헬라어 문장 검색 - Αρριαν́Αναβασί1́16́

(아리아노스, Anabasis, book 1, chapter 15)

Οἱ δὲ Πέρσαι, ᾗ πρῶτοι οἱ ἀμφὶ Ἀμύνταν καὶ Σωκράτην προσέσχον τῇ ὄχθῃ, ταύτῃ καὶ αὐτοὶ ἄνωθεν ἔβαλλον, οἱ μὲν αὐτῶν ἀπὸ τῆσ ὄχθησ ἐξ ὑπερδεξίου ἐσ τὸν ποταμὸν ἐσακοντίζοντεσ, οἱ δὲ κατὰ τὰ χθαμαλώτερα αὐτῆσ ἔστε ἰπὶ τὸ ὕδωρ καταβαίνοντεσ. καὶ ἦν τῶν τε ἱππέων ὠθισμόσ, τῶν μὲν ἐκβαίνειν ἐκ τοῦ ποταμοῦ, τῶν δ̓ εἴργειν τὴν ἔκβασιν, καὶ παλτῶν ἀπὸ μὲν τῶν Περσῶν πολλὴ ἄφεσισ, οἱ Μακεδόνεσ δὲ ξὺν τοῖσ δόρασιν ἐμάχοντο.

ἀλλὰ τῷ τε πλήθει πολὺ ἐλαττούμενοι οἱ Μακεδόνεσ ἐκακοπάθουν ἐν τῇ πρώτῃ προσβολῇ, καὶ αὐτοὶ ἐξ οὐ βεβαίου τε καὶ ἅμα κάτωθεν ἐκ τοῦ ποταμοῦ ἀμυνόμενοι, οἱ δὲ Πέρσαι ἐξ ὑπερδεξίου τῆσ ὄχθησ· ἄλλωσ τε καὶ τὸ κράτιστον τῆσ Περσικῆσ ἵππου ταύτῃ ἐπετέτακτο, οἵ τε Μέμνονοσ παῖδεσ καὶ αὐτὸσ Μέμνων μετὰ τούτων ἐκινδύνευε. καὶ οἱ μὲν πρῶτοι τῶν Μακεδόνων ξυμμίξαντεσ τοῖσ Πέρσαισ κατεκόπησαν πρὸσ αὐτῶν, ἄνδρεσ ἀγαθοὶ γενόμενοι ὅσοι γε μὴ πρὸσ Ἀλέξανδρον πελάζοντα ἀπέκλιναν έκλιναν αὐτῶν.

Ἀλέξανδροσ γὰρ ἤδη πλησίον ἦν, ἅμα οἷ ἄγων τὸ κέρασ τὸ δεξιόν, καὶ ἐμβάλλει ἐσ τοὺσ Πέρσασ πρῶτοσ, ἵνα τὸ πᾶν στῖφοσ τῆσ ἵππου καὶ αὐτοὶ οἱ ἡγεμόνεσ τῶν Περσῶν τεταγμένοι ἦσαν· καὶ περὶ αὐτὸν ξυνειστήκει μάχη καρτερά· καὶ ἐν τούτῳ ἄλλαι ἐπ̓ ἄλλαισ τῶν τάξεων τοῖσ Μακεδόσι διέβαινον οὐ χαλεπῶσ ἤδη.

καὶ ἦν μὲν ἀπὸ τῶν ἵππων ἡ μάχη, πεζομαχίᾳ δὲ μᾶλλόν τι ἐῴκει. ξυνεχόμενοι γὰρ ἵπποι τε ἵπποισ καὶ ἄνδρεσ ἀνδράσιν ἠγωνίζοντο, οἱ μὲν ἐξῶσαι εἰσ ἅπαν ἀπὸ τῆσ ὄχθησ καὶ ἐσ τὸ πεδίον βιάσασθαι τοὺσ Πέρσασ, οἱ Μακεδόνεσ, οἱ δὲ εἶρξαί τε αὐτῶν τὴν ἔκβασιν, οἱ Πέρσαι, καὶ ἐσ τὸν ποταμὸν αὖθισ ἀπώσασθαι. καὶ ἐκ τούτου ἐπλεονέκτουν ἤδη οἱ σὺν Ἀλεξάνδρῳ τῇ τε ἄλλῃ ῥώμῃ καὶ ἐμπειρίᾳ καὶ ὅτι ξυστοῖσ κρανεΐνοισ πρὸσ παλτὰ ἐμάχοντο.

Ἔνθα δὴ καὶ Ἀλεξάνδρῳ ξυντρίβεται τὸ δόρυ ἐν τῇ μάχῃ·

ὁ δὲ Ἀρέτην ᾔτει δόρυ ἕτερον, ἀναβολέα τῶν βασιλικῶν· τῷ δὲ καὶ αὐτῷ πονουμένῳ συντετριμμένον τὸ δόρυ ἦν, ὁ δὲ τῷ ἡμίσει κεκλασμένου τοῦ δόρατοσ οὐκ ἀφανῶσ ἐμάχετο, καὶ τοῦτο δείξασ Ἀλεξάνδρῳ ἄλλον αἰτεῖν ἐκέλευεν· Δημάρατοσ δέ, ἀνὴρ Κορίνθιοσ, τῶν ἀμφ̓ αὐτὸν ἑταίρων, δίδωσιν αὐτῷ τὸ αὑτοῦ δόρυ. καὶ ὃσ ἀναλαβὼν καὶ ἰδὼν Μιθριδάτην τὸν Δαρείου γαμβρὸν πολὺ πρὸ τῶν ἄλλων προϊππεύοντα καὶ ἐπάγοντα ἅμα οἷ ὥσπερ ἔμβολον τῶν ἱππέων ἐξελαύνει καὶ αὐτὸσ πρὸ τῶν ἄλλων, καὶ παίσασ ἐσ τὸ πρόσωπον τῷ δόρατι καταβάλλει τὸν Μιθριδάτην.

ἐν δὲ τούτῳ Ῥοισάκησ μὲν ἐπελαύνει τῷ Ἀλεξάνδρῳ καὶ παίει Ἀλεξάνδρου τὴν κεφαλὴν τῇ κοπίδι· καὶ τοῦ μὲν κράνουσ τι ἀπέθραυσε, τὴν πληγὴν δὲ ἔσχε τὸ κράνοσ.

καὶ καταβάλλει καὶ τοῦτον Ἀλέξανδροσ πείσασ τῷ ξυστῷ διὰ τοῦ θώρακοσ ἐσ τὸ στέρνον. Σπιθριδάτησ δὲ ἀνετέτατο μὲν ἤδη ἐπ̓ Ἀλέξανδρον ὄπισθεν τὴν κοπίδα, ὑποφθάσασ δὲ αὐτὸν Κλεῖτοσ ὁ Δρωπίδου παίει κατὰ τοῦ ὤμου καὶ ἀποκόπτει τὸν ὦμον τοῦ Σπιθριδάτου ξὺν τῇ κοπίδι· καὶ ἐν τούτῳ ἐπεκβαίνοντεσ ἀεὶ τῶν ἱππέων ὅσοισ προὐχώρει κατὰ τὸν ποταμὸν προσεγίγνοντο τοῖσ ἀμφ̓ Ἀλέξανδρον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 15

(아리아노스, Anabasis, book 1, chapter 15)

상위

목록

SEARCH

MENU NAVIGATION