Arrian, Anabasis, book 1, chapter 16 2:

οὐ γὰρ πολλὴ ἡ δίωξισ ἐγένετο, ὅτι ἐξετράπη Ἀλέξανδροσ ἐπὶ τοὺσ ξένουσ τοὺσ μισθοφόρουσ· ὧν τὸ στῖφοσ, ᾗ τὸ πρῶτον ἐτάχθη, ἐκπλήξει μᾶλλόν τι τοῦ παραλόγου ἢ λογισμῷ βεβαίῳ ἔμενεν· καὶ τούτοισ τήν τε φάλαγγα ἐπαγαγὼν καὶ τοὺσ ἱππέασ πάντῃ προσπεσεῖν κελεύσασ ἐν μέσῳ δἰ ὀλίγου κατακόπτει αὐτούσ, ὥστε διέφυγε μὲν οὐδείσ, ὅτι μὴ διέλαθέ τισ ἐν τοῖσ νεκροῖσ, ἐζωγρήθησαν δὲ ἀμφὶ τοὺσ δισχιλίουσ.