Appian, The Civil Wars, book 2, chapter 14 3:

(아피아노스, The Civil Wars, book 2, chapter 14 3:)

Μακρᾶσ δὲ καὶ ἐπιπόνου κατὰ πάντα τὰ μέρη τῆσ μάχησ καὶ πολυτρόπου γενομένησ, περὶ ἑσπέραν μόλισ ὁ Καῖσαρ ἐνίκα καὶ τὸ στρατόπεδον εὐθὺσ ἐξῄρει τὸ τοῦ Σκιπίωνοσ, οὐδὲν ἀνιεὶσ οὐδ’ ἐν νυκτὶ τῆσ νίκησ, μέχρι τὸ σύμπαν ἐξεργάσασθαι. οἱ δ’ ἐχθροὶ κατ’ ὀλίγουσ, ὅπῃ δύναιντο, διέφευγον· καὶ ὁ Σκιπίων αὐτόσ, ἅμα Ἀφρανίῳ πάντα μεθείσ, ἔφευγεν ἀνὰ τὸ πέλαγοσ ἐπὶ δώδεκα ἀφράκτων. Ὧδε μὲν δὴ καὶ ὅδε ὁ στρατόσ, ἐσ ὀκτὼ μυριάδασ μάλιστα συνελθὼν ἔκ τε πολλοῦ γεγυμνασμένοσ καὶ ἐκ τῆσ προτέρασ μάχησ ἐν ἐλπίδι καὶ θάρσει γενόμενοσ, δευτέρᾳ τῇδε συμβολῇ συνετρίβετο ἀθρόωσ. καὶ τὸ τοῦ Καίσαροσ κλέοσ ἐσ ἄμαχον εὐτυχίαν ἐδοξάζετο, οὐδὲν ἔτι τῶν ἡσσωμένων ἐσ ἀρετὴν αὐτοῦ μεριζόντων, ἀλλὰ καὶ τὰ σφέτερα αὐτῶν ἁμαρτήματα τῇ Καίσαροσ τύχῃ προστιθέντων· ἐδόκει γὰρ δὴ καὶ ὅδε ὁ πόλεμοσ ἀβουλίᾳ τῶν στρατηγῶν, οὔτε διατριψάντων αὐτόν, ἑώσ ἀπορήσειεν ὁ Καῖσαρ ὡσ ἐν ἀλλοτρίᾳ, οὔτε τὴν πρώτην νίκην ἐσ τέλοσ προαγαγόντων, συντριφθεὶσ οὕτωσ ὀξέωσ διαλυθῆναι.

일치하는 문장이 없습니다.

SEARCH

MENU NAVIGATION