλησίουσ, ἱππέασ δὲ τῶν ἑταίρων ἐσ διακοσίουσ. Ἀλκίμαχον δὲ τὸν Ἀγαθοκλέουσ ἐπὶ τὰσ Αἰολίδασ τε πόλεισ ξὺν δυνάμει οὐκ ἐλάττονι ἐξέπεμψε καὶ ὅσαι Ιὠνικαὶ ὑπὸ τοῖσ βαρβάροισ ἔτι ἦσαν. καὶ τὰσ μὲν ὀλιγαρχίασ πανταχοῦ καταλύειν ἐκέλευσεν, δημοκρατίασ δὲ [τε] ἐγκαθιστάναι καὶ τοὺσ νόμουσ τοὺσ σφῶν ἑκάστοισ ἀποδοῦναι, καὶ τοὺσ φόρουσ ἀνεῖναι, ὅσουσ τοῖσ βαρβάροισ ἀπέφερον.

αὐτὸσ δὲ ὑπομείνασ ἐν Ἐφέσῳ θυσίαν τε ἔθυσε τῇ Ἀρτέμιδι καὶ πομπὴν ἔπεμψε ξὺν τῆ στρατιᾷ πάσῃ ὡπλισμένῃ τε καὶ ὡσ ἐσ μάχην ξυντεταγμένῃ. Τῇ δὲ ὑστεραίᾳ ἀναλαβὼν τῶν τε πεζῶν τοὺσ λοιποὺσ καὶ τοὺσ τοξότασ καὶ τοὺσ Ἀγριᾶνασ καὶ τοὺσ Θρᾷκασ ἱππέασ καὶ τῶν ἑταίρων τήν τε βασιλικὴν ἴλην παὶ πρὸσ ταύτῃ τρεῖσ ἄλλασ ἐπὶ Μιλήτου ἐστέλλετο·

καὶ τὴν μὲν ἔξω[δον] καλουμένην πόλιν ἐξ ἐφόδου ἔλαβεν ἐκλιπούσησ τῆσ φυλακῆσ· ἐνταῦθα δὲ καταστρατοπεδεύσασ ἔγνω ἀποτειχίζειν τὴν εἴσω πόλιν. Ἡγησίστρατοσ γάρ, ὅτῳ ἡ φρουρὰ ἡ Μιλησίων ἐκ βασιλέωσ ἐπετέτραπτο, πρόσθεν γράμματα παῤ Ἀλέξανδρον ἔπεμπεν ἐνδιδοὺσ τὴν Μίλητον·

τότε δὲ ἀναθαρρήσασ ἐπὶ τῷ Περσῶν στρατῷ οὐ μακρὰν ὄντι διασώζειν τοῖσ πέρσαισ ἐπενόει τὴν πόλιν. Νικάνωρ δὲ τὸ Ἑλληνικὸν ναυτικὸν ἄγων ὑποφθάνει τοὺσ Πέρσασ τρισὶν ἡμέραισ πρότεροσ καταπλεύσασ ἢ τοὺσ Πέρσασ Μιλήτῳ προσχεῖν, καὶ ὁρμίζεται ναυσὶν ἑξήκοντα καὶ ἑκατὸν ἐν τῇ νήσῳ τῇ Λάδῃ· κεῖται δὲ αὕτη ἐπὶ τῇ Μιλήτῳ. αἱ δὲ τῶν Περσῶν νῆεσ ὑστερήσασαι, ἐπειδὴ ἔμαθον οἱ ναύαρχοι τῶν ἀμφὶ Νικάνορα τὴν ἐν τῇ Λάδῃ προκαταγωγήν, πρὸσ τῇ Μυκάλῃ τῷ ὄρει ὡρμίσθησαν.

τὴν γὰρ Λάδην τὴν νῆσον προκατειλήφει Ἀλέξανδροσ, οὐ τῶν νεῶν μόνον τῇ ἐγκαθορμίσει, ἀλλὰ καὶ τοὺσ Θρᾷκασ καὶ τῶν ἄλλων ξένων ἐσ τετρακισχιλίουσ διαβιβάσασ ἐσ αὐτήν. ἦσαν δὲ τῶν βαρβάρων αἱ νῆεσ ἀμφὶ τὰσ τετρακοσίασ. Παρμενίων μὲν δὴ καὶ ὣσ παρῄνει Ἀλεξάνδρῳ ναυμαχεῖν, τά τε ἄλλα κρατήσειν τῶ ναυτικῷ τοὺσ Ἕλληνασ ἐπελπίζων καὶ τι καὶ θεῖον ἀνέπειθεν αὐτόν, ὅτι ἀετὸσ ὤφθη καθήμενοσ ἐπὶ τοῦ αἰγιαλοῦ κατὰ πρύμναν τῶν Ἀλεξάνδρου νεῶν.

καὶ γὰρ δὴ νικήσαντασ μὲν μεγάλα ὠφεληθήσεσθαι ἐσ τὰ ὅλα, νικηθεῖσι δὲ οὐ παρὰ μέγα ἔσεσθαι τὸ πταῖσμα· καὶ ὣσ γὰρ θαλασσοκρατεῖν τοὺσ Πέρσασ. καὶ αὐτὸσ δὲ ἔφη ἐπιβῆναι ἐθέλειν τῶν νεῶν καὶ τοῦ κινδύνου μετέχειν. Ἀλέξανδροσ δὲ τῇ τε γνώμῃ ἁμαρτάνειν ἔφη Παρμενίωνα καὶ τοῦ σημείου τῇ οὐ κατὰ τὸ εἰκὸσ ξυμβλήσει·

ὀλίγαισ τε γὰρ ναυσὶ πρὸσ πολλῷ πλείουσ ξὺν οὐδενὶ λογισμῷ ναυμαχήσειν καὶ οὐ μεμελετηκότι τῷ σφῶν ναυτικῷ πρὸσ προησκημένον τὸ τῶν Κυπρίων τε καὶ Φοινίκων· τήν τε ἐμπειρίαν τῶν Μακεδόνων καὶ τὴν τόλμαν ἐν ἀβεβαίῳ χωρίῳ οὐκ ἐθέλειν παραδοῦναι τοῖσ βαρβάροισ·

καὶ ἡττηθεῖσι τῇ ναυμαχίᾳ οὐ μικρὰν τὴν βλάβην ἔσεσθαι ἐσ τοῦ πολέμου τὴν πρώτην δόξαν, τά τε ἄλλα καὶ τοὺσ Ἕλληνασ νεωτεριεῖν πρὸσ τοῦ ναυτικοῦ πταίσματοσ τὴν ἐξαγγελίαν ἐπαρθέντασ. ταῦτα μὲν τῷ λογισμῷ ξυντιθεὶσ οὐκ ἐν καιρῷ ἀπέφαινε ναυμαχεῖν·

τὸ θεῖον δὲ αὐτὸσ ἄλλῃ ἐξηγεῖσθαι· εἶναι μὲν γὰρ πρὸσ αὑτοῦ τὸν ἀετόν, ἀλλ̓ ὅτι ἐπὶ τῇ καθήμενοσ ἐφαίνετο, δοκεῖν οἱ μᾶλλόν τι σημαίνειν, ὅτι ἐκ γῆσ κρατήσει τοῦ Περσῶν ναυτικοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 18

(아리아노스, Anabasis, book 1, chapter 18)

상위

목록

SEARCH

MENU NAVIGATION