Arrian, Anabasis, book 1, chapter 9 2:

τὰ μὲν γὰρ περὶ Σικελίαν Ἀθηναίοισ ξυνενεχθέντα, εἰ καὶ πλήθει τῶν ἀπολομένων οὐ μείονα τὴν ξυμφορὰν τῇ πόλει ἤνεγκεν, ἀλλὰ τῷ τε πόρρω ἀπὸ τῆσ οἰκείασ διαφθαρῆναι αὐτοῖσ τὸν στρατόν, καὶ τὸν πολὺν ξυμμαχικὸν μᾶλλον ἢ οἰκεῖον ὄντα, καὶ τῷ τὴν πόλιν αὐτοῖσ περιλειφθῆναι, ὡσ καὶ ἐσ ὕστερον ἐπὶ πολὺ τῷ πολέμῳ ἀντισχεῖν Λακεδαιμονίοισ τε καὶ τοῖσ ξυμμάχοισ καὶ μεγάλῳ βασιλεῖ πολεμοῦντασ, οὔτε αὐτοῖσ τοῖσ παθοῦσιν ἴσην τὴν αἴσθησιν τῆσ ξυμφορᾶσ προσέθηκεν, οὔτε τοῖσ ἄλλοισ Ἕλλησιν τὴν ἐπὶ τῷ πάθει ἔκπληξιν ὁμοίαν παρέσχε.