헬라어 문장 검색 - Αρριαν́Αναβασί1́04́

(아리아노스, Anabasis, book 1, chapter 3)

Ἀπὸ δὲ τῆσ μάχησ τριταῖοσ ἀφικνεῖται Ἀλέξανδροσ ἐπὶ τὸν ποταμὸν τὸν Ἴστρον, ποταμῶν τῶν κατὰ τὴν Εὐρώπην μέγιστον ὄντα καὶ πλείστην γῆν ἐπερχόμενον καὶ ἔθνη μαχιμώτατα ἀπείργοντα, τὰ μὲν πολλὰ Κελτικά, ὅθεν γε καὶ αἱ πηγαὶ αὐτῷ ἀνίσχουσιν, ὧν τελευταίουσ Κουάδουσ καὶ Μαρκομάνουσ· ἐπὶ δὲ Σαυροματῶν μοῖραν, Ιἄζυγασ·

ἐπὶ δὲ Γέτασ τοὺσ ἀπαθανατίζοντασ· ἐπὶ δὲ Σαυρομάτασ τοὺσ πολλούσ· ἐπὶ δὲ Σκύθασ ἔστε ἐπὶ τὰσ ἐκβολάσ, ἵνα ἐκδιδοῖ κατὰ πέντε στόματα ἐσ τὸν Εὔξεινον πόντον. ἐνταῦθα καταλαμβάνει αὐτῷ ἡκούσασ ναῦσ μακρὰσ ἐκ Βυζαντίου διὰ τοῦ πόντου τοῦ Εὐξείνου κατὰ τὸν ποταμὸν.

ταύτασ ἐμπλήσασ τοξοτῶν τε καὶ ὁπλιτῶν τῇ νήσῳ ἐπέπλει, ἵνα οἱ Τριβαλλοί τε καὶ οἱ Θρᾷκεσ ξυμπεφευγότεσ ἦσαν, καὶ ἐπειρᾶτο βιάζεσθαι τὴν ἀπόβασιν. οἱ δὲ βάρβαροι ἀπήντων ἐπὶ τὸν ποταμὸν, ὅπῃ αἱ νῆεσ προσπίπτοιεν·

αἱ δὲ ὀλίγαι τε ἦσαν καὶ ἡ στρατιὰ οὐ πολλὴ ἡ ἐπ̓ αὐτῶν, καὶ τῆσ νήσου τὰ πολλὰ ἀπότομα ἐσ προσβολήν, καὶ τὸ ῥεῦμα τοῦ ποταμοῦ τὸ παῤ αὐτήν, οἱᾶ δὴ ἐσ στενὸν συγκεκλεισμένον, ὀξὺ καὶ ἄπορον προσφέρεσθαι. Ἔνθα δὴ Ἀλέξανδροσ ἀπαγαγὼν τὰσ ναῦσ ἔγνω διαβαίνειν τὸν Ἴστρον ἐπὶ τοὺσ Γέτασ τοὺσ πέραν τοῦ Ἴστρου ᾠκισμένουσ, ὅτι τε συνειλεγμένουσ ἑώρα πολλοὺσ ἐπὶ τῇ ὄχθῃ τοῦ Ἴστρου, ὡσ εἴρξοντασ, εἰ διαβαίνοι, ‐ ἦσαν γὰρ ἱππεῖσ μὲν ἐσ τετρακισχιλίουσ, πεζοὶ δὲ πλείουσ τῶν μυρίων ‐ καὶ ἅμα πόθοσ ἔλαβεν αὐτὸν ἐπέκεινα τοῦ Ἴστρου ἐλθεῖν.

τῶν μὲν δὴ νεῶν ἐπέβη αὐτόσ·

τὰσ δὲ διφθέρασ, ὑφ̓ αἷσ ἐσκήνουν, τῆσ κάρφησ πληρώσασ καὶ ὅσα μονόξυλα πλοῖα ἐκ τῆσ χώρασ ξυναγαγών ‐ ἦν δὲ καὶ τούτων εὐπορία πολλή, ὅτι τούτοισ χρῶνται οἱ πρόσοικοι τῷ Ἴστρῳ ἐφ̓ ἁλιείᾳ τε τῇ ἐκ τοῦ Ἴστρου καὶ εἴποτε παῤ ἀλλήλουσ ἀνὰ τὸν ποταμὸν στέλλοιντο καὶ λῃστεύοντεσ ἀπ̓ αὐτῶν οἱ πολλοί ‐ ταῦτα ὡσ πλεῖστα ξυναγαγὼν διεβίβαζεν ἐπ̓ αὐτῶν τῆσ στρατιᾶσ ὅσουσ δυνατὸν ἦν ἐν τῷ τοιῷδε τρόπῳ. καὶ γίγνονται οἱ διαβάντεσ ἅμα Ἀλεξάνδρῳ ἱππεῖσ μὲν ἐσ χιλίουσ καὶ πεντακοσίουσ, πεζοὶ δὲ ἐσ τετρακισχιλίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 1, chapter 3

(아리아노스, Anabasis, book 1, chapter 3)

상위

목록

SEARCH

MENU NAVIGATION